هل لو انت متضايق ممكن تروح لدكتور نفساني و لو عرفت حد حبيبك راح لدكتور نفساني هل هاتقطع معاه و لا عادي
عرض للطباعة
هل لو انت متضايق ممكن تروح لدكتور نفساني و لو عرفت حد حبيبك راح لدكتور نفساني هل هاتقطع معاه و لا عادي
يا دوك عيب تسأل السؤال ده
الطب النفسى جزء اساسى من الطب, و امراض كتير بيبقى السبب الاساسى فيها نفسى مش عضوى
طبعا لو اى وقت لقيت انى محتاج اروح لدكتور, مش هتردد
بس لازم ابقى عارف دكتور كويس و بيتقى ربنا, لأن المجال ده فى ناس واخداه بزنس جامد, و بتستغل المرضى اسوأ استغلال, لأحتياجهم الشديد لهم
و لو حد اعرفه راح لدكتور نفسى, عادى جدا افضل معاه, بل العكس, احاول اقرب منه, و احاول اساعده يخرج من محنته
اصل في ناس شايفاه ان ده عيب في الشخص و طبعا زي مانت فاهم ان اكبر راس مال للدكتور هو السمعه ماينفعش ناس تعرف انه بيروح لدكتور نفساني هايبقى ايه النظام
انا فاهم كلامك يا معاذ و بدرسه بس انا عاوز اعرف كزا رايي في الموضوع ده بالزات
الطبيب النفسي الكويس اصبح مطلوبا بشدة في هذه الايام ..مع ضغوط الحياة المتعددة التي استوجبت وجوده في حياة الناس ...
**************
لكن ليا سؤال لدكاترة المنتدي ...
هل اطباء المخ و الاعصاب بيشتغلوا في النفسية و العصبية ..و هل العكس صحيح ..لان شايف ان كله بيشتغل في كله الايام دي؟؟
دكتور المخ و الاعصاب حاجه و الدكتور النفسي حاجه
دكتور المخ و الاعصاب يعالج السبب العضوي اما النفسي يعالج السبب النفسي
الي لازم نعرفه
ان الدكتور النفساني يعتبر كصديق تلجأ اليه يعالج السبب النفسي
يعني مرضى السكر بيرحوله في حالات البتر
اي مريض بمرض مزمن ممكن يسبب له اكتاب برضه يرحله
واحد بيفكر كتير زي حالاتي و مش لاقي حل يرحله
بس السؤال الوقتي اني هاتخرج دكتور يعني السمعه اهم حاجه راس مالي
يعني ماينفعش يطلع عليا مجنون علشان كده حبيت اشوف نظره الناس للدكتور النفساني
كمان انا مدخنه سجاير و عاوز ابطلها و بحاول على قد ماقدر قللت كتير بس مش الي هو ابعد عنها نهائي
بصراحه قابلت ناس كتير تحتاج لفريق من الاطباء نفسسين
وشخصيا معنديش اي مشكله اني اروح :)
تصدقوا بالله
انا هامووووووووت واروح لدكتور نفساني
اكيد عندي مشكلة
بس مش لاقي حد من اساسه
شباب..... الدكاترة النفسيين اغلبهم دلوقتي سابوا مدرسة التحليل النفسي (psychoanalysis ) و قضاء وقت طويل مع العيانين و تحولوا لمدرسة العلاج بالادوية (pharmacotherapy) يعني منظر الدكتور النفساني اللي قاعد يسمع على أنغام موسيقي هادية و المريض مستلقي على الشيزلونج ده خلاص ما بيحصلش إلا نادر قوي قوي كله دلوقت شغال على الأدوية
بالنسبة للسؤال الأصلي ....المرض النفسي زاي أي مرض تاني لازم له علاج و طبيب انما للاسف ثقافة مجتمعنا متجنية إلى حد كبير على الطبيب النفسي و المريض النفسي على حد سواء
بالنسبة لادمان التدخين أول حاجة محتاج عزيمة قوية و إصرار و ممكن أي طبيب باطنة يساعد
انا لاحظت الموضوع دهاقتباس:
شباب..... الدكاترة النفسيين اغلبهم دلوقتي سابوا مدرسة التحليل النفسي (psychoanalysis ) و قضاء وقت طويل مع العيانين و تحولوا لمدرسة العلاج بالادوية (pharmacotherapy) يعني منظر الدكتور النفساني اللي قاعد يسمع على أنغام موسيقي هادية و المريض مستلقي على الشيزلونج ده خلاص ما بيحصلش إلا نادر قوي قوي كله دلوقت شغال على الأدوية
لكن السؤال: هل ده صح؟
