المصرية للسيارات ما له وما عليه

**beshomilan** · 07-03-2012 09:45 PM

طب ماكده العربيه تبقى كسر زيرو؟؟
زى اللى بيعمل اعلان وجاب عربيه ومشى بيها 500 كيلو او 800 كيلو وعايز يبيعها وخاصم من تمنها 5 الاف جنيه على الاقل؟؟

**أحمد كمال** · 08-03-2012 12:32 PM

المشاركة الأصلية كتبت بواسطة dr_radioooooo

اعتقد اوتو سمير ريان من احسن المعرض دلوقتى

الكوميديا السوداء ان اوتو سمير ريان مملوك لشقيق مالك المصرية (أحمد ريان) ههههههههههههههه

**amagroup** · 27-03-2012 01:44 PM

انا شاري عربيتي من غبور اكسنت ار بي كانت عمالة 9 كم واتأكدت انها كانت جاية علي تريلا مش جري بس ياتري غبور بيلعب في العداد

بصراحة انا لا اعتقد انه بيلعب في العداد لان العربية باين فيها جدا انها مجريتش خالص

الكاوتش وتجويف العجل زي الفل

**cameeron** · 27-03-2012 02:17 PM

المشاركة الأصلية كتبت بواسطة gmakram

للناس المتمرسه والفاهمه المصريه تروحه علشان تتفرج على عربيات وتركبها براحتك قبل ماتشترى وبس

تحياتى

المشاركة الأصلية كتبت بواسطة dr_radioooooo

اعتقد اوتو سمير ريان من احسن المعرض دلوقتى

فعلا احسن حاجة تتفرج عند المصرية و تشترى من سمير ريان بس على فكرة صاحب المصرية احمد ريان اخو سمير ريان

**أبو ياسين** · 27-03-2012 03:10 PM

انا استلمت من المصرية لانوس عامله 7 ك

**Vernawy** · 29-03-2012 09:11 AM

أولا أحب أوضح إن الكلام اللي هقوله من أرض الواقع و مش إشاعات سمعتها:

1- من كام شهر واحد قريبي إستلم عربية فيرنا من المصرية للسيارات فرع الغربية و كان بالليل. و هو مروح كان حاسس برفة في العجل الخلفي بس قال دي من الكاوتش و ماخدش في باله. الصبح، السايس قال له يا باشا إنت شفت العربية؟ و خده يا باشا على العربية و لقى في ضوء النهار الرفرف الخلفي مرشوش و اللون فارق، و واضح إنها خيشت و إتسمكرت و إترشت و إتباعت فابريقة من المصرية للسيارات، و الرفة اللي كان حاسس بيها كانت حاجة ملووحة في العفشة ورا و مستنياه يصلحها. طبعا قريبي رجعلهم و سمعهم اللي فيه النصيب و مقدروش يفتحوا بقهم لأنه كان تاني يوم الصبح مباشرة و بدلها بغيرها، و طبعا إتباعت تاني.

2- سمير ريان.. و أنا باشتري عربيتي، كنت خلاص هاشتري من هناك بس واحد حبيبي هناك قال لي بلاش من هنا. سألته ليه؟ د العربيات ماشية حاجة بسيطة. قال لي إنهم بيفصلوا كابل العدادات و العربية بتتحرك كتير بالسواقين بتوعهم و بعدين يركبوا الكابل في المعرض. و كدليل أخدني على عربية ماروتي و حط إيدي على الكابوت لقيته دافي من المشوار اللي لسه جايه منه و العدادات مفصولة و مش قارية المسافة.

و صباح الخير يا مصر.

**dolly13** · 29-03-2012 09:38 AM

هى فعى بتيجى متساقة
انا اشتريت الفيرنا من عندهم من فرع مصر الجديدة والعربية كانت جية من العبور من مخازنهم سواقة وكانت عاملة 70 كيلو وده معناه انها مشيت اكتر من المشوار ده بحوالى الضعف
لان المسافة من العبور لمصر الجديدة تقريبا 30 كيلو

**medododo** · 29-03-2012 09:46 AM

حتى الزيرو في مصر ملعوب فيه
مفيش فايدة
لكي الله يا مصر

**Ahmod** · 29-03-2012 09:57 AM

المشاركة الأصلية كتبت بواسطة mohammedabdallh

99.99 فى الميه كل المعرض بتعمل كدا
كله يجى متساق
يوم الخميس الى فات وانا ماشى على الدائرى بعد 12 بليل لقيت صف عربيات زيروا ماشى فى النص ومدى انتظار كله حوالى 8 عربيات وكلهم جدا من غير نمر ولا حتى تجاريه رايحين فين مش عارف وجيين منين برده مش عارف
بس بامانه كلهم كانوا مشيين باحترام ومعدوش 100كم

مش كلهم كدة !

لسه شايف امبارح عربية لانسر برضوا زيرو ومافيش نمر ومدية انتظار على المحور

انا ماشي 120 والمسافة بيني وبينه تعتبر ثابتة يعني هو ماشي مش اقل من 120/130 !

وده برضوا كتير على عربية لسه زيرو الى غير ان المحور اصلا كان وقتها زحمة !

-

الموضوع: المصرية للسيارات ما له وما عليه

LinkBack

أدوات الموضوع

عرض

-

-

-

-

-

-

المواضيع المتشابهه

المصرية للسيارات

زيارتى لسوق المصرية للسيارات للسيارات المستعملة

احترس من المصرية للسيارات

المصرية للسيارات

استفسار عن المصرية للسيارات ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة