افضل معرض سيارات فى القاهره

**fghahkj** · 07-03-2012 07:45 PM

ايه رايكم فى سمير ريان انا واحد صاحبى اشترى من عنده لانوس وشكر فيه انا عايز معرض ميكنش بيهين العربيات الى عنده لان مره شوفت عربيه فى معرض فى شارع الطيران كانت الارضيه كلها تراب وفيها قشر لب و طافيه سجاير وكان الى هيشتريها بيستلمها وهى بالوضع ده

**Land_Cruiser** · 07-03-2012 08:29 PM

هو اللى انا اعرفه ان معظم العربيات بتبقى متخزنه فى مكان زى باركنج كبير او قطعه ارض لانها هتحتاج مساحه مهوله للعرض و لما حضرتك بتتعاقد هما بيجيبوها و ينضفوها من التراب من الركنه و حضرتك تستلمها الا اذا كنت هتاخد العربيه اللى واقفه فى العرض و دى طبعا بتتعرض للبهدله لان اللى رايح و اللى جاى بيتفرج عليها و احيانا ممكن عمال المعرض يضطروا يسوقوها علشان يحركوها من مكانها و لا حتى يباتوا فيها و اعتقد اللى حضرتك بتقول عليها اكيد كانت واقفه بقالها كتير قدام المعرض و طبعا لو قابلك حاجه زى كده ما تستلمهاش اكيد

**مواطن مصرى** · 07-03-2012 09:53 PM

سمير ريان ممكن يديك سعر ارخص من اى مكان تانى لكن كتعامل و معرض و كده لا هو ولا اخوه بتاع المصريه كويسين فلو هتشترى منهم جرب تاخد حد فاهم كويس معاك تعاين العربيه كويس جدا جدا قبل ما تستلمها لانهم ساعات بيجيبوا العربيات متساقه مش على تريلا و بيفصلوا سلك قراءه عداد السرعه بطريقه فنيه علشان متعرفش ان العربيه مشيت كثير و ساعات العربيات دى بتبقى مخبوطه و احيانا متسمكره كمان

فيه كذا معرض تانى مضمون غير سمير ريان ممكن يكون ازيد فى السعر حاجه بسيطه (مش لدرجه فرق الف جنيه مثلا) بس سمعتهم كويسه جدا زى اوتو ايجبت - السبع - فالكون - المتحده - فكرى - الابيض

**hugan** · 07-03-2012 09:57 PM

انا تعاملت مع سمير رايان معقول
لكن المصريه عايزين الحرق

**mseldin63** · 08-03-2012 01:18 AM

شركة عربيات سيئه جدا كنت حاجز عندها عربيه كارينز ودفعت كامل القيمه وعند الاستلام ـ العداد71 كم ـ العربيه كانت راشه الجانب اليمين بالكامل بس الحمد لله اكتشفتها و لغيت التعاقد