على اساس ان برا مش بيطلبوا خبرة ؟
عرض للطباعة
على اساس ان برا مش بيطلبوا خبرة ؟
الهم واحد والله .. انا مهندس ميكانيكا 2011 ..وتعليقا علي موضوع السفر.. ياريت بقي فيه فرص عدلة ..كل اللي موجود يأما بيطلبوا خبرة ..يأما بمرتبات تعبانة ..يعني مقفلة من مجاميعو يا معلم ..وبالنسبة لكلام الكبار فعلا يفقع اللي يقولك انت لسه متخرج فلازم تتمرمط بأي مرتبات وانت لسه في الأول وانتوا عايزين كل حاجة بسرعة ..كل ده ع اساس ان الواحد قضي من عمره 16 سنة متعلمش فيهم حاجة ولا طلع عين اهله فيهم و 5 سنين هندسة ملهمش اي قيمة ..وكأن برضه البلد مفيهاش اي فرص كويسة خالص مالص ولا الفرص دي متشالة لناس بعينها مفيش اي حاجة مميزة فيهم غير انهم يعرفوا ناس هناك !..بجد احنا ملناش غير ربنا
انا الحمد لله خريج هندسه دفعه 2011 بردو
بس ربنا كرمنى ودخلت الجيش بقبض مبلغ وقدره 175 جندى
اهو اى حاجه الواحد يتلكك بيها انها مش بيشتغل
طمنتنى يا باشا انا برضو هندسة بس فاضلى 3 شهور واتخرج إن شاء الله
فى مصر عشان تشتغل لازم يكون معاك خبرة وعشان يكون معاك خبرة لازم تشتغل ( حد يحل المعضلة دى )
ده انا مطلعتش لوحدى بقى
ممكن الاخوة حديثى التخرج حد منهم يعمل موضوع مستقل
كل مهندس بدون عمل يكتب سنة التخرج و التخصص و التقدير ان امكن و المرتب اللي يقبل بيه
و المهندس القدامي يساعدوهم علي ايجاد وظائف
من باب تعاونوا علي البر و التقوى
وكان الله فى عون العبد ما دام العبد فى عون اخيه
انا هبداء بنفسي
انا محتاج مهندس يكون ميكانيكا يكون مهندس موقع
من وجهه نظري مهندس قديم مش حديث التخرج دفعه 2005
الخبره تعني المعرفه تعرف ولا لأ لكن لما يبقي واحد جي يتقدم لشغلانه مثلا مهندس نظم it
وتساله يقول لا معرفش طيب تعرف ايه يرد انا خريج جديد هو انا مش هاتدرب
طيب ادربك علي ايه انت قصدك اعلمك
وعلي فكره مثلا بالنسبه لمهندسين الاتصالات والكمبيوتر اعتقد كلهم عارفين معاهد التدريب والمنح ليه مش بتشتركوا فيها ماهي ببلاش وفيه منها اللي بفلوس هتتخرج منها ان شاء الله تلاقي شغل زي ماللي قبلنا عملوا وزينا
فمش لازم تدفع دم قلبك كورسات لا فيه حاجات ببلاش
الحل انك تقعد تدور انا بقالي 3 شهور كل يوم بدخل ابعت ال Cv مش اققل من 50 شركه جوه و بره مصر .. و حاولت لحد ما لقيت حاجه و لو انت قاعد فاضي شوف كورسات خدها عشان تستفيد من الوقت الفاضي لكن ماتفقدش الامل و تقول اصلي مالقتش ..
يا جماعة انا هتخرج دفعة 2012 قسم كهرباء و اتصالات مفيش برضوة شغل ولا دة على قسم معين احسن كدة هيجلى اكتئاب نفسى