محتار بين فيرنا او لانوس او لوجان

**semi** · 07-03-2012 09:07 PM

السلام عليكم ورحمة الله وبركاته

ناوي باذن الله اشتري عربية في حدود من 65 الى 75
وطبعا الرانج ده معناه خيارات محدودة من السيارات
المهم احترت بين
الفيرنا او اللانوس او لوجان او بروتون

انا سمعت ان الفيرنا او اللانوس العفشه سيئة وواطية على الارض والتقفيل بقى مصري
واللوجان سمعت ان التقفيل سئ والموتور له صوت
والبروتون عرفت انها كويسه لكن التقفيل سئ جدا

انا بجد احترت ياريت ياشباب تساعدوني في موضوع الاختيار
طبعا مفيش عربية مش لها عيوب بس انا عايز اختار الافضل منهم
ياريت كل عربية حد يقدر يقيمها فيقميها من 1 الى 5 من حيث

العفشة:
التقفيل:
الموتور:
توافر قطع الغيار:
التوكيل:

انا عايز العربية لاستعمال خفيف السفر قليل مش كتير
طبعا حاجه مناسبة للبيئة المصرية يعني العفشة تستحمل

شكرا لوقتكم

**ZOoOoMA** · 07-03-2012 11:19 PM

لوووووووووووووووووووووووو ووووووجان طبعا
بعد ما بحثت عنها كتييير قوي
العفشة:5
التقفيل:5
الموتور:4 لان صوته مش عالي لكن مرتفع حاجه بسيطه مش هتحس بيها
توافر قطع الغيار:5موجوده كتيييييير بشهاده اعضاء الرينو
التوكيل:5 محترم جدا جدا جدا جدا
و برضو في الاول و الاخر الاختيار ليك انت

**mohamed_selim** · 07-03-2012 11:41 PM

لوجان ..ز و ممكن تزود شويه و تجيبها اوتوماتيك

**Kareem Fawzy** · 08-03-2012 12:41 AM

اعتقد لوجان
وياريت يتم نقل الموضوع للمنتدى العام علشان اعضاء كتير تساعد حضرتك ان شاء الله

**gebreel** · 08-03-2012 01:25 PM

رأيي لوجان و يليها ساجا و كفاية على الفيرنا و اللانوس مع احترامي لملاكهم

الحمد لله جبنا لوجان مانيوال في البيت و من كثر ما هي مدياني اللي محتاجو بسعرها جبت الحمد لله الاوتوماتيك بتاعتها كمان و مش ندمان

**el_nahal2004** · 08-03-2012 03:22 PM

الناس كلها بتشكر فى اللوجان
توكل على الله وهاتها
بس بصراحة انا عن نفسى مش بحبها

**me_medoo** · 08-03-2012 04:15 PM

حبيب قلبي ... أنتا مشاء الله عليك حاطط أربع أختيارات وكلهم أوحش من بعض انا جربت العربيات الي دي كلهم وخدتهم من التوكيل يعني زيرو ... ومع أحترامي للعربيات دي ولمالكيها ... دي عربيات انا بسميها
عربيات على ماتفرج ...

طيب هتقولي أعمل أيه : هقولك المبلغ الي معاك ممكن تجيب عربية نيسان صني مستعملة موديل حديث 2010 او 2009 .
ممكن تجيب عربية تويوتا يارس 2008 او 2009 .
ممكن تجيب ديهاتسو سيريون 2009 او 2010 وأتوماتيك كمان.
ممكن تجبلك عربية رينو ميجان حاجة نضيفة كده .ويانوراما كمان .
وممكن تجبلك عربية افايو كسر زيرو كمان لو حبيت .

العربيات دي حتى لو كانت مستعملة فهي برقبت العربيات الحديثة من حيث الركوبة والصلابة وتوفر قطع الغيار ... ومن حيث الوسع الداخلي والسحب بتاعها ... ومش لازم تاخود وش القفص زي مابيقولوا ... وأفرح بأكياسها .. والاستيكر الي عليها ... أهم حاجة تاخود عربية نضيفة ... وكويسة ... ألله هو أنتا هتعيش كام يوم ... ولا نتا هتشتري كل يوم ... دي هيا كل فين وفين لمن تفكر تشتري عربية .

والمثل بيقول ان سرقت اسرق جمل وأن عشقت أعشق قمر وأن ركبت أركب همــــــــــــــر ... وتحياتي .

-

مشاهدة نتائج الإستطلاع: ما السيارة التي تفضلها؟

الموضوع: محتار بين فيرنا او لانوس او لوجان

LinkBack

أدوات الموضوع

عرض

-

-

-

المواضيع المتشابهه

فيرنا أم لانوس أم لوجان أم بي واي دي إف3 أم إسبرانزا 516

اشترى لوجان ولا فيرنا محتار انصحونى

اشترى لوجان ولا فيرنا محتار انصحونى????!!!!!1

لوجان ولا فيرنا ولا لانوس؟

لانوس - فيرنا - لوجان - ريو - افيو

الكلمات الدلالية لهذا الموضوع

المفضلات

المفضلات

ضوابط المشاركة