-
السلام عليكم على كل اعضاء المنتدى
ده اول اشتراك ليا في المنتدى وعايز اخد رايكم في موضوع مهم
انا عندي عربيه تويوتا كرولا 1995 كامله اوتوماتيك زجاج عادي 1300 ccخليجي ولونها نبيتي
وانا كنت بفكر اغير العربيه مع ان العربيه مريحاني وعمرها ما راحت للمكانيكي بس البنزيه علشان تغيير الزيت والفلترات والكلام ده.
بس انا حابب اركب عربيه احسن شويه ومش عارف اركب ايه .فحبيت اخد رايكم اغير العربيه واجيب ايه.................
1-ماتريكس 2008 الشكل القديم علشان الشكل الجديد حاسس انه عامل زي الميكروباص من قدام.
2-دايهاتسو ماتيريا.
3-سوزوكي فيتارا موديل 1998 2000cc العربيه دي انا بحترمها موت.
ومحتار مش عارف اجيب اى عربيه فيهم.
ياريت تعرفوني اجيب ايه.
بس انا اكتر عربيه عاليه في نظري شويه الماتيكس لانها من اول ما نزلت وانا بحبها حاسس انها شبابيه واعائليه في نفس الوقت.
وشكر ليكم.
اخوكم شربيني
-
أنا رايى بأمانة طالما العربية بتاعتك مريحاك ما تفكرش تشترى جديد ولا أي حاجة تانية لانه زي مانتا شايف مفيش عربية جديدة الا ليها مشكلة وخاصة الكورولا 2008 الجنوب افريقى اللى كنا فاكرين انها كويسة
-
جريمه في حق نفسك انك تبيع عربيه مريحاك وتجيب ماتريكس
ليه
لأن العربيه طول ما هيا مشتكتشي ومريحاك كده ليه تروح لغبور وعمايله السوده
بلاش
لو نقلت انقل لياباني او كوري كيا مثلا
غير كده بلاش علشان متندمشي
لو الماتيريا عجباك شكلا وموضوعا
العربيه حلوه ولا يوجد بها اي مشاكل
-
فعلا كلامك او عبد الله تمام
انت معاك افضل موديل في كرولا وبيستحمل بشدة
تيجي تجيب عربية فيها مشاكل
دلع عربيتك
اقلبها ازاز كهرباء
غيرلها الفرش
جنطها
لكن بلاش عربيات غبور
والعربيات التانية اللي نت حاطهها في الاختيار مش نقلة جامدةي عني
هاتضايق من خشونة المتركس
والماتيرا شكلها ثوري مش هاتعجبك لو انت تقليدي
والفيتار عادية مش اللي هيا نقلة وتقفيل مصري
-
فعلآ لما تشتري عربية جديدة ،،
لازم تكون نقلة ،،
عشان تحس بفرق
مش عارف من سيدان صغيرة ل Mpv دي تعتبر نقلة و لا لأ ،،
عموما الماتريكس عربية ممتازة مركب علي اربع عجلات
و في نفس الوقت مش كبيرة اوي من بره
و حتي الآن مالهاش اي مشاكل
مع مديري السابق من اول ما نزلت
مشوار يومي من اخر شارع الهرم للعاشر من رمضان
و انتشار غير طبيعي و قطع غيار و صيانة سهلة و اعادة بيع ممتازة و وكيل قوي
بس ممكن فعلآ تحس فيها ببعض الخشونة ، مقارنة بالسيدان ،،
و اكيد حضرتك ركبتها و تقدر تحكم بنفسك
بس قرر بنفسك عشان متنتدمش
و تحس انك مش مستريح
و عموما العربيات فلوس ريح ،، يعني لو عربيتك مش مضايقاك مالهوش لازمة التغيير
إلا لو غرض التغيير نفسه ،،
-
انا بشكركم على ارائكم الجميله وشكلي فعلا هقتنع بيها وهخلى العربيه معايا زي ما هيا احسن من غيرها.
وشكرا ليكم تاني على انكمساعدتوني في الاختيار الاحسن
-
يا باشا أنا عندي نفس السيارة موديل 1997
الحمد لله مريحاني ع الآخر و هيه عربية شكلها حلو و تقدر تلعب فيها على كيفك ممكن تعدلها أو تحط فيها حاجات أحسن و لا تنس انها ياباني و على رأي المثل ياباني في غير ملكك ......ههههههه
مبروك عليك سيارتك و يعطيك خيرها و يكفيك شرها
خليها صدقني أحسن من الموديلات اللي قلت عليها
-
ماتريكس اية يا رجل , استنى اسبوعين كدة فى حاجات حلوة نازلة , زى النيسان الجديدة , و الاوبل الجديد , او كدة
-
موش معقوله تنزل من الكورولا الي الهيونداي اي كان نوعه العربيه مريحاك و مروحتش بيها لميكانيكي الحمد لله امسك الخشب و دلع العربيه شويه
Content Relevant URLs by
vBSEO 3.6.0 PL2