هو زيت الموتور بيروح فين ؟؟؟

**profamr** · 06-03-2012 01:38 PM

انا عايز اسأل سؤال علمي شويه محيرني مع ان مش معايا عربيه اصلا

اي حد عنده عربيه بشوفه بيكشف عالزيت من البتاعه الطويله دي اللي بيفكها ويطلعها

(السؤال لسه مجاش D:)

هو بيشوف لزوجه الزيت ولا مستواه ؟؟

السؤال بقا :

لو هو بيشوف لزوجه الزيت تبقي مفهومه ..انما لو بيشوف مستواه ,,,ليه بيشوف مستواه ؟؟؟؟؟؟؟؟؟؟

هو الزيت هيروح فين ؟؟؟؟؟

الماده لا تفني ولا تستحدث من عدم ..وهو حاطط مثلا 3 كيلو زيت هيجي بعد شهرين يلاقيهم 2 كيلو بس مثلا ؟؟!!!!!!!!!!!!!!!!!!!!!!!!!!!!!!!!

**فادى محمد** · 06-03-2012 02:57 PM

اهلا بيك في نايل موتورز..
بص يا باشا...
-زمان كان معيار جوده الزيت في الموتور هو اللزوجه واللون,لما تقل اللزوجه يبقي الزيت تعيش انت ولما يسود يبقي اصبح مشبع بالرواسب الكربونيه ولازم يتغير برده..
-مع تطور تكنولوجيا المواتير ومعاها تطورت الزيوت اصبحت كلها قليله او متوسطه اللزوجه مش زي زمان. ولما الزيت يسود يبقي فعلا بيقوم بدوره في تنظيف الموتور من الرواسب..
-بخصوص نقصان مستوي الزيت فهو ماده سائله ,تمام .لا تفني ولكن بتتحول بالضغط والحراره العاليه داخل الموتور لماده اخري غازيه تتكثف تاني وتخرج بره الموتور مع الاحتراق ولذلك الزيت بيقل مع الاستخدام..
-في كل موتور هتلاقي خرطوم اسمه (فايظ بخار الزيت) وده بيخرج منه جزء بسيط جدا من الزيت علي هيئه بخار لمانفولد السحب يتحرق داخل غرفه الاحتراق وبيستفاد منه في حاجتين..
1-تزييت اجزاء مانفولد السحب.
2-تقليل الضغط داخل الموتور ...تحياتي

**Elawany13** · 06-03-2012 05:38 PM

لو ماتور العربية فيه عيب هياكل زيت وطبعا الزيت هينقص
لو حصل كسر أو شرخ فى كارتيرة الزيت الزيت هيتسرب ولو قل بصورة كبيرة هتبقى كارثه

**Sehsss** · 06-03-2012 07:04 PM

المشاركة الأصلية كتبت بواسطة hellboy

اهلا بيك في نايل موتورز..
بص يا باشا...
-زمان كان معيار جوده الزيت في الموتور هو اللزوجه واللون,لما تقل اللزوجه يبقي الزيت تعيش انت ولما يسود يبقي اصبح مشبع بالرواسب الكربونيه ولازم يتغير برده..
-مع تطور تكنولوجيا المواتير ومعاها تطورت الزيوت اصبحت كلها قليله او متوسطه اللزوجه مش زي زمان. ولما الزيت يسود يبقي فعلا بيقوم بدوره في تنظيف الموتور من الرواسب..
-بخصوص نقصان مستوي الزيت فهو ماده سائله ,تمام .لا تفني ولكن بتتحول بالضغط والحراره العاليه داخل الموتور لماده اخري غازيه تتكثف تاني وتخرج بره الموتور مع الاحتراق ولذلك الزيت بيقل مع الاستخدام..
-في كل موتور هتلاقي خرطوم اسمه (فايظ بخار الزيت) وده بيخرج منه جزء بسيط جدا من الزيت علي هيئه بخار لمانفولد السحب يتحرق داخل غرفه الاحتراق وبيستفاد منه في حاجتين..
1-تزييت اجزاء مانفولد السحب.
2-تقليل الضغط داخل الموتور ...تحياتي

100 100