السلام عليكم ورحمة الله
صباح الفل على كل مالكى اللانسر عندى استفسار
عايز اعرف مميزات وعيوب البومة 2012 1600 اتوماتيك ( ستب ترونيك )
علشان ليا قريب ناوى يشتريها زيرو وبصراحة مش عارف هى الافضل حاليا ولا فى فى نفس الفئة افضل
عرض للطباعة
السلام عليكم ورحمة الله
صباح الفل على كل مالكى اللانسر عندى استفسار
عايز اعرف مميزات وعيوب البومة 2012 1600 اتوماتيك ( ستب ترونيك )
علشان ليا قريب ناوى يشتريها زيرو وبصراحة مش عارف هى الافضل حاليا ولا فى فى نفس الفئة افضل
وعليكم السلام ورحمة الله
بص حضرتك ان شاء الله مفيش تدبيس لانك بتشترى عربية يابانى يعنى اعتمادية وخصوصا انها حتكون زيرو.
بالنسبة للميزات طبعا العربية كاملة الكماليات والشكل الجديد فية اختلاف ف الشبكة الامامية وشكل الجنوط (لو هاف اسبور او سوبر اكشن)وطبعا التابلوة فية العدادات الجديدة والفتيس تيب ترونيك.العربية منتشرة الحمد لله يعنى قطع غيار متوفرة (الغالى والرخيص موجود)
بالنسبة للعيوب انا مش شايف ان فيها عيوب تذكر ولكن بعض الاخوة بيقولو ان الشكل ماتغيرش من 2004 ودة مش عيب ولا حاجة (اللادا ماغيرتش من قرن)ممكن يكون استهلاك البنزين زايد حبتين (للاوتوماتيك).
انا سألت عليها ف معرض عندنا بيقوللى بتبدأمن 100000 ال 1300 مانيوال لحد 139000 ال 1600 سوبر اكشن وفيها 2 ايرباج الاستب ترونك 1600 ب 119000 بس من غير اى زيادات (ولا عتب ولا اكر نيكل)وفيها فردة ايرباج و
خلية يفكر كويس ويقارن ويصلى استخارة والف مبروك مقدما.
الف شكر لاهتمامك وردك
لكن للاسف الوكيل شكله تعبان لانى قالب النت على صور ليها او بروشور ومش لاقى علشان اشوف الصور لانى كان معايا اختها موديل 2007 فى الشغل وكانت مريحانى جدا عايز اعرف الفرق فى ايه وهل الفتيس الجديد ده عمل مشاكل مع حد ولا كويس وكمان اسعار شوية حاجات فى قطع الغيار زى الفوانيس مثلا وكمان تيل الفرامل وشكرا
عربية ممتازة بس عندك رينو فلوانس ومازدا 3 أفضل ومفيش حاجة اسمها تدبيس فى عربية زيرو لكن تمنها غالى عليها خصوصا إن شكلها ثابت من فترة ومفيش جديد فيها
المازدا 3 جميلة لكن قطع الغيار نار
الفلونس جميلة جدا وناعمة جدا وثابتة لكن برده نفس المشكلة قطع الغيار
انما اللانسر بسبب انتشارها اعتقد قطع الغيار تكون ارخص
والله بص حضرتك الميزة الوحيدة انك لو هتجيب قطع غيار هتلاقى المضروب الرخيص والاصلى والاصلى ده غالى فى كله لانسر مازدا فلونس كله بقى غالى خلاص مفيش حاجة رخيصه لكن الميزه للانسر ان فيه مضروب يعنى قدامك اختيارات كتير فى اى حاجة تحتاج تغيرها