طيب انا بفاضل بينها وبين البى واى دى وال 516 من حيث الاعتمادية مين اكتر واحدة يمكن الاعتماد عليها
معلش انا متردد شويه ومحتاج خبرتكم
عرض للطباعة
طيب انا بفاضل بينها وبين البى واى دى وال 516 من حيث الاعتمادية مين اكتر واحدة يمكن الاعتماد عليها
معلش انا متردد شويه ومحتاج خبرتكم
اللانوس 2012 عربيه معقوله
زجاج فاميه
أريال مدمج فى الزجاج
قطع غيار متوفره ورخيصه أصلى ........وتقليد أرخص
شكل كلاسيكى
أعادة بيع عالى
بالنسبه لبلدنا وشوارعنا ..والفئه السعريه ....رقم 1
العربيات ذات سعر 70000جنيه
لانوس
فيرنا
لوجان
بى واى دى
أسبرانزا m11
لكل سياره منهم مميزات وعيوب
من حيث رخص قطع الغيار وتوافرها وسهولة الصيانه
اللانوس والفيرنا
من حيث المتانه
اللوجان
من حيث الكماليات
بى واى دى
و m11
بس انا بصراحة مش عايز اللانوس ولا الفيرنا بحس انهم قدام كدا وومش هنبهر بيها اما اشتريها جديد فانا مخرجهم من اختيراتى
لكن برضة الاسبانزا بدات تنتشر كتير اوى وخصوصا ال 516 دا انا بقيت بشوفها تقريبا زى الفيرنا واللانوس اكيد الناس دى كلها مش بترمى فلوسها بس برضة شكلها الخلفى مش عاجبنى خالص لكن ال ام 11 والبى واى دى معقولين فانا غالبا بقارن بين التلاتة دول
ال m11 و ال 516 نفس الموتور و تقريبا نفس الاوبشن
زيادة بس سنسور مساحات و نور و درج صغير للتبريد في ال m11
يعني المفاضلة بينهم هتبقى من حيث الشكل فقط .. اللي حضرتك تميل لشكله يعني لان باقي عوامل المفاضلة ثابتة في الاتنين
ال byd .. مقدرش احكم عليها لاني عمري ما ركبتها
الام 11 والام 12 عفشتهم زي بعض ؟؟؟ طيب وبالنسبة لمشاكل العفشة في الام 11 اتحلت في الام 12 ولا لأ ؟؟
يا اخوانا مفيش عربية في شوارع المحروسة مبتحتجش تربط عفشة كل 5000 و بالذات لما تكون كاوتشاتها كبيرة زينا و عفشتها رياضية زينا ...
بس ليه بتقولو مشاكل عفشة .......؟؟؟؟؟ انا معايا العربية اكتر من 30 شهر و عامل 38000 و بروح الحرفيين كتيير جدا و ما ادراكم ما الحرفيين ... و لما بركن في البيت علي طول طالع بعجلتين علي الاقل علي الرصيف .....
عفشتي زي الفل تماما .... و لسة مغيرنلي علي الضمان تيش امامي يمين كده بس مع اني والله والله والله ما شايف ان ليه تلات تربع لازمة لان العربية كانت زي الحلاوة
و برضه بيقولو الجلب بدأت تعمل شقوق و علي فكرة دي لو كانت عربية تانية كانت من زمان جدا احتاجت طقم جلب كامل لانها بجد بتمشي في اماكن الواحد لو خدها مشي يحتاج طقم ركب ....
العربية حلاوة علي الارض ... و لو بتتغسل :وانا مبعملش كد:khd:ه " كانت ولا تصوصوا ولا تنونو....
و برضه الناس بتقول انها بتبقي جرابات فرامل بس انا الموضوع ده منع معايا "الصوصوة يعني" لما اتشحمت كويس من ورا تحت
فليه نفضل نشنع علي عربياتنا و نقول مشاكل العفشة اتحات ولا لا؟؟؟؟؟
انا موديل 2010 ... مشتري في 9 -2009 .... عفشتي زي الحلاوة بسم الله ما شاء الله
اللي عنده مشكلاة بجد ... علبة دريكسيون ولا مساعد ظارب و لا مقص مكسور ولا ملووح يقولنا الي حصل معاه بالظبط علشان نعرف و نحكم و نفيد و نستفيد
انا برشح لحضرتك الm11 لانى وقعت فى نفس الحيرة الى حضرتك فيها واختارتها عن جدارة وفضلتها عن نظيراتها فى السعر وقعدت اكتر من 6 شهور اعمل ابحاث فى القصة دى ولقيت ان عيب الm11 عن الباقى هوا سعر اعادة البيع وطبعا الفرق مش كبير يعنى بس نسبيا لان فية ناس كتير تقولك كورى لمجرد الكورى وخلاص بغض النظر عن اى اعتبارات .. باختصار لو حضرتك عاوز سيارة محترمة رياضية صاجها متين وعن تجربة فى حادثين وفيها عناصر امان وثبات على السرعات العالية وعالية عن الارض مش محتاج تاخد المطب كروس وفيها اوبشن عالى ورفاهية وشكل جذاب