-
ماطلع المرور زى ماهو اهو
النهاردة رحت مع زوجى العزيز نرخص الستروين البعكوكة
انا اول مرة ادخل مرور مصر الجديدة وبعد اللى شفته هناك باحمد ربنا انى تبع مرور الوايلى
طبعا هناك المرور دورين والمسؤول عن تحديد الورق فى الدور التانى وطبعا بيطلب كل ورقة لوحدها عشان يتاكد ان المواطن هايطلع وينزل اكبر عدد ممكن من السلالم. مش مشكلة كلها رياضة والسلالم كلها فوايد برده
نيجى بقى عند الفحص ولنا هنا وقفة
المهندس بيطلب الفلوس قبل مايمد ايده فى حاجة وطبعا الفنى شرحه . يعنى الوضع زى ماهو بالظبط لا جنيه زاد ولا جنيه قل
المهم لما لقينا اننا هانتاخر على ميعاد خروج الولاد من المدرسة قلنا نشهل شوية بقى وطبعا كلمنا واسطة لكن متاخر شوية
و مع وجود الواسطة الوضع مختلف تماما يعنى المشواير بقدرة قادر بتقل والورق بيجى لوحده والدنيا بتبقى وردى
ضربنا نفسنا بال............ اننا ماعملناش كدة من بدرى كنا خلصناها وخلصنا
ربنا يكرم بكرة ونكمل الباقى وناخد الرخصة ونخلص بس ادعولنا ربنا يكرمنا
لكن خلاصة القول ان كل شئ كما هو بالظبط
-
لا حول ولا قوة إلا بالله
اللهم أصلح حالنا ولا تؤاخذنا بما فعل السفهاء منا
-
لا يغير اللة ما بقوم حتى يغيروا ما بانفسهم
-
و هو ايه اللي اتغير اصلا ؟
يا اخ يا كريم يا من تستشهد بآية من القرآن
قل لي لما تبقى انت انسان كويس ده هايغير مهندس و فني المرور ازاي
لو تعرف يبقى انت في السليم
لو ما تعرفش تبقى فاهم الآية غلط !
-
-
حضرتك مرور مصر الجديدة ده مرور ترفيهى ... مقارنتاً بمرور زى السلام مثلاً .
-
هو الناس مستنيه تغيير فى البلد؟؟ماخربت خلاص
-
بابا كان لسه إمبارح في السحله دي وكمان نقل العربيه من مرور مصر الجديده لمرور النزهة (أنضف مرور شوفته في مصر والعربيه التانيه تبعة)
قعد في المرور عشان الحوار ده فوق ال 6 ساعات
-
مش عارف، انا كان عندى مشاوير فى مرور الدراسه و المعادى و الدنيا كانت كويسه ومحدش خد منى ولا مليم بصراحه و الموظفين كانوا محترمين جداً . يمكن الموضوع حسب المنطقه و لا ايه
-
كويس ان الدنيا زى ما هيه و لا جنيه زاد و لا جنيه قل عندكم فى مرور مصر الجديده ... تعالى عندنا مرور فيصل و انتى تشوفى العجب لان الاسعار زادت بعد الثورة و كل ثوره و حضرتك طيبه
الحمد الله انك خلصتى على خير
Content Relevant URLs by
vBSEO 3.6.0 PL2