مهزلة تحدث في الأسكندرية ..

كنت لسة بتفرج على برنامج القاهرة اليوم من شوية ..
بس إفتتاحية البرنامج جاب مهزلة بكل المقاييس تحدث حالياَ و من سنتين في الأسكندرية ..
المهزلة دي ما هي إلا الحضانة ..
و اللي فيكم مش من إسكندرية أو ميعرفش إيه الحضانة دي .. الحضانة دي عبارة عن قطعة أرض خالية في منها عند إدارة مرور محرم بك و عند نقطة مرور أبيس في إسكندرية و الحضانة دي أي حد يعمل مخالفة بسيطة أيَ كانت أو مخالفة كبيرة أو حتى مخالفة ( متلفقة ) بيتم الحجز على السيارة إلى حين دفع المخالفة و رسوم ملهاش أي معنى ( وسيلة جباية ) في هذه الحضانة ..
أنا كنت أعرف إنها موجودة في الأسكندرية و كنت أعرف إنها علشان الميكروباصات و التاكسيات و لكن هي كمان علشان الملاكي و النقل بأنواعه ..
و بجد مهازل بتحصل لأن العربية بتتحجز هناك و طبعاَ بتكون مرتع للسرقات يعني تاخد عربيتك مثلاَ ناقصة فانوس , مرايا أو ممكن حتى عجلة من العربية ..
و الأدهى و أمر سبيلاَ إن الرسوم ( الجباية ) اللي بتدفع علشان العربية تخرج من الحضانة ليست قانونية بالمرة و آه ه ه لو تعرفوا هي بتوصل لكام ...
بتوصل ل 5000 جنيه .. أي نعم 5 آلاف جنيه .. خمسة آلاف جنيه :fool::fool::fool::fool: دة بالنسبة للعربية النقل الواحدة بس الله أعلم بالنسبة للملاكي كام ..
و المشكلة إنهم علشان يجيبوا فلوس بأي شكل بيحجزوا على العربية لأي مخالفة تافهة و بتوصل لدرجة أنه يتم تلفيق مخالفات و بتكون ظالمة و غير حقيقية أحياناَ .. يعني مثلاَ قال إن فيه واحد عنده عربيات نقل أخدوه 4 مخالفات من ضمنهم السير في الحارة اليسرى و الثانية السير عكس الإتجاه ..
و واحد تاني إتصل بيه و قاله أنه إتحجز على عربيتين نقل له و منهم في مرة من المرات بيقول كان ماشي فوقفه الضابط كان اسمه أيمن و بيقوله ألوانات العربية مش ماشية مع اللوحة .. تخيلوا .. :fool::fool::confused4::confused4:
و طبعا الناس بتتظلم من الموضوع دة لأن فيه ناس بتضطر تبيع حاجات علشان تغرج عن عربياتهم ..
دة غير المصطافين اللي جايين إسكندرية يقضوا يوم و راجعين ..
تخيلوا كمية الظلم ..
إيه رأيكم .. ؟!

:scooter::scooter:ابتسم انت في مصر:scooter:

ديع حاجه غريبه فعلا

بصراحة انا عمري ما سمعت عنها

وبصراحة انا لو قلت رائي ممكن اتحذف من المنتدي المحترم ده

عشان كده انا مش هقول غيرر

حسبي الله ونعم الوكيل

واحد اعرفه كان سايق تويوتا كورولا 1600 موديل 2006 و هو ما كانش معاه رخصة اصلا الكلام ده سنة 2006 كانت لسة زيرو فظابط مسكه المهم العربية اتحجز عليها في محرم بك و طلبوا 1200جم عشان تطلع المهم ابوه تاني يوم راح يستلمها لقى الطاسات كلها مسروقة + البلاستيك اللي بيبقى فوق العجل الأمامي و الخلفي اللي هو بيمسك في الرفرف اللي بيحمي الهيكل من الصدأ وليس اللي خلف العجلة. مع العلم ان العربية كانت لسه زيرو و عاملة حوالي 400كم فقط!!!بس الحمد لله ما اتحبسش عشان ابوه جابله واسطة و تم تقطيع المحضر و كأن شيئا لم يحدث!!!!

