الموضوع: صوره للقاهره الجميله صباحا و مساءا

لا شكر على واجب يا أخي الكريم أحنا كلنا هنا في المنتدى أخوة

عموما أنا أتقبل كلامك لأنه ليس جديد على أي مصري مثلي تحدثت معه عن سلبيات البلاد ................ أول شئ تجده هو الدفاع ثم الدفاع ثم الدفاع
و ذلك كل شئ سيظل على ما هو عليه مادمنا لا نعرف حجمنا الطبيعي
أنظر حولك يا دكتور إلى الدول العربية و كم تقدمت و نظن نحن أننا مازلنا أفضل منهم
و عجبي على هذا الشعب

الأسلوب البنّاء فى النقد شئ، وسلخ الذات وهدم الذات وتحقير الذات شئ آخر..
لا يوجد مصرى هنا يقول أن الأحوال بخير..
لكن غير مقبول أن ترمينا جميعا بعدم القيمة وتقول قصدك ومش قصدك..
فإذا كنت لم تقصد هذا فليس سوء فهم منى بل سوء تعبير منك..

من الممكن أن أقبل أن تقول أن مصر نايمة، ممكن تخلفت، فيها فساد بشع.. لكن مافيهاش بنى آدمين؟؟؟مالهاش قيمة؟؟؟
يبقى الخواجة لعب فى تفكيرك ومحى عزيمتك زى معظم المنبهرين بلمعة الحضارة الغربية!!!
ودا إسمه هزيمة نفسية.. وهى أسوأ بكثير من الهزيمة العسكرية..
لما انهزمنا فى 67 تحولت الهزيمة لروح إصرار لاستعادة الحق..
ودلوقت فيه منهزمين كثيرين شايفين مصر جثة هامدة بدون قيمة ولا يرون حلا غير البكاء عليها!!

المشاركة الأصلية كتبت بواسطة Dr Ahmed

عموما أنا أتقبل كلامك لأنه ليس جديد على أي مصري مثلي تحدثت معه عن سلبيات البلاد ................ أول شئ تجده هو الدفاع ثم الدفاع ثم الدفاع
و ذلك كل شئ سيظل على ما هو عليه مادمنا لا نعرف حجمنا الطبيعي
أنظر حولك يا دكتور إلى الدول العربية و كم تقدمت و نظن نحن أننا مازلنا أفضل منهم
و عجبي على هذا الشعب

الأسلوب البنّاء فى النقد شئ، وسلخ الذات وهدم الذات وتحقير الذات شئ آخر..
لا يوجد مصرى هنا يقول أن الأحوال بخير..
لكن غير مقبول أن ترمينا جميعا بعدم القيمة وتقول قصدك ومش قصدك..
فإذا كنت لم تقصد هذا فليس سوء فهم منى بل سوء تعبير منك..

من الممكن أن أقبل أن تقول أن مصر نايمة، ممكن تخلفت، فيها فساد بشع.. لكن مافيهاش بنى آدمين؟؟؟مالهاش قيمة؟؟؟
يبقى الخواجة لعب فى تفكيرك ومحى عزيمتك زى معظم المنبهرين بلمعة الحضارة الغربية!!!
ودا إسمه هزيمة نفسية.. وهى أسوأ بكثير من الهزيمة العسكرية..
لما انهزمنا فى 67 تحولت الهزيمة لروح إصرار لاستعادة الحق..
ودلوقت فيه منهزمين كثيرين شايفين مصر جثة هامدة بدون قيمة ولا يرون حلا غير البكاء عليها!!

دكتور أحمد ............... أنا لم يلعب في تفكيري أحد و لم يمحيي عزيمتي أحد
و بالفعل أنا منبهر بالحضارة الغربية ......... و أنا كلي عزيمة لتخليص البلاد مما هي فيه و لكني أسبح ضد التيار
ما قيمة جمال البلاد عندما ترجع بيتك أخر اليوم تلعن الدقيقة اللي فكرت تخرج فيها من البيت أصلا .......
عندما تذهب إلى سوبر ماركت و يقفز كل شخص أمامك و يقولك أصل أنا معايا حاجتين بس !!!!!!!!!!
و تبقى طبعا خناقة لأن أنا مش أرضى أن واحد بني آدم معندوش دم و لا أدب يسرقني و يسرق دوري
و ده بيحصل معي كل يوم في السواقة و البنك و السوبر ماركت و مكتب البريد و المحلات الكبرى و حتى البقالين الصغيرين
فما قيمة هذا الجمال إذا كنت لا أستمتع به
و أنا لم أسئ التعبير .............. و عادي كل مصري عنده حساسية لو أي حد قال حاجة على البلد حتى و لو كانت حقيقية 100 %

ما قيمة البلد الحقيقية مثلا في المحافل السياسية ؟؟؟؟؟؟؟؟؟؟
أنكار الحقائق لن يأتي بأي ثمار و لن يزيد مصر في شئ
و على فكرة أنا مصري جدا و بحب مصر جدا و أشتري كل شئ صنع في مصر في بيتي من أجهزة كهربائية إلى أطعمة ............ الخ
و حب البلد ليس بالكلام................... أنا بحب البلد و بتمنى قبل ما أموت أشوفها متقدمة و متحضرة و الناس بتحترم بعضها زي زمان و لكن فيما يبدوا أنني سأموت قبل أن أرى ذلك اليوم

محدش يفدر ينكر ان في سلبيات كتير كتير كتير كتير كتير قوي
ويبقى انت اكيد اكيد في مصر

[quote="tutankhamoun"][quote="Dr Ahmed"]

عندما تذهب إلى سوبر ماركت و يقفز كل شخص أمامك و يقولك أصل أنا معايا حاجتين بس !!!!!!!!!!

انت كنت معايا امبارح بقا لسه مهزق بني آدم عم الحركة دي معايا امبارح

[quote="tutankhamoun"][quote="Dr Ahmed"]

و أشتري كل شئ صنع في مصر

يبقي حضرتك مبتشتريش حاجة اصلا

أستاذ etch007
لا و الله بأشتري مثلا الثلاجة مصري و البوتاجاز و السخان و التليفزيون و التكييف و المراوح و الدفاية و اطارات السيارة و السجاد و الموكيت و اللمبات الكهربائية العادية و الموفرة للطاقة و الأطعمة و المشروبات ............... الخ
احنا يا جماعة لازم نعطي الفرصة للمنتجات الجيدة لتذهر و تتقدم ........... نحن أولاد مصر

حب البلد ليس بالكلام................... أنا بحب البلد و بتمنى قبل ما أموت أشوفها متقدمة و متحضرة و الناس بتحترم بعضها زي زمان

بإذن الله يحصل
حتى لو بإيد ولادى وولادك
وفى إيدينا على الأقل نفسنا ، وأولادنا نعلمهم ونحميهم من مساوئ المجتمع على قد ما نقدر

وتحت أطنان التراب ممكن تلاقى دهب مستنى التراب ينزاح من عليه
ولحد ما ييجى اليوم ده على الأقل يفضل عندنا شوية أمل
لأن لو فقدنا الأمل يبقى محدش هيحاول.. ويحاول ليه طالما مافيش عنده أمل؟؟