تغيير ماكينة زجاج النترا 2010

**mmbader** · 07-03-2012 10:03 AM

يشتكى البعض من وجود صوة طقة عند غلق الزجاج وهذا الصوت يسمع فى بعض الاحيان وللا يسمع فى احيان اخرى والسبب فى ذلك هو وجود كسر فى ماكينة الزجاج لان الماكينة كلها بلاستيك والحمد لله ونصيحة للاخوة الاعضاء الذين يشتكون من هذا الصوت وسياراتهم ما زالت فى الضمان الذهاب الى قسم الهياكل فى طريق قليوب الزراعى وسيتم تغييرها على الضمان كما حدث معى والحمد الله ( سعر الماكينة خارج الضمان حوالى 800 جنية وده من داخل التوكيل ) وكذلك لو الكاسيت فى عيب ايضا يتم تغييره فى الضمان بشرط الالتزام فى الصيانات ودى صور تغيير الماكينة
صورة الباب وبه الماكينة راكبة وبها الاسلاك والسماعة

صورة الباب بعد فك الماكينة

صورة فرش الباب وخلفة كرتونة الماكينة

صورة الماكينة الجديدة من الامام وهى فارغة وعلى فكرة التصفيح بتاع الباب هو هو الماكينة لان الماكينة مثبتة فى ظهر التصفيح

ظهر التصفيح ومثبت عليه الماكينة والورير بتاع الزجاج والجزء المكسور عبارة عن الجزء البلاستيك الموجود بجانب الماكينة وبه شرخ بسيط

وتم التغيير والحمد لله تعالى ورجع كل حاجة لاصلها وارجو ان اكون قد افدت الاخوة الاعضاء واى استفسار انا تحت امركم

**adel1212** · 07-03-2012 11:16 AM

اولا اشكرك على نقل التجربة وجزاك الله خيرا
المشكله موجوده عندي فعلا وفى اقرب فرصه سوف اذهب لهم واه يبقى استفدنا حاجة من التوكيل العقيم
هل الموضوع لازم بالحجز زي الصيانة ولا اروح على طول
تحياتي

**mmbader** · 07-03-2012 11:25 AM

المشاركة الأصلية كتبت بواسطة adel1212

اولا اشكرك على نقل التجربة وجزاك الله خيرا
المشكله موجوده عندي فعلا وفى اقرب فرصه سوف اذهب لهم واه يبقى استفدنا حاجة من التوكيل العقيم
هل الموضوع لازم بالحجز زي الصيانة ولا اروح على طول
تحياتي

عادى جدا روح الصبح الساعة 9 صباحا الهياكل الموجود على الطريق الزراعى ( فى فترة غذاء من الساعة واحدة الى الساعة الثانية ظهرا ) وادخل الاستقبال وهما هيكشفوا عليها ولو هتتغيير هيجبوها من ابو رواش خلال يومين على الاكثر بس الموضوع محتاج صبر لانها غالية مش رخيصة
وحاول تفتح مخك معاهم

**adel1212** · 07-03-2012 12:23 PM

انا اصلا بعمل الصيانة في ابو رواش
وهما كانوا عرضوا يكشفوا عليها في الهياكل في صيانة العشرين بس قالولي تيجي بكرة للهياكل
وانا بالعافيه اخد يوم اجازة من الشغل وكنت فاكر انها حاجة بسيطه تربيط او صيانة عادية فقلت اعملها في اي مكان تبعي احسن من تعطيل يوم كامل
لكن طالما الوضع كده يبقى افضلهم نفسى يوم واطب عليهم
ابقى اخدلهم معايا حاجة حلوة
خالص تحياتى

**Kareem.ElAraby** · 07-03-2012 01:24 PM

ما كانشي عندي الصوت بس ازاز السواق لتكسر و من ساعتها فيه طقه ده مش عارف بقي هيقولك عشان غيرت الازاز بره ولا لا !

**BUNSH** · 07-03-2012 01:49 PM

جزاك الله كل خير على نقل التجربة وربنا يباركلك فيها ,, وانا فعلا غيرت سى دى بلاير (النترا 2012) فى توكيل قليوب >>حسنة وحيدة اللى عاملوها<<

**mahmoud_afifi** · 07-03-2012 03:08 PM

مبروك عليك مكنة الازاز. انا حصل عندي نفس مشكلة الازاز (موديل 2010) وكل شوية الاقي ناس برضه موديل 2010 وحصل نفس المشكله !

عاوزين نعمل احصائيه بعدد الناس الي حصلتلها المشكله دي لأن ممكن يكون عيب صناعه في الموديل ده تحديداً .

**Kareem Fawzy** · 07-03-2012 06:34 PM

شكر خاص لحضرتك لنقل التجربة
وكمان شكر خاص لسعيك فى حل المشكلة عند الاعضاء
جزاك الله خيراً

-

-

الموضوع: تغيير ماكينة زجاج النترا 2010

LinkBack

أدوات الموضوع

عرض

تغيير ماكينة زجاج النترا 2010 - انشر الموضوع فى :

-

-

-

-

-

المواضيع المتشابهه

ماكينة زجاج كهربائى

طقة فى زجاج السائق فى النترا 2010 ؟؟؟؟؟؟؟؟؟؟؟

سمكرة و تغيير زجاج باب خلفى شمال لبرسونا 2010

مطلوب كهربائى لزرار ماكينة زجاج جيتا 2010

شكل ماكينة زجاج الكهرباء

الكلمات الدلالية لهذا الموضوع

المفضلات

المفضلات

ضوابط المشاركة