3- عاوز اجيب قربة سنتر .. منين ؟
اولا رقم 3 دا اللى فى العنوان عشان هيا تالت مشكله اعرضها فى المنتدى
نيجى بقه للموضوع انا عندى الباب اللى ورا شمال فجاه كده مبقاش يقفل مع السنتر وساعات يقفل ميفتحش وساعات الاقي القفل واقف فى النص لا عارف يقفل ولا يفتح المهم لما رحت ل 4 كهربائيه مختلفين وكل واحد فكلى الباب ووسخه شويه اتضح ان قربة السنتر باظت وقالولى مش بتتصلح لان فيها ترس فوت المهم اخر كهربائى اللى هوا عند مشعل دا ( اللى فى المنصوره يعرفو ) قالى روح شوفها استعمال دورت عليها وملقتهاش عند اى حد قلت اجيبها جديده من عند الخضرى ملقتهاش رحت سالت التوكيل لقيتها ب 400 جنيه - مع انها حتة بلاستيك متساويش 100 جنيه ياعنى- المهم رجعت للكهربائى تانى قالى هات واحده من عند الفلاح اللى بتركب على اى عربيه دى ب 15 جنيه باين , المهم بعد ما جبتها الراجل قاللى هقطعلك السلكين اللى داخلين فى القربه واعلقهالك فى مكان تانى كده المهم حسيت انها هتبقى زى باب تاكسى ورفضت الفكره ورجعت القربه دى تانى وسبت الوضع على ما هو عليه لحد ما زهقت وعاوز حل الموضوع
خلاص كده خلصت الحكايه
