مش عارف أشخص الشكوى بتاعتى تكون تخصص إيه
السلام عليكم جميعا
أسأل الله العظيم رب العرش العظيم أن يشفينا ويشفى مرضى المسلمين جميعا ... آمين
بقالى فترة كده حاسس إن قدم رجلى بيورم وباحس إن فيه سخونة وإحساس كده زى ما يكون صباع والدم محبوس فيه بس على مستوى القدم كلها (يعنى إحساس إن القدم كله الدم محبوس فيه).
الجديد قى كمان حاليا باشعر بنفس الإحساس فى الكفين وبنفس التورم .
(أنا مريض بالسكر وغير منتظم فيه وباخد كمان علاج للأعصاب وفيتامين ب وكمان فيه مشاكل فى القلب وباخد دواء لسيولة الدم)
فمش عارف الشكوى بتاعتى دى تكون تابعة لأى تخصص :
هل باطنة - قلب - أعصاب - روماتيزم - ولا إيه بالضبط
أرجو من إخواتنا الأطباء الموجودين بالمنتدى مساعدتى حتى أبدأ فى العلاج فى الإتجاه الصحيح .