I Wanna Know Which More Better:
1.yaris Full Option Manu.
2.grand Punto
3.fiat Liena
عرض للطباعة
I Wanna Know Which More Better:
1.yaris Full Option Manu.
2.grand Punto
3.fiat Liena
اكيد الياريس بلا منازع
fiat grandpunto
Fiat Linea طبعا
هي مش منتشرة بس كماليات و مواصفات اعلي بكتييييييييييييييييييير جدا من الياريس الكاملة حتة الي بي 103 الف علي الفاضي .
و اللينا اكبر من الياريس و اشيك بكتير جدا -
الجراند بونتو حلوة بس اللينا احلي بكتير ( اعرض - كماليات اكتر - سيدان ) .
الياريس حلوة جدا انا مقدرش اقول عليها حاجة بس تقارنها بالافيو او النيو اكسنت - كيا ريو .. مع انها تمنها غالي علي الفاضي .
Toyota Yaris :
Wheelbase 2550 mm (100.4 in) Length 4300 mm (169.3 in) Width 1695 mm (66.7 in) Height 1460 mm (57.5 in)
موتور 1300 سي سي -16 صباب - 85 حصان - 118 عند 4000 لفة
Fiat Linea :
Wheelbase 2603 mm (102.4 in.) Length 4560 mm (179.5 in.) Width 1730 mm (68.1 in.) Height 1494 mm (58.8 in.)
موتور 1400 - 8 صباب - 77 حصان - 115 نيوتن عند 300 لفة
--
يعني فرق كبير جدا في كل حاجة في مصلحة اللينيا الا الموتور فقط و الفرق بينهم مش كبير اوي يعني 8 احصنة !
بما اني هاأتجاهل الياريس تماما
و بما اني من عشاق الهاتش باك.
اذا فانها الجراند بونتو....بلا منازع.....سيارة احلامي
بلاش تسمع كلام بتوع الفيات دول هيضيعوك :p
لياريس احسن بكتير
انا من مالكي الياريس
لكن لو كنت عايش في القاهره و جنبي توكيل فيات كنت حجيب الجراند بونتو بلا منازع.
كفايه انها اوربي و من شركه زي فيات
استاذه في العربيات الصغيره
أولا انا بهزر لما قلت هيضيعوك , هما طبعا عربيات كويسة بس ميتجابوش
أولا الlinea و الgrand punto مش بس مش منتشرين , انا مشوفتش ولا واحدة منهم فى الشارع!!!!! على الاقل واحدة بس معنى كده ان سعر اعادة البيع فى الضياع منغير كلام و دى طبعا نقطة قاتلة لو حب يغير العربية.
ثانيا غاليين جدا جدا يعنى معلش عربية مانيوال 1400cc 76 حصان بس (مش متاكد 100% من قوة الحصان ياريت تاكدلى) ب 98500 ليه يعنى؟؟؟؟؟
و واحدة تانية ب 107000؟؟؟؟ دا كلام؟
الصراحة انا معرفش ايه الاوبشنز اللى فيها بس حتى لو وصلت لدرجة يبقى فيها ESP ب107 الف ليه يعنى فى موتور 76 حصان؟؟
نفس الكلام بالنسبة للgrand punto و بعدين الشكل مش رهيب يعنى؟ ال207 احلى بكتير و اوروبى برده علشان كدا سوقهم ميت و مبيتباعوش.
للعلم انا مش بعيب عليهم و لا بقول دول عربيات وحشين بالعكس بس غاليين جدا جدا جدا بالنسبة للبدائل .
اما الياريس بتبدا من 78900 و تنتهى ب 102900 يعنى ارخص من ال linea اللى ب 107000 ب 4000 جنيه و اوتوماتيك مش مانيوال زى الlinea و92 حصان مش 76!!! و فيها كل حاجة برده abs و ايرباج (يمكن 2 مش عارف).
لو فى غلطات فى المعلومات اللى قلتها ارجو تصلحهالى.
لينيا
جراند بونتو
ياريس
و اللينيا من جوة حلوة جدا
جراند بونتو ،،
أكيد ،،
و علي فكرة متهمتشي بحكاية انها هاتشباك ،، شنطتها معقولة جدا ،،
مادام كلنا عشاق الجراند بونتو كدا مبشوفهاش فى الشارع لية؟!!!
انا رأى ياريس
التلاتة كويسين ....:)
شوف حضرتك عايز إيه من العربية و إيه أولوياتك
-عربية منتشرة و توكيل كويس و محرك أحسن و تويوتا بس خفيفة شوية تبقي ياريس
-عربية محدش غيرك راكبها و امكانياتها هايلة بس إستهلاك بنزين أكتر و توكيل عليه علامات إستفهام تبقى لينيا
- نفس العربية بس هاتشباك تبقى بونتو
لو أنا أجيب ياريس ...كفاية انها تويوتا ههههه :rofl4:
ربنا يوفقك
معتقدش ان استهلاك البنزين بين اللينيا و الياريس هيبقي كبير يا شيكو باشا
لأن الياريس 1300 سي سي 16 صباب
اللينيا 1400 سي سي 8 صبابات بس
^^^^^^^
إنت غيرت اسمك يا باشا ؟!!!
