الموضوع: بطاقتك ياباشا

المشاركة الأصلية كتبت بواسطة aif

واضح انه بيدور على اسلحة
سيبك من القانون
افرض ان نفس الموقف ده اتعمل مع واحد معاك في القطار وكان معه سلاح ورفض التفتيش والناس شجعته على كدة وفعلا ما اتفتشش .... وبعدين لما الشرطة مشيو طلع السلاح اللي كان معاه وقتل ناس وسرق ناس ....... يبقى رأي سيادتك ايه ؟؟؟؟؟؟؟؟
بص للموضوع انه فعلا بيحميك ..... وهو طبعا مش عارف انت معاك سلاح ولا لأ وواجبه انه يتأكد من كده

انا لما بالاقي لجنة باكون مبسوط جدا
ولما بيفتش العربية باكون مبسوط اكتر
انا شايف انه مش غلطان وان الناس اللي ف القطار برضه مش غلطانه خصوصا في الوقت اللي احنا فيه اللي السلاح فيه اكتر من الآيس كريم
امال عاوزهم يظبطوا السلاح ازاي ؟؟؟؟؟؟؟؟؟؟؟؟ .... انت بس واخد الامور بحساسية وانه طالما شرطة يبقى تييييييت

لأ ما حضرتك ما شفتش الموقف على طبيعته ولما يشد البطاقة من إيديك بصورة غير لائقة بتبقى مش كويسة فى حقك تانى حاجة لما تسأله تقوله هو قانونى إن حضرتك تفتشنى يقولك آه آه إزاى يا أفندم يقولى هو إنت عليك حصانة ولا على راسك ريشة ؟ دا أسلوب شرطى متعلم ولا أسلوب إيه بالظبط ؟ غير بقى الناس والتعليقات السخيفة اللى يقولك الشعب المصرى ما بيجيش غير بالكرباج واللى يقولك احنا ملناش فى الطيب وواحد قام متغاظ منى وقالى الناس بيعاملوك بالأدب والذوق إنت لو قبل الثورة مكنتش تقدر تعمل كدا وأنا الحمد لله فى أى ظروف أنا عند مبدئى مفيش مصلحة دخلت أخلص ورق برغم صغر سنى وقابلت مشكلة إلا وعملت محضر وطالبت بحقى وأخدته كامل بدون وساطة وكلام فارغ من اللى ناس كتير مسلمة عقولها ليه
تانى حاجة بقى حضرتك أخدت عنى فكرة غلط إنى ضد الشرطة لا انا ضد الجهل
أنا حاجة مدايقانى قوى إنى مش لاقى الشرطة قايمة بدورها لا قبل الثورة ولا بعد الثورة أنا كل يوم والتانى بشوف مواقف من ناس بجد تخليك من إنسان طيب لحاجة تانية خالص لأنى أنا مبحبش الظلم أنا اسمى محمد العادل ولازم أحترم الإسم دا وأحاول إنى أكون جدير بيه ومع ذلك شايف ظلام مش شايف حاجة عدلة فى البلد دى الناس عندها نقص فظيع قوى مش عارفين يكملوه وكل مادة يزيد زيادة
ٌيعنى تفتكر مثلا البنى آدم اللى فتشنى دا فتشنى عشان هو شاكك فيا ؟ والله إستحالة بيبان على شكل الإنسان حتى الناس السلبيين اللى كانوا بيعلقوا قالوا لو مكنتش لكيت معاه مكنش فتشك ؟ شوف يعنى الناس كمان عارفة الحقيقة يلا بقى يعنى جت على الموقف دا


انا مرة كنت راكب قبل كدا وحصل نفس الموقف مع واد صغير بياع جه يركب القطر ومعاه بيبس بيبيعه طفل كدا ميكملش 8 سنين المهم راح واحد من الجماعة إياهم عايز ياخد منه ببلاش ليه ولواحد حبيبه اتعرف عليه فى القطر الطفل البرئ المشرد قاله لا مش هديلك والقطر كان يادوبك هيطلع من المحطة راح مسك الواد كان عايز ينزله بالعافية والواد يصرخ وهو ولا فى دماغه ونزله بالعافية الواد وقع ع الرصيف وأنا بصراحة معرفش إزاى سكتت قام واخد قال مهو العيال بتوع القطر دول حرامية وكذا وكذا
طبعا البنى آدم الدنئ دا فضل يشتم فى الواد بشتايم قذرة وبعد الموقف دا ما حصل انا كنت قاعد ع كرسى وجمبى واحد شاب قاعد والكرسى اللى قدامه فاضى راح البيه المخبر قاله فيه حد هنا يلا قاله آه أخويا قاله فين أخوك قاله جاى طبعا مش من حق حد يحجز فى القطر دا لأنه مش مكيف ومش مرقم راح المخبر شد معاه وضربه وبهدله وكسر أنفه انا كل دا وساكت ومحروق منا لو اتكلمت معاه هيضربنى الكمثرى بقى اللى بيقطع التذاكر جه عشان يقطع من صاحبنا اللى هو صاحب صاحبه راح المخبر قاله دا تبعى راح الكمثرى قال للواد صاحب صاحبه مش مكسوف ما تدفع إنت معكش فلوس قاله بصوت واطى عشان البيه المخبر ما يسمعش مش بعيد كان رماه من القطر لو كان دفعه تمن التذكرة دا غير بقى طول السكة ينكش فى اللى رايح واللى جاى وقال جملة : يعنى لو واحد طلع مطواه دلوقتى كل العربية دى هتنام بالرغم من القطر فيه صراعات بالأسلحة البيضاء وقتها طبعا مبيبقاش فيه مخبرين المهم أنا بعد ما نزلت من القطر قطر الأدغال قلت والله ما انا سايب حق كل واحد اتهانت كرامته رحت مديرية الأمن وبلغت ورقم القطر وإلخ وإلخ وسين وجيم ومحدش عارف شغله ومعرفش بقى عملوا ايه بس حسيت أنى مستريح إلى حد ما
أنا بدافع عنك وعنى وعن كل واحد وواحدة والله لو عليا أنا أستحمل أى حاجة لكن مقبلش على غيرى أقل حاجة لأنى إنساااااااااااااااااااااا ااااااااااااااااااان
وبطلب من ربنا يثبتنى على مبادئى ويقوينى ليوم الدين ويهدى كل عاصى ويعلم كل جاهل