انا اول مره اسمع الموضوع ده...بس عادى ما بقتش استبعد اى حاجة فى بلدنا العزيز ...بس انا مش فاهم ازاى يتحجز العربية و المخلفات ديه بتتدفع ازاى يعنى ....يعنى قانونا الواحد يدفع قيمة المخالفة اللى عملها حتى لو متلفقاله انما يدفع بزيادة عشان يسيبه العربية اللى مش من حقهم يحجزوها اول مرة اسمع عن كده

اقتباس:

---

المشاركة الأصلية كتبت بواسطة karimalaa

واحد اعرفه كان سايق تويوتا كورولا 1600 موديل 2006 و هو ما كانش معاه رخصة اصلا الكلام ده سنة 2006 كانت لسة زيرو فظابط مسكه المهم العربية اتحجز عليها في محرم بك و طلبوا 1200جم عشان تطلع المهم ابوه تاني يوم راح يستلمها لقى الطاسات كلها مسروقة + البلاستيك اللي بيبقى فوق العجل الأمامي و الخلفي اللي هو بيمسك في الرفرف اللي بيحمي الهيكل من الصدأ وليس اللي خلف العجلة. مع العلم ان العربية كانت لسه زيرو و عاملة حوالي 400كم فقط!!!بس الحمد لله ما اتحبسش عشان ابوه جابله واسطة و تم تقطيع المحضر و كأن شيئا لم يحدث!!!!

---

هي فيها حبس كمان .. :fool:

معرفش دلوقتي ايه نظام القانون بس زمان 2006 كان 3 أشهر بس برضه مش عايز افتي عشان انا سمعت ان ولي الأمر هو اللي يتحبس عشان ابنه قاصر والله أعلم يا ريت لو حد يفهم في القانون يقوللنا

تحيا مصر
وعجبي

يبقى انت اكيد اكيد فى مصر:049:

انا اول مره اسمع حاجه زي دي


بس بجد احسن تعليق علي الكلام ده


"يبقي انت اكيد في مصر"

كل يوم بكتشف اننا فى غابة مفهاش قانون:censored: لازم اخد حقى بى ايدى:2guns: بس اخلاق الواحد متخلينيش انى عمل كده

فعلا ياجماعة موضوع الحضانة عندنا هنا فى اسكندرية ومتطبق من فترة كبيرة وهو فعلا مهزلة بكل المقاييس وفى الاخر الدولة فقط اللى مستفيدة من تحصيل فلوس المخالفات انما صاحب اى سيارة هو اللى بيعانى دة مش بس كدة دة لو اساسا لاقاها سليمة بعد كل دة لانها بتكون عرضة للسرقة

هه
وهوا ايه في البلد ماعادش جباية
لما فواتير الكهربا تيجي زايده لوحدها كده 100 جنيه ساعات و ادفع الأول
و للا الرادار أبو 60 كم
و حملات مطاردة الزينون
و حبس التكاتك في الجيزة

ياااااااااااااااااااااااا ااااااااااااااااااااااااا اااااااااااااااااااااه

جت على دي

انا اول مره اسمع عن الموضوع ده .. فعلا اخلاق الواحد متخلهوش يئول غير
حسبى الله ونعم الوكيل .. و
( يبئى انت اكيد فى مصر )

حضانة ؟ أمال لو كان اسمها جامعه كانوا عملوا ايه ؟

مهزلة تحدث في مصر .. كل يوم
عادي

هو اولا ليه يحجزوا علي العربيه؟؟
ايه حقهم في كده يعني.....مايديلي مخالفه عاديه من غير حجز العربيه
انا مش فاهم ازاي ....هل قانونا ينفع يحجز علي العربيه بسبب مخالفه تافهه!!!!!!!!!!!!!!!!!!!!!!

ده قانون تبع المحليات يعنى ولا ايه

اصل انا مش فاهم الصراحه قانون معمول فى اسكندريه بس

ولما حاجه تسرق وهى عندهم امال فى الشارع المفروض ايه اللى يحصل

ده قانون اسكندراني تحت اشراف المحافظة
و ده أحد أسباب استنزاف المواطنين لبعض
طب حيجيبوا فلوس منين

اللى اعرفه يا جماعة ان اى عربية لونين مع بعض بتضاف على الرخصة يعنى ممكن الامين او الضابط ده يكون عنده حق

