غير مطلوب مهندسين حديثى التخرج

**mohdamin18** · 06-03-2012 08:53 PM

على اساس ان برا مش بيطلبوا خبرة ؟

**eslamrace** · 06-03-2012 10:16 PM

المشاركة الأصلية كتبت بواسطة mohdamin18

على اساس ان برا مش بيطلبوا خبرة ؟

لا بيطلبوا بس من حقهم لان الشخص بيكون اجنبى والمفترض انه اخد الخبره فى بلده

انما فى بلدى كمان عايزين خبره اجيبهلهم منين

وده اللى احنا بنقولو

**hazemhany** · 06-03-2012 10:19 PM

الهم واحد والله .. انا مهندس ميكانيكا 2011 ..وتعليقا علي موضوع السفر.. ياريت بقي فيه فرص عدلة ..كل اللي موجود يأما بيطلبوا خبرة ..يأما بمرتبات تعبانة ..يعني مقفلة من مجاميعو يا معلم ..وبالنسبة لكلام الكبار فعلا يفقع اللي يقولك انت لسه متخرج فلازم تتمرمط بأي مرتبات وانت لسه في الأول وانتوا عايزين كل حاجة بسرعة ..كل ده ع اساس ان الواحد قضي من عمره 16 سنة متعلمش فيهم حاجة ولا طلع عين اهله فيهم و 5 سنين هندسة ملهمش اي قيمة ..وكأن برضه البلد مفيهاش اي فرص كويسة خالص مالص ولا الفرص دي متشالة لناس بعينها مفيش اي حاجة مميزة فيهم غير انهم يعرفوا ناس هناك !..بجد احنا ملناش غير ربنا

**eng_volto** · 06-03-2012 10:44 PM

انا الحمد لله خريج هندسه دفعه 2011 بردو
بس ربنا كرمنى ودخلت الجيش بقبض مبلغ وقدره 175 جندى
اهو اى حاجه الواحد يتلكك بيها انها مش بيشتغل

**AirForces** · 06-03-2012 10:53 PM

طمنتنى يا باشا انا برضو هندسة بس فاضلى 3 شهور واتخرج إن شاء الله
فى مصر عشان تشتغل لازم يكون معاك خبرة وعشان يكون معاك خبرة لازم تشتغل ( حد يحل المعضلة دى )

**eng/muhamad** · 06-03-2012 11:33 PM

ده انا مطلعتش لوحدى بقى

**Waleed_Fathy** · 07-03-2012 12:02 AM

ممكن الاخوة حديثى التخرج حد منهم يعمل موضوع مستقل
كل مهندس بدون عمل يكتب سنة التخرج و التخصص و التقدير ان امكن و المرتب اللي يقبل بيه
و المهندس القدامي يساعدوهم علي ايجاد وظائف
من باب تعاونوا علي البر و التقوى
وكان الله فى عون العبد ما دام العبد فى عون اخيه
انا هبداء بنفسي
انا محتاج مهندس يكون ميكانيكا يكون مهندس موقع

**engtmk** · 07-03-2012 01:22 AM

المشاركة الأصلية كتبت بواسطة eslamrace

لا بيطلبوا بس من حقهم لان الشخص بيكون اجنبى والمفترض انه اخد الخبره فى بلده :_alshmokh11:
انما فى بلدى كمان عايزين خبره اجيبهلهم منين:b4_556: وده اللى احنا بنقولو

من وجهه نظري مهندس قديم مش حديث التخرج دفعه 2005

الخبره تعني المعرفه تعرف ولا لأ لكن لما يبقي واحد جي يتقدم لشغلانه مثلا مهندس نظم it
وتساله يقول لا معرفش طيب تعرف ايه يرد انا خريج جديد هو انا مش هاتدرب

طيب ادربك علي ايه انت قصدك اعلمك

وعلي فكره مثلا بالنسبه لمهندسين الاتصالات والكمبيوتر اعتقد كلهم عارفين معاهد التدريب والمنح ليه مش بتشتركوا فيها ماهي ببلاش وفيه منها اللي بفلوس هتتخرج منها ان شاء الله تلاقي شغل زي ماللي قبلنا عملوا وزينا

فمش لازم تدفع دم قلبك كورسات لا فيه حاجات ببلاش

**Kazzaz** · 07-03-2012 01:35 AM

الحل انك تقعد تدور انا بقالي 3 شهور كل يوم بدخل ابعت ال Cv مش اققل من 50 شركه جوه و بره مصر .. و حاولت لحد ما لقيت حاجه و لو انت قاعد فاضي شوف كورسات خدها عشان تستفيد من الوقت الفاضي لكن ماتفقدش الامل و تقول اصلي مالقتش ..

**masterzmind** · 07-03-2012 01:43 AM

يا جماعة انا هتخرج دفعة 2012 قسم كهرباء و اتصالات مفيش برضوة شغل ولا دة على قسم معين احسن كدة هيجلى اكتئاب نفسى

الموضوع: غير مطلوب مهندسين حديثى التخرج

LinkBack

أدوات الموضوع

عرض

-

-

-

-

-

المواضيع المتشابهه

مطلوب مهندسين ميكانيا انتاج حديثى التخرج

مهندسين حديثى التخرج لشركة بترول Baker Hughes

مطلوب مهندسين حديئى التخرج وفنين وعامل نظافة

فرصة عمل بالسعودية,,, مطلوب مهندسين حديثى التخرج او خبرة.

مطلوب محاسبين حديثى التخرج

الكلمات الدلالية لهذا الموضوع

المفضلات

المفضلات

ضوابط المشاركة