معلش يا جماعة انا عارف انه موضوع رخم ..
بس أنا عايز استفيد منكم ..
العربية نيسان صني 2010 .. 1600 cc اوتوماتيك
شكرا ..
معلش يا جماعة انا عارف انه موضوع رخم ..
بس أنا عايز استفيد منكم ..
العربية نيسان صني 2010 .. 1600 cc اوتوماتيك
شكرا ..
HP is not cheap
MMamdouh
طيب معلش سؤال رزل (أستحملني )
هو أنت عايز تزود السرعة القصوى ليه ؟؟؟ أنت ناوي تدخل بها سباقات ؟؟
ممكن يا أستاذ أحمد تتجاهل مداخلتي ....... و آسف لو سؤالي كان رزل
بصراحة مش عارف اقولك إيه .. هههههههههههههه
لا يا عم مش سباق ولا حاجة !!
أنا بسأل السؤال ده من اجل المعرفة و كمان أصلي نفسي عربيتي تقفل امبير بجد يعني 220 ..
لا يا حبيبي ولا رزل ولا حاجة ..
كلامك على راسي من فوق .. قول اللي إنت عيزه .. كلنا هنا اخوات
أنت عارف أنا سألت ليه
أصلي بصراحة زهقت من اللي بيحصل على الطريق
ناس تلاقيها بتسابق بعض دون مراعاة أنهم في طريق عام
و ناس تلاقيها ماشية تعمل غرز و آخر رزالة على بقية الخلق
و ناس ببتغابى بجد و بتعمل حاجات غريبة
كرهوني في السواقة و في العربية (اللي بعشقها ) بس ما بقتش عايز أروح أي مكان بسبب السواقة في مصر
فمعلش مواضيع السرعة و التعديلات بقت بتجيبلي ارتكاريا في دماغي
سعادة الباشا
الموضوع لازم يتاخد بالتدريج
يعنى دلوقتى العربية ماشية 220
هل حاتبقى ثابتة ؟؟ لا= تغيير جنوط و كاوتش و مساعدين رياضى و سوست رياضى للتماسك و التهبيط=عدم راحة فى المطبات
هل العربية حاتقف؟ لا=تغيير شامل فى الفرامل ديسكات رياضى و تيل ليهم و ممكن كاليبرات اكبر و ديسكات و تيول تانية ليهم
ده غير الحاجات البديهية من فلتر سبور و شكمان و هيدر اكبر و كمان تعديل سوفت وير الecu
كل ده تقريبا حايكلفك + او - 12000 جنيه
بسيطة يا أحمد، 12 ألف جنيه بس، يالله توكل على الله وأنا وراك ههههههههه
انا رايي تحسن ال Acceleration افضل من تحسين ال Top speed !
الفكرة مش في ان عربيتك هتوصل لسرعة كام ؟ ؟ بس الفكرة هتوصل للسرعة دي بعد قد ايه ؟
اعمل Intake system يعني ركب فلتر هوا رياضي
ومعاها Exhaust system تغيير الشكمان من اوله لاخره وتركب معاها racing headers مع علبة نضيفة + طبعا هتشيل علبة البيئة
ده هيحسن خروج العادم و هيقلل ال back pressure على الماتور وهيحسن الاداء
مع بوجيهات 3 شعلة وزيت ماتور محترم وتبقى مهتم بصيانة عربيتك
القصة دي كدة ممكن ترفعلك العربية في حدود مابين 10-12 حصان وهتحس باختلاف كبيير !
ومش هتكلفك كتير يعني فلتر هوا بتركيبه ممكن يكلفك 500 جنيه تقريبا لو هتجيبه K&N original
الشكمان مع الهيدرز والعلبة ممكن يكلفك في حدود 1200 تقريبا
مع زيوت وبوجيهات يعني القصة ممكن تدخل في حدود 2000 جنيه تقريبا