عيب شائع جدا في الكنج ستون وبتتحل مفيش مشكلة بس بتتحل علي linux min 9
عرض للطباعة
عيب شائع جدا في الكنج ستون وبتتحل مفيش مشكلة بس بتتحل علي linux min 9
الفلاشه دي لازم تتفرمت ومش هينفع تشتغل علي اي نظام ويندوز الا لما تتفرمت
الحل كالاتي
هتنزلي النسخه دي من اللينك ده
Index of /quirky/wary-5.1.3/
هتلاقيها تلات واحده من تحت ومساحتها 120 ميجا
هتجيبي فلاشه تانيه وهتنزلي البرنامج الي في اللينك ده
Universal USB Installer – Easy as 1 2 3 | USB Pen Drive Linux
هتحطي النسخه الي نزلتيها اول واحده علي الفلاشه زي ما بيقول الشرح الي في نفس اللينك بتاع البرنامج
هتحطي الفلاشه في الجهاز وتخليه يعمل boot منها
سبيه يحمل ودوسي انتر علي اي رساله قدامك
النظام هيفتح معاكي
هتحطي الفلاشه التانيه في الجهاز النسخه هتقراها افتحيها واسحبي ملفاتك وخلاص كده
انا عارف ان الشرح سريع وصعب علي حد مبتديء
بس انا حبيت اعرض الافكار بحيث لو عندك شوية خبره تقدري تنفذيها
لو مستعده تنفذي الموضوع ده
شوفي الي مش فاهماه وتحت امرك في اي استفسار
A.Yakout
ولا يهمك الموضوع بسيط جدا بس محتاج شوية تركيز
الفلاشه الـ 2 جيجا كافيه جدا ولو فلاشه 512 هتنفع برضه لان النسخه اصلا 120 ميجا
اللينك الاولاني ده مش برنامج ده نظام تشغيل مختلف عن الويندوز ومش هيحتاج يتفرد زي الويندوز
لانه بيشتغل من الفلاشه علي طول
___________________________________
اللينك التاني بقي ده برنامج هيخليكي تحطي نظام التشغيل ده علي الفلاشه والبرنامج ده بينزل ملفات معينه علي الفلاشه علشان نقدر نعمل boot منها
وده هنزله علي الجهاز مش علي الفلاشه ونفتحه ونديله مسار النسخه الي نزلناها وهنختار من القايمه wary puppy
وتحتها هنختار الفلاشه الاضافيه
ودوسي امر create وسبيه مع نفسه اما يخلص
_________________________________________
الخطوه الي جايه بقي متعلقه بالجهاز واعدادات bios عند بداية التشغيل علشان نختار التشغيل من الفلاشه الاضافيه الي عملناها
___________________________________________
لو وصلتي للمرحله دي وبدا التشغيل فعلا من الفلاشه متعمليش اي اعدادات ولا تبدلي الاوامر لحسن تطيري الداتا الي علي الهارد واختاري الاوامر الي بيقولك عليها بس
ومستمر معاكي لاي استفسار تاني
A.Yakout
ممكن يكون العيب في الفلاشة مش سوفت وير ولكن حصلت معايا واحد غشيم سحبها من الجهاز بالجنب فكان لازم أفكها واكتشفت ان في واحدة من الرجول فكت من لحام القصدير اللي مثبتها بالبوردة وكانت محتاجه لحام ولما لحمتها بحرص شديد أشتغلت طبعا سحبت الداتا بتاعتي وبعد كدة رميتها (:
المهم في فكرة من كدة ممكن تجربها ..... ركب الفلاشة عادي في الجهاز وحاول تخليك ماسكها وانت ضاغط بشويش لكن بزاويه ميل بأيدك الشمال وجرب تغير الزاويه يمين شمال فوق وتحت وانتظر ثواني في كل مرة لغاية مالجهاز يشوفها لوحدة وتظهرلك الويندو العادية واول ماتظهر ثبت أيدك اللي ماسكة الفلاشة وبايدك اليمين اتعامل عادي وحاول تفتحيها وكوبي الداتا بتاعتك ولازم تخليك ثابت بالفلاشة لغاية ما التحميل يكمل......جرب وبشرنا.........تحياني من مكه (:
حل أخير لو حلول الزملاء منفعتش معاكى
روحى توكيل كينج ستون
معلش الشرح هيبقى بلدى عشان مش عارف اسم الشارع
شارع محيي الدين أبو العز من ناحيه شارع جامعه الدول
على اليمين منه عند مستشفى مغربى للعيون (المستشفى مش محل النضارات )
بعد المستشفى على طول فيه شارع هوه ده المقصود
إسألى على مقر الشركه الهندسيه
أديهم الفلاشه وهما هيتصرفوا
عندهم آلاف البرامج لحل المشكلات دى
الف شكر يا جماعه على كل مشاركاتكم ومساعداتكم لي
الحمد لله قدرت أخد نسخه من معظم الملفات المهمه الموجوده على الفلاشه ببرنامج recover all
وبعض الملفات مش بتفتح خالص غالبا حصل فيها حاجه بسبب الفلاشه
وبشكر أستاذ shaddadfalcon انه اشار عليا باستخدام البرنامج ده
وأستاذ A.Yakout على لينك النسخه الكامله من البرنامج
ودلوقتي ممكن اعملها فورمات وحتى لو ما اتفرمتتش ممكن ارميها وخلاص :))
انا عارفه المكان ده كويس وشكرا على الإقتراح المهم ده
ما خطرش على بالي موضوع التوكيل خالص على اساس انها مجرد فلاشه مش هارد