((((((((( لو تم تصنيع و تصميم عربية مصرية 100% تشتريها؟ )))))))))))

**atamim** · 03-06-2008 11:51 PM

السلام عليكم ورحمه الله و بركاته

عارف انى حسمع منكم واحد بيقول دا جد جدى كان ناوى يشتريها بس كل مرة يقولوا لسة مصنعنهاش استنى كمان سنه لحد ما الراجل فقد الامل و اشترى ال 128 الى بتتجمع عندنا من سنين طويلة

بس بجد حبيت اسمع منكم

لو فعلا كنت بتحلم فى يوم من الايام بعربية تصمميم و تصنيع مصرى 100% كنت تتخيلها امكانياتها اى و سعرها اى و شكلها اى؟؟

طيب لو كان تصنيع الماتور هوة المشكلة (مع ان عندنا كام ميت الف مهندس ميكانيكا ) هل كنت تفكر تخلى شركة كبيرة من برة تصنع ماتور خاص بمواصفات العربية لحد ما المصنع يشتغل و يكون فية الامكانية لصناعة مواتير خاصة بيها؟

مع العلم ان حاليا جميع مكونات اى عربية بتتصنع هنا (كاوتش -بطاريات - فرش -صاج - عفشة -زجاج -شوية بلاستيكات -الخ الخ الخ)

**ahmedsrs** · 04-06-2008 12:01 AM

ربنا كريييييم

**dr_3eshoo** · 04-06-2008 12:34 AM

كان في زمان عربيه مصريه بتكنولوجيا الماني تدعى رمسيس و كانت كما يقول الناس القديمه عربيه محترمه و كان تمنها تمن البيتلز اكيد هاشتريها بس لو كانت بكفائه عاليه و تستحق تمنها و شكلها حلو و خمات ممتازة

**karimalaa** · 04-06-2008 12:40 AM

فخر الصناعة المصرية؟؟؟؟؟؟؟؟؟
مش لما نبقى نصنع عجلة الأول هههههههههههههههههههههههه

**gsober** · 04-06-2008 12:50 AM

بجد انا نفسى اركب عربيه صنع بلادى
دنا وانا بتكلم مع العيال الامريكان على الشات هبقى منجعص قوى قوى
ياريت والله بجد ابدا احس اننى عايش

**محمد ابراهيم 1** · 04-06-2008 01:13 AM

يا ريت
بس حتكون بكام وجودتها عامله إذاى بالنسبه لسعرها

**SEATLOVER** · 04-06-2008 01:27 AM

الموضوع بسيط جداً و ممكن شوية شباب من بتوعنا
يلفوا عربية جولف على ايدهم

بس المشكلة فى موافقة وزارة السياحة

**homme49** · 04-06-2008 01:35 AM

المشاركة الأصلية كتبت بواسطة dr_3eshoo

كان في زمان عربيه مصريه بتكنولوجيا الماني تدعى رمسيس و كانت كما يقول الناس القديمه عربيه محترمه و كان تمنها تمن البيتلز اكيد هاشتريها بس لو كانت بكفائه عاليه و تستحق تمنها و شكلها حلو و خمات ممتازة

تلك السيارة (رمسيس) كانت ألمانى شرقى و كانت تجمع فى مصر فى شركة صناعة وسائل النقل الخفيف (إلترامكو) الشركة التى تنتج الميكروباص الرومانى فى طريق مصر إسكندرية الصحراوى و تم إنتاج أربعة موديلات مختلغة منها و كانت 2 سيلندر بسعة لترية 583cc
و كان إسمها الأصلى NSU
و كانت باب واحد و الموتور فى الخلف و الشنطة فى الأمام مثل البيتلز مع الفارق طبعا و كانت ممتازة بالنسبة لثمنها و لم نكن نحسب حساب البنزين فى ذلك الوقت حيث كان البنزين رخيص جدا و لكن كان يعيبها أنها خفيفة جدا لدرجة أننا كنا نضع شيكارة أسمنت فى الشنطة الأمامية لثبيت السيارة على الأرض
الطريف أن هناك مثل ألمانى غربى ينتقد السيارات المنتجة فى ألمانية الشرقية
و يقول : NSU geht weillen zu
أى أن السيارة nsu تسير أحيانا
لمزيد من المعلومات عتها يمكن زيارة الرابط التالى
http://www.geocities.com/mdbois/ramses.html

**Ahmed Samy** · 04-06-2008 02:01 AM

يااااااااااااااااه
دا انا كونت اشتريها و اشتريها و اشتريها
بس فيييييييييييييييين يا حسرة

**hazem_khidr** · 04-06-2008 05:57 AM

اكيد حتبقي من ضمن اختياراتي لو جيت اغير العربيه
بس علي الاقل تكون كويسه ولو بجوده الاسبرانزا مثلا
مافيش مشاكل لو دفعت مبلغ زياده علشان اشجع صناعه بلدي
بس ما يبقاش تمنها مبالغ فيه

مشاهدة نتائج الإستطلاع: تصنيع عربية مصرية 100% حلم ام حقيقة

الموضوع: ((((((((( لو تم تصنيع و تصميم عربية مصرية 100% تشتريها؟ )))))))))))

LinkBack

أدوات الموضوع

عرض

-

-

-

-

-

المواضيع المتشابهه

تصنيع اول سيارة مصرية ب 25 الف جنيه-بتبني من مؤسسة الرئاسة

تصنيع صب ووفر بأيدى مصرية وبماتريالس وخامات جيدة كالخارج Yes We Can

تصميم سيارة كنس شوارع مصرية ؟!

اى احسن عربية تشتريها مستعملة و انت مطمئن ؟؟؟؟؟

لماذا عدم تصنيع سياره مصرية الي الان

الكلمات الدلالية لهذا الموضوع

المفضلات

المفضلات

ضوابط المشاركة