الموضوع: ***حلم التأمين التكافلي ........نفكر سوا ***

يا فكرة التأمين التكافلي دي زي صندوق الزمالة بالظبط فبمنتهي السهولة تطبيقها من غير ما ندخل كلمة تأمين لان كلمة تأمين دي زي معاذ ما قال حتدخلنا في متاهات كتيرة اوي
و بعدين موضوع انها تكون شركة تأمين تكافلية الكلام ده مش موجود في مصر اساسا لان مافيش اي شركة تامين تكافلي موجود في مصر الشركات المعلنة دي كلها بتضحك علي الناس و تستغل ولعهم بكل ما هو ديني و بتاجر بالموضوع ده
حتي السعودية مافيهاش تأمين تكافلي بكل اسف . مافيش الا شركة واحدة بس واخدينها نموذج و عايزين يعمموه علي بقية الشركات لان كان فيه ندوة مؤخرا حضرها لفيف كبير من الشيوخ و علماء الاقتصاد الاسلامي و الدكتور يوسف القرضاوي بتناقش ازاي السعودية مافيهاش شركات شرعية في التأمين لان كل الشركات الموجودة مجرد اسم فقط انها تعمل طبقا للشريعة الاسلامية الا ان بالخوض في ميكانيزم عملها تجد انها مرتبطة بشركات تمويل تأمينية عالمية و هذه الشركات لا تعمل بالشريعة الاسلامية بل ان الشركات السعودية تضارب في البورصات العالمية بما تحتويه من معاملات حلال و حرام

لكن فكرة تأمين تكافلي بشكل صندوق زمالة انا شايف هي الانسب و الامثل لتطبيقه هنا و انا اؤيد هذه الفكرة بشدة و لابد من وجود لجنة شرعية تراقب اعمال الصندوق

محمد فهمي

يا جماعة جزاكم الله كل خير انا من زمان بدور على اى حد يساعدنى فى حل مشكلة التامين دية و كمان المشكلة دلوقتى فى مصر بقت ان لو العربية واقفة هاتتخبط هاتتخبط لا محالة فلازم بازن الله ندور على حل انا بدات افكر فى حل صغير بس دة على مستوى عائلتى فكرت نعمل جمعية كل واحد عندة عربية يدخل فيها ولو ب200 ج فى الشهر و الفلوس دية تبقى موجودة فى حالة اى فرد حصل فى عربيتة حاجة يكونوا من حقة و هكذا