الموضوع: الاضاءة ضعيفه جدا جدا

السلام عليكم
لو سمحتم انا معايا عربيه دايوا لانوس والمشكله عندي الاضاءه ضعيفه وانا ماشي علي الدائري والدولي وانا مسافر ببقي ماشي مش شايف حاجه خالص خالص ومعلي النور علي اعلي حاجه مش عارف اعمل ايه المهم انا عاوز اعلي النور بس مش عاوز احط كتاوت ولا العب في العربيه ياريت حد يقلي اجيب ايه واعمل ايه؟؟؟

حضرتك ممكن تركب لمبات احسن من اللى عندك و اقترح عليك الاوسرام نايت بريكر بلس إضاءتها جامده و تفرش الضوء ٣٥ متر قدامك بس انا مش متأكد اذا كانت تناسب عربيتك و لا لأ بس اذا كانت تنفع هتعجبك قوى

طيب انا عاوز اعرف تنفع ولا لا انا معايا لانوس 2005 والنور بتاعها الفبريكه ياريت تقول علي الاسم بتاعها كامل والصناعه بحيث انزل اجبها انا من الاسكندريه

والنور الابيض احسن ولا الاصفر

النايت بريكر احسن حاجة وتنفع عندك انا ركبتها عندى فى الفيرنا ثم فى اللانسر

لو اللمض اللى عندك ٥٥ وات يبقى تنفع و اللى باقولك عليها دى اسمها اوسرام نايت بريكر بلس h4 و سعرها ١٢٠ جنيه و هى صناعه المانى و لو عايز تجيبها من اسكندريه ممكن تلاقيها فى محمد نجيب على البحر بجوار مؤمن محل اسمة القباري و تركيبهم سهل ان شاء الله

طيب انا h كام

المشاركة الأصلية كتبت بواسطة waelfish

طيب انا h كام

لو لمض الفابريكه بتاعتك ٥٥ وات. و العالى و الواطى فى لمبه واحده يبقى h4 يا باشا و برضه لما تروح ممكن تتأكد من البائع على المعلومه لو انت مش عارف بيانات اللمبه بتاعتك لان هما بيبقوا حافظين بس فى الأغلب هى زى ما قلتلك

طيب معلش ياباشا هيا لونها اصفر ولا ايه وانهو الافضل

المشاركة الأصلية كتبت بواسطة waelfish

طيب معلش ياباشا هيا لونها اصفر ولا ايه وانهو الافضل

هى لونها على ابيض و فى درجه ازرق ضعيفه يعنى تقدر تقول ابيض ٩٠٪ و ازرق ١٠٪ و نورها مبهر و بيكشف الدنيا قدامك و على فكره بيضايق اللى ماشى قدامك او اللى جى فى الاتجاه التانى و اكيد الابيض احسن من الاصفر