متهيألي اللينيا كمان اتقل في الوزن .....و أي فرق في إستهلاك البنزين طبعا مصلحة خصوصا لو أسعار البنزين زادت تاني (كل التوقعات بتقول حتزيد في العالم كله ...الله أعلم في مصر حيحصل إيه )
يا ريت حد يقولنا معدلات الاستهلاك المعلنة إيه للعربيات ديه يبقى كتر خيره
لو عايز رايى
ولا واحدة
لو مصمم ...يبقى
السوق فراز ....... ياريس
سمعة مساء الخير
انا عارف يا اخي انك بتهرج :)
بس في حاجات ملخبطة شوي احب ابينها .
اولا الياريس 84.9 حصان يعني 85 قول مش 92 . و ده من سايت تويوتا و جميع المواقع الاخري انما كعادة توكيلات مصر الكذب .... وممكن تراجع بنفسك
ثانيه عزمه 118 عند 4000 لفة يعني لازم تحرق لحد 4000 لفة علشان تاخد اقصى عزم
اللينيا 1396 سي سي - 8 صباب - 77 حصان _ يعني فرق عن الياريس 8 احصنة فقط !!!
و عزم 115 عند 3000 لفة يعني احسن بكتير في العزم !!!
نيجي للابعاد
اللينا اطول و اعرض و اوسع و اعلي و اكبر من الياريس في كــــــــــــــل شيء ! وده بالارقام مش بنظري ( راجع المداخلة بتاعتي )
نيجي للسعر
الياريس لازم تبقى ارخص دي سيارة يابني .. اللينيا و الجراند اوروبي 100% !
يعني اغلي سيارات في مصر ..
و تعالي نشوف الفرق .
الياريس " من كونتاكت " بتبدأ من 87 مش 78 .
و دي الفاضية ! و هي فاضية فعلا ب 87 الف جنيه
اللينا و هي فاضية ( كاسيت - باور - 2 ايرباجز - - زجاج مرايات كهرباء - ريموت - و حاجات تانية مش فاكرها )
اللينا ب 98 . يعني فرق 10 الاف جنيه بين سيارة اوروبي فاضية و سيارة يابني فاضية علي الريحة :)
نيجي للكاملة ... الياريس المانوال الكاملة ب 94 الف جنيه
بينما اللينا الكاملة وانا اعني كاملة !!! كــــــــــــــــــــــــ ـــاملة !
ب 107 الف جنيه .. يعني الفرق بين سيارة اوروبية كبيرة و سيارة يابانية اصغر منها شوية و مش بنفس الكماليات 13 الف جنيه .
ده طبعا غير الياريس الكاملة كاملة :) الي ب 108 الف !!! ودي الي جاي فيها كماليات اقرب للينيا فعلا !!
و بعدين انا محشرتش السيارة الا لما الراجل سأل عليها .
الياريس عربية جيدة جدا .. بس بصراحة سايبة سعرها الحقيقي ب 10 - 15 الف جنيه
يعني سيارة من نفس فئة النيو اكسنت و الافيو .... حرام تعدي ال 100 الف جنيه
بينما اللينا حجمها بس اطول من الانترا و الكورولا !!! متخيل ؟؟؟؟
و علشان متزعلش التوكيل حينزل منها 1400 - 120 حصان بحوالي 115 الف . يعني حتنافس السيارات ال1600 كمان !
مش منتشرة ؟ علشان مفيش دعايا للتوكيل خالص مش علشان عيب فيها
عندك السوزوكي SX4 الي هي هي فيات SEDICI بتبدأ من تمن الياريس الاوتوماتيك ( 104 الف اعتقد ) و 1600 و عربية تحفة !!! و تضرب الياريس !
بس فينها ؟ شفتها ؟ ليع ؟ علشان توكيلها نايم ..
نفس المثال علي السيات الجديدة ؟ بتشوفهم الا كل فين و فين ؟ ليع سيارات وحشة ؟ لأ
غالية ؟ بالنسبة لأوروبي ؟ لأ ! توكيلها نايم ! ايوا !
