الموضوع: ((((((((( لو تم تصنيع و تصميم عربية مصرية 100% تشتريها؟ )))))))))))

المشاركة الأصلية كتبت بواسطة ahmedsrs

ربنا كريييييم

ما ربنا كريم يا احمد بس انت انوى و خلى عندك النية

المشاركة الأصلية كتبت بواسطة dr_3eshoo

كان في زمان عربيه مصريه بتكنولوجيا الماني تدعى رمسيس و كانت كما يقول الناس القديمه عربيه محترمه و كان تمنها تمن البيتلز اكيد هاشتريها بس لو كانت بكفائه عاليه و تستحق تمنها و شكلها حلو و خمات ممتازة

تخيل انا فعلا شفت وحدة ماشية فى اسكندرية لحد دلوقتى بس مش عارف جايبين لها قطع غيار منين

الا اذا كانوا ركبوا ماتور تانى عليها

و على فكرة دى تجميع مش تصنيع

المشاركة الأصلية كتبت بواسطة karimalaa

فخر الصناعة المصرية؟؟؟؟؟؟؟؟؟
مش لما نبقى نصنع عجلة الأول هههههههههههههههههههههههه

مش قوى كدة يا باشا احنا فعلا بنصنع عجل و كاوتش كمان

بس معلومة قليل يعرفوها كاوتش النسر الخاص بالتصدير غير كاوتش النسر المحلى (الشعبى يعنى) فرق السماء من الارض فى الجودة

نسب مكونات الكاوتش هنا مش هية خالص النسب فى كاوتش النسر الخاص بالتصدير

المشاركة الأصلية كتبت بواسطة gsober

بجد انا نفسى اركب عربيه صنع بلادى
دنا وانا بتكلم مع العيال الامريكان على الشات هبقى منجعص قوى قوى
ياريت والله بجد ابدا احس اننى عايش

اجدع واحد قابلته من سنين

بجد لية منشجعش صناعتنا و لما نلاقى فيها قصور لازم نحسنها للافضل

علشان بجد نحس اننا بنعمل حاجة

المشاركة الأصلية كتبت بواسطة محمد ابراهيم 1

يا ريت
بس حتكون بكام وجودتها عامله إذاى بالنسبه لسعرها

انت فى مصر يا باشا فاكيد مش حتعمل حاجة غالية تانى يوم تلاقيها مخبوطة ولا مسروق منها حتت

اكيد سعرها متوسط و شكلها كويس

اما الجودة دا معروف حسب الخامات ممكن تحط خامات كويسة تعيش و تستحمل و ممكن تحط بلاستكات

المشاركة الأصلية كتبت بواسطة seatlover

الموضوع بسيط جداً و ممكن شوية شباب من بتوعنا
يلفوا عربية جولف على ايدهم

بس المشكلة فى موافقة وزارة السياحة

احم احم احم عندك حق نسيت الموضوع دا موافقة كل الجهات الرسمية فى البلد

حتى يمكن يطلبوا موافقة الصرف الصحى علشان يشوفوا العربية بتغرق لما تدخل فى بلاعة مفتوحة ولا لقى هههههههه

المشاركة الأصلية كتبت بواسطة homme49

تلك السيارة (رمسيس) كانت ألمانى شرقى و كانت تجمع فى مصر فى شركة صناعة وسائل النقل الخفيف (إلترامكو) الشركة التى تنتج الميكروباص الرومانى فى طريق مصر إسكندرية الصحراوى و تم إنتاج أربعة موديلات مختلغة منها و كانت 2 سيلندر بسعة لترية 583cc
و كان إسمها الأصلى NSU
و كانت باب واحد و الموتور فى الخلف و الشنطة فى الأمام مثل البيتلز مع الفارق طبعا و كانت ممتازة بالنسبة لثمنها و لم نكن نحسب حساب البنزين فى ذلك الوقت حيث كان البنزين رخيص جدا و لكن كان يعيبها أنها خفيفة جدا لدرجة أننا كنا نضع شيكارة أسمنت فى الشنطة الأمامية لثبيت السيارة على الأرض
الطريف أن هناك مثل ألمانى غربى ينتقد السيارات المنتجة فى ألمانية الشرقية
و يقول : NSU geht weillen zu
أى أن السيارة nsu تسير أحيانا
لمزيد من المعلومات عتها يمكن زيارة الرابط التالى
http://www.geocities.com/mdbois/ramses.html

معلومات جديدة و مميزة شكرا لك على المشاركة

عموما 583 سىسى حلوة جوة البلد لو انت ناوى بس تمشى على الاول و الثانى و التالت قبل ما تجيب الرابع تلاقى نفسك وصلت الاشارة الحمراء الى بعديها

المشاركة الأصلية كتبت بواسطة Ahmed Samy

يااااااااااااااااه
دا انا كونت اشتريها و اشتريها و اشتريها
بس فيييييييييييييييين يا حسرة

انت كدة قولت اشترتها 3 مرات ورا بعض لازم تجيب محلل هاهاها

المشاركة الأصلية كتبت بواسطة hazem_khidr

اكيد حتبقي من ضمن اختياراتي لو جيت اغير العربيه
بس علي الاقل تكون كويسه ولو بجوده الاسبرانزا مثلا
مافيش مشاكل لو دفعت مبلغ زياده علشان اشجع صناعه بلدي
بس ما يبقاش تمنها مبالغ فيه

ثانى رد جميل فى الموضوع الحمد لله لسة فية ناس بتشجع صناعة بلدها

المشاركة الأصلية كتبت بواسطة belal rashed

أكيد هركبها .....ما أنا لسه برضه مصرى يا شباب,ولا إيه؟؟؟؟؟؟؟؟؟؟؟؟؟؟؟؟؟

هاهاها طيب ادينى تعريف للمصرى هل الى اتولد فى مصر ولا الى عاش فى مصر ولا الى بيشترى المنتج المصرى

المشاركة الأصلية كتبت بواسطة zizo

حشتريها لانى نفسى اشوف بلدى احسن بلد وتشجيع لصناعة مصر.

باذن لله تشوفها كدة

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ
الرد على مداخلات الأعضاء يكون في مشاركة واحدة
وليس كل اقتباس بمشاركة
تم دمج المشاركات برجاء مراعاة هذه النقطة مستقبلا

و شكرا لتعاونكم
مشرف القســـــــم العــــــــــــــــــــــ ـــــام