هيييييييييييييييه دنيا والواحد خلاص كبر وعجز والعيال خلاص هيدخلو المدارس

المحروس ابني خلاص هيكمل 4 سنين قريب وكنت فاكر موضوع المدارس لسه بدري عليه اتاريه خلاص معظم المدارس قفلت باب التقديم للسنه الجايه مش عارف ازاي

دلوقتي انا عايز مدرسه نظيفه في مدينة نصر او قريبه يعني ليها وتكون لغات علي الطريقه الاميركان ام البرييطاني بس اهم حاجه يكون في تركيز علي الدين وتريبة الطفل والأخلاق وبناء الشخصيه

انا دلوقتي عرفت ان مدارس قليله اللي لسه بتقبل زي Future اللي في زاكر حسين ودي اقرب حاجه ليا وفي كمان Roots ودي جنب شغلي في المنطقه الحره
هل دوول كويسين ؟ انا عرفت ان في مدرسه اسمها الفاروق ودي اسلاميه بس خلاص قفلت باب التقديم فبدل مااضيع سنه علي الواد ويدخلي كي جي وان علي 5 سنين بفكر اقدمله في مدرسة من دوول لحد مايخلص كي جي وابقي احوله الفاروق او اي مدرسه اسلاميه كويسه

وبرده كل ده متوقف علي قرار اني اكمل ف القاهره او ارجع الاسكندريه ومش عارف لسه اقرر

لو رجعت الأسكندريه ايه احسن مدارس؟ ناس بتقولي سيدي جابر لغات كويسه

ياريت تشاركوني خبراتكم عشان الموضوع محيرني جدا وخصوصا اني بقال كتيير عايز اسال ومكسل وقول لسه بدري