نموت نموت وتحيا :chris:مصر

السلام عليكم ورحمة الله
اولا : يا جماعة موضوع الحضانات ديه مش في اسكندرية وبس ده في كل المحافظات
ثانيا : الى اعرفه ان العربية الي بتتاخد ديه بتكون العربيات الى عامله بلاوي يعني مثلا عربية من غير رخصه والى سايقها معهوش رخصه
انا ليا واحد جارى ابنه الصغير سرق عربيته من وراه ومكانش فيها رخصه واول ما خرج بيها وقفته لجنه واخدو العربية والواد خد حكم
وكمان كنت اعرف واحد عنده ميكروباص سواقه برضه اتقفش وهو معهوش رخصة والميكروباص برضه مكانش فيه رخصه وبرضه العربية اتاخدت منه وراح تاني يوم دفع الفلوس وخرجها بس ده راح المكان الى فيه الحضانه ديه وادى الحرس الى بيبقو واقفين فلوس عشان يخلو بالهم من عربيته وميتسرقش منها حاجه ولما راح يطلعها برضه لاقى الكاسيت مسروق يعني من الأخر الى اعرفه ان العربيات الى بتتحجز ديه بتكون الرعبيات الى عامله بلاوي كمان انا عارف كذا مكان هنا في القاهرة فيه الموضوع ده

اين الأستاذ محمد ابراهيم رجل القانون السكندرى ليضيئ لنا الطريق فى هذا الموضوع

بصراحه أنا ساكن جنبها هنا فى شرم الشيخ بقالى 7 سنين واول مره أعرف إسمها منكوا دلوقتى.
أنا كنت أعرف إن إسمها الجراج....
وغالبا العربيات اللى بتتحجز فيها هيه اللى مقبوض عليها شغاله تاكسى وهيه نمر ملاكى وده منتشر أوى هنا فى شرم الشيخ,وبرغم وجود الجراج أو (الحضانه) امام قسم الشرطه مباشرة إلا أنه أى عربيه بتتحجز هناك لااااااااااااااازم تتقلب فى حاجه,ويبقى انت أكيد أكيد فى مصر.

السلام عليكم

اولا صدق من قال إن الإعلام زي ما بيرشد الناس فإنه بيضللهم وطبعا عمرو اديب زي مالية محاسن فلية سقطات كثيرة! ما علينا!

لمن لا يعرف:

الحضانة إينعم موجودة في إسكندرية من حواالي سنتين وهي لا هي بلطجة ولاهي إتاوة ولا هي فرض سيطرة ولا هي سرقة بالإكراه زي ما إحنا بنقول .... وعلى فكرة لست متحيز لمحافظ الإسكندرية وغير راض عن كثير مما يفعل!

المهم .... الحضانة سيادتكم بتلم السيارات إللي إتمسكت وصاحبها معهوش رخصة وإللي إتمسكت ماشية في الممنوع وإللي بيسيب الشارع كله وبيركن فوق الرصيف إللي معمول علشان خلق ربنا تمشي علية!

للعلم في غرامة فورية (تصالح) بتتدفع حوالي 250-500 جنية بدل ما العربية تتاخد الحضانة (بفتح وشد الحاء وفتح وشد الضاض) !

بس بالله عليكم واحد سايق من غير رخصة وسواق ميكروباص او جرار او نص نقل او توك توك معهوش رخصة وواحد ماشي عكس إتجاه وواحد راكن فوق الرصيف قدام محلة او سقته كأنه ملك ابوة إللي ورثه عنه ومع العلم بإن أماكن الركنه كثيرة ..... هل النوعية دي من الناس تستحق الشفقة والتهليل والتعاطف! لو حد قالي اه يبقى يستاهل إللي بيحصل فية ونستاهل كلنا إللي بيحصل فينا من إللي سايقين عكس الإتجاه وإللي بيسوق من غير رخص وإللي واكل حقنا في السير في أمان على الرصيف!

حاجة تانية ... إية بيخلي العربية تقعد في الحضانة كتييير!؟ سألتم نفسكم؟ لأن الشاب ال 12 او 15 سنه إللي سايق الميكروباص او العربية من غير رخصة او عكس إتجاه اول ما بيشوف الظابط بيجري ويسيب العربية مرمية في الشارع! فطبعا الظابط بياخدها ويتحفظ عليها لحد ما يبان لها صاحب! مش كدة صح ولا إية؟

ولما إنت بتستهتر بأرواح الناس وممتلكاتهم وسايب قاصر يسوق عربية بالشئ الفلاني لية بقى زعلان إن ممكن يتسرق كاسيت ولا طاسة ولا مراية؟؟؟؟ ياريت بلاش نجري ورا كلام الشعارات وبكاء التماسيح بتاع السواقين وأصحاب النقل والميكروباص لأن معظمهم (إلا من رحم ربي) تماسيح!

