هام جدا ...........سيينا 1600cc حساس الكرنك بيعمل اية ؟

**DONYO** · 07-03-2012 07:25 PM

انا حصل معايا مشكلة .....

انا كنت في كرفور الصحراوي ووصلت انا والعائلة وركنت في البارك وطلعن عملت شوبنج ...لحد كدة عادي جدا

لما خلصت جيت ادور العربية ما بتدرش ...المارش بيلف وكل حاجة لكن مش عاوزة تلقط وتدور..
فصلت كابل البطرية وانتظرت شوية وووصلته تاني واجي ادور المارش بيلف ولكن ما بتدورش برضة وفيها بنزين وكل حاجة..

اخر ما غلبت كلمت الميكانيكي بتاعي وقالي ادلق مية ناحية فلتر الهوا وهي هتدور معاك.
وفعلا دلقت المية راحت العربية دارت وقلت اشهد ان لا اله الا الله وسألته يعني اية المشكلة؟؟؟
قالي لازم تغير حساس الكرنك علشان ما تعملهاش معاك تاني.
ا
لسؤال اية وظيفة حساس الكرنك دة ؟؟؟ وهل لو غيرته هحس بتحسن في اداء العربية لانها كانت كويسة ولا هو علاقتة بموضوع الدوران بس ؟؟؟؟

مع خالص شكري مقدما لكل ن سيقراء ويساهم في الرد

**DONYO** · 08-03-2012 07:09 PM

اية يا جماعة الموضوع عويص كدة

**newcastle** · 10-03-2012 03:23 AM

مش عارف بالظبط ايه وظيفته بس انا فاكر اني غيرته هو و الموبينه لان كان بيحصل عندي ان العربيه فجأه تبرجل جامد جدا ولمبة الانجكشن تنور بعد ماغيرتهم الموضوع ماتكررش تاني

**DONYO** · 10-03-2012 09:19 AM

كانت بتبرجل يعني صوت الموتور بيعلي ويوطى كل شوية ؟؟؟

**macdiv** · 10-03-2012 11:52 PM

حساس الكرنك بيتسخدم مع الاسبراتير الالكتروني وبيعرف كومبيوتر العربيه امتي يرسل اشاره الاشعال للبوجيه بما اني مفيش حاجه في الاسبراتير الالكتروني بتعرف الكومبيوتر وضع البستم ومين من السلندرات الاربعه جاهز للاشعال .. اتمنى اكون وصلتلك المعلومه

**newcastle** · 11-03-2012 03:43 AM

المشاركة الأصلية كتبت بواسطة DONYO

كانت بتبرجل يعني صوت الموتور بيعلي ويوطى كل شوية ؟؟؟

لا مكنش بيعلى ويوطى كان لليه صوت غريب كده كأنه بيخبط في بعضه (كأنه جرار زراعي) غير ان ال rpm مكنش بيعلى مع البنزين وطبعا مفيش سحب
كان الحل الوحيد ساعتها اني اسيبها مبطله 10 دقائق وارجع ادورها تاني تشتغل طبيعي جدا

**DONYO** · 11-03-2012 08:57 AM

المشاركة الأصلية كتبت بواسطة macdiv

حساس الكرنك بيتسخدم مع الاسبراتير الالكتروني وبيعرف كومبيوتر العربيه امتي يرسل اشاره الاشعال للبوجيه بما اني مفيش حاجه في الاسبراتير الالكتروني بتعرف الكومبيوتر وضع البستم ومين من السلندرات الاربعه جاهز للاشعال .. اتمنى اكون وصلتلك المعلومه

اولا اشكرك جدا على ردك
بس انا ما عنديش اسبراتير اصلا بس انا فهمت الفكرة واكرر شكري ليك على اهتمامك

**DONYO** · 11-03-2012 08:58 AM

المشاركة الأصلية كتبت بواسطة newcastle

لا مكنش بيعلى ويوطى كان لليه صوت غريب كده كأنه بيخبط في بعضه (كأنه جرار زراعي) غير ان ال rpm مكنش بيعلى مع البنزين وطبعا مفيش سحب
كان الحل الوحيد ساعتها اني اسيبها مبطله 10 دقائق وارجع ادورها تاني تشتغل طبيعي جدا

اشكرك يا باشا
اعتقد اني هروح للميكانيكي ينضفة الاول وبعدين لو اتكررت تاني هغيره.

**macdiv** · 11-03-2012 04:29 PM

المشاركة الأصلية كتبت بواسطة DONYO

اولا اشكرك جدا على ردك
بس انا ما عنديش اسبراتير اصلا بس انا فهمت الفكرة واكرر شكري ليك على اهتمامك

مفيش عربيه مفهاش موزع شرر ،،، او اسبراتير !!!! بس تسميته في السوق بتختلف ..من اسبراتير الي بوبيته او موبينه الكتروني حسب نظام العربيه ،،،الاسبراتير مش لازم يبقي كوز اسود او طوبي و فيه شكوش بيلف