مهزلة تحدث في الأسكندرية ..

**Mzeid** · 04-06-2008 04:57 PM

عفواَ يا أخ goodwave البلد كلها مليانة نلس بتمشي عكس الإتجاه و ناس معاهاش رخص بس برضه بياخدوا مخالفات بس بدون إتخاذ أي إجراءات أخرى و أنا شوفت دة بعيني .. و لكن كلامي دة ليس فيه دعوة أن إحنا نسامحهم ..
ثانياَ بالنسبة لموضوع الحضانة دة إحنا عندنا في طنطا موضوع مشابه و لكن عند قسم أول طنطا و هو موجود عندنا في ميدان اسمه ميدان الساعة و فيه منطقة أمام القسم بيحجزوا على العربيات فيها و لكن العربيات اللي عليها مشاكل زي مثلاَ عربية عاملة حادثة و فيه محضر في القسم بخصوصها أو مثلاَ عربية مسروقة أو أي عربية أخرى عليها مشاكل ..
و دة المكان الوحيد اللي بيتم التحفظ فيه على العربيات غير كدة بقى معندناش حاجة اسمها حضانة و لا حاجة اللي عمل مخالفة يا يدفعها يا إما ياخد وصل حتى لو كان عمل إيه ..
:):)

**goodwave** · 04-06-2008 06:38 PM

يا أخ camaro

قصدك مفهوم بس العقاب على قدر الفعل الخاطئ وكلما تكرر الخطا بندور على عقاب أشد إلي ان يرتدع إللي بيعمل الخطأ
ثم إحنا مستعظمين موضوع الحضانه لية ؟ يا جماعة في أوروبا وحنروح بعيد لية في دبي إللي ختي بيكسر على إللي جنبة بيدفع غرامة وبتنزل له نقاط سوداء في رخصتة وبعدها ممكن تتسحب رخصتة ويمنع من القيادة لسنتين على الاقل وفي مخالفات يمنع فيها من القيادة مدى الحياة!
يبقى ايهم اشد حضانة او منع من القيادة نهائيا؟؟؟

**Mzeid** · 04-06-2008 06:49 PM

في دبي أيضاَ عقوبة الخدمة الإجتماعية ..
يعني ممكن لو أي شخص إرتكب مخالفة يحكموا عليه بأي خدمة يؤديها للمجتمع زي مثلاَ اللي جابوها في الجرائد غسل الشوارع ..
:):)

**Abdo_Eldesokey** · 04-06-2008 07:18 PM

نفسي موضوع الخدمة الاجتماعية ده يتعمل عندنا في مصر إحنا كمان ...

الافتراء بتاع الظباط هيبقى ملوش لازمة ... وهتكون رادع حلو أوي خصوصا ً للناس الي فاكرة إن البلد بتاعتهم

لكن سجن وسحب عربية ... ده الواحد مينزلش من بيتهم بقى ... هوا كل خطوة هيمشيها ممكن يتحبس لأي سبب ... حرام

**Mzeid** · 04-06-2008 08:14 PM

المشاركة الأصلية كتبت بواسطة Abdo_Eldesokey

نفسي موضوع الخدمة الاجتماعية ده يتعمل عندنا في مصر إحنا كمان ...

الافتراء بتاع الظباط هيبقى ملوش لازمة ... وهتكون رادع حلو أوي خصوصا ً للناس الي فاكرة إن البلد بتاعتهم

لكن سجن وسحب عربية ... ده الواحد مينزلش من بيتهم بقى ... هوا كل خطوة هيمشيها ممكن يتحبس لأي سبب ... حرام

+111111111111111111111

**جمال** · 04-06-2008 10:16 PM

الاخ goodwave
اسلوبى به سخرية و لكنها ليس سخرية منك , ولكن ارجوك ان ترد موضوعيا
قولى ان المحافظ هيشوفك ليس اتهاما و لكن هزار , وعموما انا آسف عن ذلك مش ههزر معاك تانى
الدعاء ليس قوالب و من حق اى احد ان يدعو كما يشاء و الذى تقصده هو قرآن كريم
والذى كتبته هو دعاء