اول تعامل مع مركز صيانة المحله بسبب عيب فى السياره

السلام عليكم ورحمة الله وبركاته
السياره جراند تيريوس 2011
ماشية 2200 كم
بقالها 4 شهور معايا
العيب لما اوصل سرعة 60 كم فيما فوق وادوس فرامل الدريكسيون بيرج جامد
زى ما يكون الطنابير بايظه
استبعدت تكون طنابير لان العربيه لسه زيرو دا النوبيرا كنت مغير الطنابير بعد 7 سنين اشغال شاقه
المهم رصصت العجل وظبط زوايا وبردو مفيش فايده كلمت التوكيل فى المحله قالى ممكن يكون طنابير
قلتله ده لسه جديده قالى ممكن يكون فيها عيب هاتها نبص عليها وبكره ان شاء الله هاروحلهم
واوافيكم بالتفاصيل

ده بدون جدال دي مشكلة طنابير فعلا
وان شاء الله تتغير وتتحل المشكلة بإذن الله

ذهبت للتوكيل وتم الكشف على السياره
وبالفعل الطنابير محتاجه تتغير وهايغيروها فى الضمان
بس هانتظر من 10 ايام الى شهر على ما تيجى الموافقه

انا كنت في توكيل ابورواش من فترة وبرضه كانوبيغيرو لتريوس ماشية 1000 كم طنابير خلفية

انا استغربت بصراحة

تم بفضل الله تغيير الطنابير داخل الضمان وعمل صيانة الف كم واشتريت انبوبة شحم من اللى بيشحمو بيه العفشه ب 44 جنيه
برقية شكر لمركز صيانة ثرى اس الجندى فرع المحله لحسن تعاونهم