بسم الله الرحمن الرحيم
الاخوة الاعزاء يوجد صوت صفارة فى الفرامل لما باكون على سرعة واطية وادوس على الفرامل اسمع الصوت ده برجاء الافادة وشكرا
عرض للطباعة
بسم الله الرحمن الرحيم
الاخوة الاعزاء يوجد صوت صفارة فى الفرامل لما باكون على سرعة واطية وادوس على الفرامل اسمع الصوت ده برجاء الافادة وشكرا
التيل اخباره ايه ؟؟
اصلى ولا نوع تانى و كمان بقاله قد ايه فى العربية؟
99% المشكلة من التيل
الموضوع ده اشتكى منه ناس كتير وطبيعي في اللانسر
للي مقدم على شراء لانسر الشكل القديم دي عيوبها بكل صراحة وبدون تعصب !!
http://www.nilemotors.net/Nile/showthread.php?t=25756
http://www.nilemotors.net/Nile/showthread.php?t=27002
على فكرة التيل الأصلي سيء جدا جدا وبيصفر عندي برضه
انا بفكر اجيب تيل مش اصلي كوري مثلا و أوفر 300 جنيه
متشكرين يا جماعة انا روحت لميكانيكى ونضف التيل والصوت راح وحاجربه كدة كام يوم واشوف
التيل الاصلى بتاعها وانا عامل 14000
على فكرة الصوت حيرجع تاني انا عملت كده برضه والصوت اختفى لمدة اسبوع ورجع تاني
(ما تزعلش مني)
انا عملت الى الناس قالوا عليه وحنشوف
تيل لانسر الاصلى بيصفر صفاره خفيفة و التنضيف بيمنعه لمده قصيرة جدا
و غير الاصلى صفارته اعلى
لو الصفارة مش مزعجة يبقى طنش
اما لو محسوك و اى صوت يضايقك زى حالاتى يبقى الله يصبرك :)
التيل الاصلى اللى جاى مع العربية ابتدى يصفر عند 10000 كم وجبت تيل يابانى نوعه FBK وطلع سىء جدا وخامته ناشفة ووحشة وكانت هتبوظ الطنابير دا بالاضافة لصوت الصفارة الرهيب مع كل ضغطة فرامل بعد كدا جربت نوع تركى اسمه بيشر (Besser) دا خامته حلوة اوى ومش بتصفر خالص بس بيقعد فترة قصيرة اوى
الصفارة رجعت تانى
أنا عندى صفارة خفيفة مع الدوس على الفرامل لكن هحاول أغسل العربية وأشحمها بالجاز ممكن تروح مع الغسيل مش عارف النتيجة
لكن عاوز أعرف انواع التيل المحترمة فى السوق وأسعارها والمقارنة بينها وبين أسعار التوكيل
وشكرا
النوع - بلد الصنع - الجودة - السعر خارج التوكيل - داخل التوكيل
احب اقولكو ان السبب الوحيد هو ان التيل الخاص بالفرامل
بيكون غير اصلي
ومفيش تيل اصلي موجود في السوق
غير التيل الموجود في التوكيل فقط
وغير كدة كلة بيصفر ويعمل علي تاكل الطنابير
وشكرا
التيل اللى نازل مع العربيه من اليابان بعد فتره من الاستخدام بيبدأ يصفر انما الاصلى اللى هتجيبه من التوكيل مختلف واحسن منه و مش بيصفر وكمان عمره اطول والخلاصه غيره من التوكيل و التيل اللى هيركب هيكون احسن من اللى فيها و على فكره انا جربت كل انواع التيل اللى فى السوق و مفيش ولا واحد عجبنى زى بتاع التوكيل لان عمره طويل وفرملته احسن و اداؤه ثابت مهما الفرامل سخنت منك وده اهم حاجه بالنسبالى لانى باجرى جامد و باستخدم الفرامل كتير.
هقولكم على تجربتى مع بعض الانواع الموجوده فى السوق
1- الكورى ابو 50 جنيه وحش و بيصفر جااااامد قوى و كان بدأ يعملى ريجه فى الطنبوره.
2-التركى مجربتوش بنفسى بس سمعت انه كده بردو وهو تقريبا ب 75 جنيه
3- اليابانى FBK ناعم و مش بيصفر بس مع السخونيه الجامده الفرامل بتبقه ضعيفه و ده ب110 جنيه
4- الاسبانى ب130 جنيه ماركه Remsa ده اقرب واحد للاصلى و بيستحمل السخونه الى حد ما بس الأصلى احسن منه بردو فى انه يفرمل كويس و هو سخن جامد و على فكره بييجى معاه سوسته انذار ان التيل خلص زى اللى بتيجى مع الاصلى.
5-الاصلى بقه بحوالى 320 جنيه و اداؤه جبار و مهما كانت ظروف جريك و استخدامك للفرامل و عمره طويل و مش بيصفر ولا حاجه و هو مختلف عن اللى بينزل من اليابان مع العربيه
-الفابريقه بتاع العربيه ماركه SUMITOMO ولونه اسود.
-الاصلى اللى بيتباع فى التوكيل ماركه AK ولونه رمادى ونفس شكل الفابريقه بالزبط و بتيجى معاه سوسته التحذير و مالوش اللينات اللى مع تيل الفابريقه و عمره اطول و ما بيصفرش.
كنت عايز اعرف هل كدة ياثر على الطنابير ولا لا