***حلم التأمين التكافلي ........نفكر سوا ***
التأمين التكافلي
هو ده الحلال المصفي اللي ماختلفش عليه حد
و كل المواضيع اختلفت على تسمية التكافلي لعديد من شركات التأمين
و قريت عنه لاقيت في شروط منها :
1 - ائتلاف القلوب على التكافل بين الشركاء في تحمل الخسائر
2 - نية الشركاء في فائدة و مصلحة الجماعة
3 - ان كان هناك عمل تديره الشركة تقسم الأرباح تبعا لقيمة الأسهم بين الشركاء
4 - عند خروج احد الشركاء من الشركة يحق له التخالص مع باقي الشركاء حسب الاتفاق
طيب ..........
مفيش شركة هاتفتح تكافلى لأنه ما بيأكلش فزدق زي التأمين العادي
اللي هايعمل الشركة دي لازم يكون قاصد وجه كريم
و لاحظت ان فيه عدد لا بأس بيه من الأعضاء مؤمن بالحرام و الحلال و متمسك بيهم و الحمد لله و ربنا يزيد
و كتير مننا نفسه يأمن و مش قادر علشان الحرمانية
و الحمد لله برضه كلنا على قلب رجل
:g::g:خطرت على بالي فكرة:g::g:
...
...
...
..
ايـــــــــــــــــــــــ ـــــــــــــــوه بالظبط كده :thumbsup:
ليه ما نعملش مابيننا تأمين تكافلي
ونحاول نديله شكل قانوني
انا عارف ان الموضوع مش سهل
بس لو حد عنده خلفية قانونية او خبرة في تأسيس الشركات يقوللنا رأيه
و برضه أفكاركم و اراءكم في الاستثمار اللي ممكن تعمله الشركة (حتى لو نشاط بسيط) .
لاحظوا لو الفكرة دي طلعت للنور و لو بعد سنين هاتبقى تجربة رائدة في مصر
و ثواب كبير بعون الله (للإعانة على تقصي الحلال)
ياريت أسمع الآراء من سلب و ايجاب علشان لو وصلنا لفكرة حقيقية او وجدنا امكانية ممكن ساعتها نحط الموضوع في الاقتراحات للادارة بس يكون جاهز للنظر
علشان كده قلت نناقش في القسم العام فكرة انشاء
( شركة تكافلية للتأمين على السيارات)
و لو وجدنا أمل ممكن نناقش مع الادارة جعل الشركة دي احدى مشاريع المنتدى
وشكرا