فيا ريت نتنصح شوية وأذكركم وأذكر نفسي بموقف أخوة سيدنا يوسف عندما دخل على أبوهم سيدنا يعقوب وهم يبكون وكانوا قد دبروا لقتل يوسف وتركوه لمصيرة لولا أن نجاه الله.

وعذا للإطالة ولكنه وجب التوضيح.

مع احترامي للجميع
أنا أتكلم عن معلومات من معارف تعرضوا للحضانة
الميكروباصات و بالذات التوناية (suzuki) بتروح الحضانة استقدار و من غير أي مخالفة - و الفلوس اللي بتتاخد إتاوة و ليس لها معني غير كده و ليس لها وضع قانوني بالمرة
الميكروباصات المرخصة أجرة طبعا و معاهم ورقهم كامل و لا أعني الملاكي أبدا

اقتباس:

---

المشاركة الأصلية كتبت بواسطة goodwave

الحضانة إينعم موجودة في إسكندرية من حواالي سنتين وهي لا هي بلطجة ولاهي إتاوة ولا هي فرض سيطرة ولا هي سرقة بالإكراه زي ما إحنا بنقول ....

امال نسميها ايه ؟

المهم .... الحضانة سيادتكم بتلم السيارات إللي إتمسكت وصاحبها معهوش رخصة وإللي إتمسكت ماشية في الممنوع وإللي بيسيب الشارع كله وبيركن فوق الرصيف إللي معمول علشان خلق ربنا تمشي علية!

مش فيه قانون بيحكم المخالفات دى

للعلم في غرامة فورية (تصالح) بتتدفع حوالي 250-500 جنية بدل ما العربية تتاخد الحضانة (بفتح وشد الحاء وفتح وشد الضاض) !

بأى قانون

بس بالله عليكم واحد سايق من غير رخصة وسواق ميكروباص او جرار او نص نقل او توك توك معهوش رخصة وواحد ماشي عكس إتجاه وواحد راكن فوق الرصيف قدام محلة او سقته كأنه ملك ابوة إللي ورثه عنه ومع العلم بإن أماكن الركنه كثيرة .....

فين اماكن الركنه دى فى الاسكندرية ؟

هل النوعية دي من الناس تستحق الشفقة والتهليل والتعاطف! لو حد قالي اه يبقى يستاهل إللي بيحصل فية ونستاهل كلنا إللي بيحصل فينا من إللي سايقين عكس الإتجاه وإللي بيسوق من غير رخص وإللي واكل حقنا في السير في أمان على الرصيف!

هل بمجهود السيد اللواء أمن دولة المحافظ ايقاف هذه المخالفات

حاجة تانية ... إية بيخلي العربية تقعد في الحضانة كتييير!؟ سألتم نفسكم؟ لأن الشاب ال 12 او 15 سنه إللي سايق الميكروباص او العربية من غير رخصة او عكس إتجاه اول ما بيشوف الظابط بيجري ويسيب العربية مرمية في الشارع! فطبعا الظابط بياخدها ويتحفظ عليها لحد ما يبان لها صاحب! مش كدة صح ولا إية؟

ناس مش عارفة مصلحتها !! والمحافظ بيربيهم من جديد

ولما إنت بتستهتر بأرواح الناس وممتلكاتهم وسايب قاصر يسوق عربية بالشئ الفلاني لية بقى زعلان إن ممكن يتسرق كاسيت ولا طاسة ولا مراية؟؟؟؟

لانها فى الحضانة تبقى فى عهدة الشرطة , مش مفروض يكون حاميها حراميها

ياريت بلاش نجري ورا كلام الشعارات وبكاء التماسيح بتاع السواقين وأصحاب النقل والميكروباص لأن معظمهم (إلا من رحم ربي) تماسيح!

فيا ريت نتنصح شوية وأذكركم وأذكر نفسي بموقف أخوة سيدنا يوسف عندما دخل على أبوهم سيدنا يعقوب وهم يبكون وكانوا قد دبروا لقتل يوسف وتركوه لمصيرة لولا أن نجاه الله.

ايه دخل سيدنا يوسف فى الحضانة

وعذا للإطالة ولكنه وجب التوضيح.

---

الصراحة كتر خيرك والسيد اللواء امن دولة الوزير المحافظ هيشوفك برضه

العضو Haima

1- أسلوبك فية قدر من السخرية لا أقبلة ولذلك سأكتفي بعدم الرد الطول عليك او التعامل مع أسألتك واحدة تلو الأخرى!
2- قولك المحافظ "حيشوفك بردة" يعتبر أسلوب غير لائق وغير مقبول وفية إدعاء إني لي مصلحة شخصية في كلامي.
3- إذا كنت لا تفهم المعنى من قصة سيدنا يوسف وما علاقته بما قلته فحضرتك لم تفهم كلامي أصلا .... وهذا سبب اخر لتجنب الدخول معك في نقاش او جدال.

على فكرة يا أخ Haima
ياريت تصحح توقيعك لأن الدعاء بيقول " يوم يقوم الحساب" مش "يكون" الحساب.
التوضيح فقط لكسب الثواب.

استهدوا بالله يا جماعة
محصلش حاجة
كلام عادي و احنا اخوات

المهم برضه ليه العربية تتاخد ليه ماتبقاش مخالفة فورية او اي ما ينص عليه القانون بس من غير الخطف و التهديد ده

عفواَ يا أخ goodwave البلد كلها مليانة نلس بتمشي عكس الإتجاه و ناس معاهاش رخص بس برضه بياخدوا مخالفات بس بدون إتخاذ أي إجراءات أخرى و أنا شوفت دة بعيني .. و لكن كلامي دة ليس فيه دعوة أن إحنا نسامحهم ..
ثانياَ بالنسبة لموضوع الحضانة دة إحنا عندنا في طنطا موضوع مشابه و لكن عند قسم أول طنطا و هو موجود عندنا في ميدان اسمه ميدان الساعة و فيه منطقة أمام القسم بيحجزوا على العربيات فيها و لكن العربيات اللي عليها مشاكل زي مثلاَ عربية عاملة حادثة و فيه محضر في القسم بخصوصها أو مثلاَ عربية مسروقة أو أي عربية أخرى عليها مشاكل ..
و دة المكان الوحيد اللي بيتم التحفظ فيه على العربيات غير كدة بقى معندناش حاجة اسمها حضانة و لا حاجة اللي عمل مخالفة يا يدفعها يا إما ياخد وصل حتى لو كان عمل إيه ..
:):)

يا أخ camaro

قصدك مفهوم بس العقاب على قدر الفعل الخاطئ وكلما تكرر الخطا بندور على عقاب أشد إلي ان يرتدع إللي بيعمل الخطأ
ثم إحنا مستعظمين موضوع الحضانه لية ؟ يا جماعة في أوروبا وحنروح بعيد لية في دبي إللي ختي بيكسر على إللي جنبة بيدفع غرامة وبتنزل له نقاط سوداء في رخصتة وبعدها ممكن تتسحب رخصتة ويمنع من القيادة لسنتين على الاقل وفي مخالفات يمنع فيها من القيادة مدى الحياة!
يبقى ايهم اشد حضانة او منع من القيادة نهائيا؟؟؟

في دبي أيضاَ عقوبة الخدمة الإجتماعية ..
يعني ممكن لو أي شخص إرتكب مخالفة يحكموا عليه بأي خدمة يؤديها للمجتمع زي مثلاَ اللي جابوها في الجرائد غسل الشوارع ..
:):)

نفسي موضوع الخدمة الاجتماعية ده يتعمل عندنا في مصر إحنا كمان ...

الافتراء بتاع الظباط هيبقى ملوش لازمة ... وهتكون رادع حلو أوي خصوصا ً للناس الي فاكرة إن البلد بتاعتهم

لكن سجن وسحب عربية ... ده الواحد مينزلش من بيتهم بقى ... هوا كل خطوة هيمشيها ممكن يتحبس لأي سبب ... حرام

اقتباس:

---

المشاركة الأصلية كتبت بواسطة Abdo_Eldesokey

نفسي موضوع الخدمة الاجتماعية ده يتعمل عندنا في مصر إحنا كمان ...

الافتراء بتاع الظباط هيبقى ملوش لازمة ... وهتكون رادع حلو أوي خصوصا ً للناس الي فاكرة إن البلد بتاعتهم

لكن سجن وسحب عربية ... ده الواحد مينزلش من بيتهم بقى ... هوا كل خطوة هيمشيها ممكن يتحبس لأي سبب ... حرام

---

+111111111111111111111

الاخ goodwave
اسلوبى به سخرية و لكنها ليس سخرية منك , ولكن ارجوك ان ترد موضوعيا
قولى ان المحافظ هيشوفك ليس اتهاما و لكن هزار , وعموما انا آسف عن ذلك مش ههزر معاك تانى
الدعاء ليس قوالب و من حق اى احد ان يدعو كما يشاء و الذى تقصده هو قرآن كريم
والذى كتبته هو دعاء