بس يا سيدي :)
كلام منطقى فعلا بس حيوضح اكتر لو عرفتنا كل الكماليات
بالتفصيل للعربيتين الياريس واللينيا عشان نعرف نقارن صح
انا كنت شفت اللينيا الكاملة فى المعرض السنة اللى فاتت كانت تحفة بصراحة والصالون رهيييب وفيها نظام اسمة BLU & ME ده نظام تحفة ده غير السىدى mp3 بتاعها اوريجنال والتحكم بتاعة شيك قوى من الدركسيون وبرده كان فيها جنوط ايطالى اصلى 16 بوصة بس مش فاكر باقى الكماليات
السلام عليكم
في ملحوظة يمكن تفرق معاك أو لأ
فيات لينيا تركي مش ايطالي
http://en.wikipedia.org/wiki/Fiat_Linea
أنا شايف إن الثلاثة عربيات غاليين و خصوصا الياريس
و الترتيب المفضل هو
جراند بونتو
لينيا
و بصراحة مفكرش أجيب ياريس علشان سعرها معدي قوي على إمكانياتها و حجمها
و الفئة دي فيها أختيارات كتير و حلوة برضه
نيسان صني سوبر صالون
كيا سيراتو
لانسر 1600 ( بيقولوا ثمنها نزل و بقى 107 ألف ) و كدا بقى ثمن معقول
بس بصراحة اللينيا أكثر من رائعة من ناحية فخامة الصالون و الشكل الخارجي
من الاخر ياريس أحسنهم للسوق المصرى
اه ... هي تركيا مش في اروبا برده ؟
تجميع تركي
زيها زي الميجان . و لا الميجان بقت وحشة ؟
اليارس بصراحة " سرقة علنية " .
والي يخليني اجيب ياريس .. علشان انتشار و نيلة .. يبقى زود 3-4 الاف جنيه و هات الانسر ال 1600 المانوال . احسن الف مرة من الياريس و مالية الشوارع برده .
انما بصراحة تمنها معدي جدا جدا جدا ... علما بانها بتبدأ من 10 الاف دولار او اكتر شوية في الخارج يعني في السبعينات بعد الجمارك اخرها الثمانينات .
انما تقنعني ان سيارة في فئة الافيو الي هي اصلا غالية تعدي ال 100 الف جنيه . .اقولك حرام .
لأا معلش تركيا من ايطاليا تفرق كتييييير اوى و كمان مكتوب بتتجمع فى البرازيل يعنى ممكن تكون اللى بتنزل مصر برازيلى.
تركيا مش فى الاتحاد الاوروبى و لا عملتها اليورو يعنى مش مفروض تكون غالية و معلش مش اى حاجة فى اوروبا تبقى صناعة نضيفة , اوروبا مليانة دول تعبانة.
و على فكرة معظم عيوب الميجان و سوء السمعة علشان تركى.
بعدين برده بوضح حتى لو الياريس سعرها مبالغ فيه فانا شخصيا ممكن اجيب حاجة احسن و لو هدفع 100 هجيب الالنترا او الصنى اكيد بس مستحيل اجيب اللينيا.
أولا صفر كبير اوى اوى اوى فى سعر اعادة البيع , انا فعلا مشوفتش العربية ولا مرة واحدة حتى فى الشارع , شفتها فى المعرض بس!!!!!
.كمان مفيش عربية مبيتبعش خالص كدا الا لو كان سعر العربية مبالغ فيه حتى لو حلوة.
أنا عارف ان سعر الياريس بيبدا من 87 مش 78 انا اسف دوست غلط و انا بكتب السعر.
107 كاملة مانيوال و التانية 103 كاملة اوتوماتيك يعنى فرق 4000 غير المانيوال و اوتوماتيك دى بتبقى بحوالى 10000.
بعدين الياريس اقوى (حتى لو كان التوكيل بيغش برده اقوى مع انها 1300) و 4000rpm دى حاجة كويسة جدا جدا يعنى مش عالى خالص بالعكس.
فحتى لو كانت اوسع من الياريس تخيل اللى بيقولوا عليها مبالغ فى سعرها , طيب دى اللى اضعف منها و تقفيلها مش فى اليابان زى التيوتا لأ فى بلد اسوا و اغلى بحوالى 10-15 الف و سعر اعادة البيع 0 يبقى اكيد الياريس مناسبة اكتر فى مصر!!!
انا برده مش شايف شكل اللينا حلو اوى مثلا لأ عادى و الجراند بونتو ناس كتير معجبتهاش (انا عجبتنى بس مش معدية ) وللعلم مهما كان سوء التوكيل و مبيعملش اعلانات العربية برده بتبيع اى حاجة مش للدرجادى بس بسبب اللى قلته مشفتش و لا لينيا فى الشارع
و لاخر مرة بكرر العربية مش وحشة لا بس غالية و موتور قديم ضعيف على تمنها و حتى بلد التجميع مش ايطاليا يعنى من الاخر مش شايف فيها ميزة مش انا بس لا الشعب المصرى كله
يبقى لو اشتراها بيجازف جامد بفلوسه على الفاضى