يعنى فى مرضى كتير بيبقى عاوز حد ينصحه, او يتكلم معاه او خلافه, و ممكن يتحسن كتير من غير ادوية او حاجة
و تلاقى الدكتور يديه دواء, و يفضل متابع معاه فترة فى احسن الاحوال لا تقل عن 6 اشهر, و كل زيارة بتدفع كشف (يعنى موضوع بيزنس اوى)
و حتى المريض يشتكى ان الدكتور مبيسعوش او بيتكلم معاه خالص, يعنى كلمتين, و اشوفك المرة الجاية, و امشى على الدواء و متلخبطش و خلاص
الكلام ده عن تجربة لشخص معرفة مع واحد من كبار الاساتذة للطب النفسى فى القصر العينى + بعض التجارب المختلفة لبعض المعارف
^^^^^^^^^
معاذ باشا .....المشكلة إن عشان الدكتور النفساني يعالج بمدرسة التحليل النفسي يبقى لازم يقلل من عدد العيانين بتوعه جدا ....و يرفض يشوف عيانين جداد و طبعا عارف إن العيان النفسي ممكن يفضل مريض طول حياته عشان كده المدرسة ديه قلت جدا في العالم كله
مشكلة مدرسة العلاج بالادوية إن الدكتور مش شايف إنه مهم يسمع من العيان فضفضة .....أول ما بيوصل لتشخيص تبقى مهمته ظبط الجرعة و التحكم في الأثار الجانبية و متابعة تقدم "الحالة" ....الأدوية كده كده ما بتجبش نتيجة إلا بعد وقت طويل ....بعد استقرار الحالة لازم يطمن إن ما فيش إنتكاس
للاسف الشديد الطب النفسي في مصر بيمر بازمة زيه زاي بقية أوجه الحياه في المحروسة .....انما ما يمنعش إن فيه دكاترة محترمة قوي و بيراعوا أخلاق المهنة
نفس اللي كنت هاقولهاقتباس:
المشاركة الأصلية كتبت بواسطة معاذ الشرباصى
أنا شخصيا باحب علم النفس وبقرأ فيه من وأنا في رابعة ابتدائي (ايوه انت ما قرأتش غلط)..
والسبب الوحيد اللي ما خلانيش اكون طبيب نفسي إن لما فكرت في كده وانا في ثانوي (كنت داخل على اختيار ما بين علمي وأدبي - نظام قديم) إنها شغلانة مش هاتعيشني ولا هاعرف اتجوز أو أفتح بيت
وما زالت قراءاتي فيه .. والحمد لله القراءة ساعدتني وساعدت غير
أنا فكيت لنفسي عقدتين :) :) واحدة وانا في سادسة ابتدائي (كنت بخاف من الضلمة) والتانية كنت في أول ثانوي (كنت بخاف من الكلاب).. وفكيتهم لنفسي بنفسي
والحمد لله مافيش حد من معارف واصحابي وعائلتي إلا وبحاول (والحمد لله) بأنجح إني أخليه يرتاح .. مش شرط إني أحل له المشكلة اللي تاعباه.. إنما على الأقل بيحس إنه احسن كتير
ولو هاروح لطبيب نفسي هايكون عشان اتعلم منه (لأنه محترف وأنا مجرد هاوي).. أقصد من ناحية العلم.. لكن موضوع ال
طب ما تكسب فى ثواب و تحل لى حكاية الكلاب دىاقتباس:
المشاركة الأصلية كتبت بواسطة Goodle;299695[COLOR=seagreen
مفيش ابسط منها, تقول الدعاء ده 3 مرات, بس بايمان تام فى الدعاء و ان الله سيحفظك و بصدقاقتباس:
المشاركة الأصلية كتبت بواسطة ams
" اعوذ بكلمات الله التامات من شر ما خلق"
ما قدرش أقول حاجة بعد الدعاء ده.. بس إنت بتخاف من الكلاب من وانت صغير ؟؟اقتباس:
المشاركة الأصلية كتبت بواسطة ams
انا شايف ان اسوأ حاجة حصلت في الطب النفسي اختراع الأدوية زي بروزاك و غيرها لأن الناس بقت تتعامل مع الموضوع باستسهال شديد و قربوا يتحولوا لحتة حديدة بتمشي بالاسبرين .. عندي صداع اخد حباية .. عايز انام اخد حباية .. مضايق شوية اخد حباية !
و برة فيه ناس بدل ما بتموت over dose مخدرات .. بقت من الأدوية دي
اشهرهم مؤخرا الممثل الشاب heath ledger
^^^^^^^
أنا معاك الأدوية صعبة و ليها أثار جانبية كتير بس في حالة هيث لدجر كان واخد كذا روشتة من كذا دكتور في كذا مدينة من غير ما يقول ليهم ...و كان بيمر باكتئاب و عنده مشكلة قبل كده مع الأدمان