اخواني الاعزاء
مراتي ضيعت رخصة عربيتها الحمد لله و المشكلة كمان ان هي خلصانة من سنة :_Alshmokh08[1]:
ايه الخطوات اللي مفروض تتعمل دلوقتي ..
محضر في القسم و بتاع و لا على المرور عدل ونعيش حياتنا
عرض للطباعة
اخواني الاعزاء
مراتي ضيعت رخصة عربيتها الحمد لله و المشكلة كمان ان هي خلصانة من سنة :_Alshmokh08[1]:
ايه الخطوات اللي مفروض تتعمل دلوقتي ..
محضر في القسم و بتاع و لا على المرور عدل ونعيش حياتنا
لا محضر فى القسم الاول وتطلع بيه على المرور هذا ماحدث معى
مذكره فى القسم بفقدان الرخصه و رقمها
و هتاخد المذكره و تطلع على المرور هتعمل طلب بدل فاقد و هيبعتوك نيابة المرور علشان يستعلمو عن الرخصه و لو عليها حاجه و بعد فتره بتروح تعمل واحده جديده
الكلام ده وصف عام للى هيحصل ممكن بيتغير من مكان للتانى ... و برضه بعد وحدات المرور اللى اتحرقت اغلب الناس بيطلبو منهم فحص حتى لو العربيه لسه ملهاش فحص فتوقع ان ممكن يعملو معاك كده
ربنا معاك
نصيحة ياباشا حاول تدور عليها كويس
لو ملقتشها يبقى زي ما قالك الشباب تعمل محضر في القسم بمذكرة فقد للرخصة
وتطلع على المرور تعمل شهادة بيانات
وبعد كده تروح نيابة المرور تطلع شهادة مخالفات
وبعد كده تروح تفحص
وتدفع التامين الاجباري
وبعدين تدخل على شباك التجديد وتدفع الرسوم وان شاء الله يطلعلك رخصة تانية
او هيطلعلك تصريح مؤقت يجدد كل شهر مع شهادة مخالفات لمدة 3 شهور ثم الرخصة النهائية
هو ماعرفش الاجراءات...بس ربنا معاك