المشاركة الأصلية كتبت بواسطة axel

يا باشا متفرحش اوي بكلامه لأنه كلام هيوديك في داهية و هتبقي جناية و مفيش حاجة اسمها حالة دفاع عن النفس الدفاع الشرعي عن النفس ليه شروط و بالاضافة لكده كل الموجودين هيشهدوا ضدك

بالنسبة اللي بيعملوا ده زي مقولت اسمه استيقاف و ده امر طبيعي
و انا شرحت فوق
النقطة التانية اللي استاذ دريمو قالها الخاصة بحكاية يحميني و مش موضع ارتكاب جريمة

فيه حاجة عندنا اسمها الضبطة القضائية و الضبطية الادارية و بكلام مختصر جدااا عن كل واحدة منهم
الضبطية القضائية هي اللي بتحقق و تكون مسئولة بعد ارتكاب الجريمة
اما الضبطة الادارية فهي منع الجرائم قبل وقوعها عن طريق حاجات كتيير زي الاستيقاف

مثلا هو ممكن يوقف واحد استيقاف الشخص ده ارتبك الشك هيزيد يبقي عامل مصيبة قاله طلع بطاقتك و هو بيطلع البطاقة راحت واقعة المطواة يبقي حالة تلبس مثلا فهنا الشخص خالف القانون ده بحيازة و حمل سلاح مدرج في احد الجداول الاربعة تحت الاسلحة البيضاء و الله اعلم ممكن يكون في نيته يروح يموت حد او اي خناقة يطلعها يموت واحد بيها يبقي هنا تم منع جريمة كان ممكن تحصل
ده مجرد مثل بسيط

انما تقولي اعامله كأنه بلطجي و اضربه و القصة ديه لأ ديه جناية سعادتك ل اتعديت عليه اثناء تأدية عمله و انت اللي هتلبس في الحيط

لازم نفكر بعقلنا شوية

كلام حضرتك صح بس دا فى حالة وجود القانون وفى حالة إنك بتتعامل مع واحد فاهم قانون وقتها إنت هتبقى محترم معاه وتبقى سعيد إنه بيحميك بجد
كلام دريمو صح وهو بيوصف الحالة بتاعة الشرطى اللى معندوش وعى أمنى وأنا فعلا دا الأحساس اللى وصلنى أنى بتعامل مع بلطجى معاه طبنجة ميرى حكومى
أنا بقى عندى 19 سنة ودا راجل سنه فوق ال 30 ولكنه أسلوبه اسلوب بلطجة وأنا أتعامل مع البلطجى من غير تهور لأن التهور مش فى صالحى بل هكون أكثر حذر لأنه مسلح وقبل كدا عندنا واحد امين شرطة حب يتنطط على شوية شباب محترمين عملوا معاه الواجب راح وهو نازل طلع الطبنجة وطخ طخ والله يرحم اللى مات منهم واللى عاش ربنا يتولاه برحمته ولكن دا مينمعش أنى أنزل وأروح معاه النيابة وتحقيق وشغلانة وهو قالى كدا قلتله معاك بقلب قوى راح هو نفسه كش وخاف بس طبعا مصر إنه يفتشنى عشان لو انا متفتشتش العربية كلها ممكن يستغلوا نقطة زى دى انا بتكلم فى حق فى ناس تانية بتحسبها حسبة تانية وحضرتك فاهم عشان كدا انا قمت عارف حتى هو ساب العربية كلها ومشى وراح عربية تانى غيرها عشان ميتحرقش مرتين فى عربية واحدة :)

axel باشا بحكم خبرة حضرتك القانونية تنصحنى بإنى أتصرف إزاى لو قابلنى موقف زى دا تانى ؟