-
خلو بالكم من الدائري
السلام عليكم
من 5 ساعات تقريبا . حوالي الساعة 8 . 2 اصحابي كانوا علي الدائري ودخلوا بنزينة امارات مصر الي جنب كارفور المعادي يحطوا بنزين .
اول ما خرجوا سلك الدبرياج اتقطع ( العربية 128 ) المهم كان عامل حسابة ومعاة واحد احتياطي .
نزل ورفع العربية وبدا يركب الجديد .
واحد منهم لقي عربية (كروز) واحد نزل منها وبيسال الي واقف جنب العربية (التاني نايم تحتها )
معاك رقم ونش لان عربيتي عطلت . قالة لا اتصل بالدليل .
المهم يدوب صاحبي ادالة ضهرة عشان يساعد التاني ويديله مفك
التاني لمح ان جوا العربية شنطة . خدها وركب العربية وجري .
صاحبي بعدها بيبص علية لقاة ماشي بالعربية وبعدها لقي اتنين بيبصوا عليهم اوي تقريبا كانوا معاهم .
ولاحظ ان في نفس الوقت علي الناحية التانية عربية وقفت اول ما هما وقفوا . وبعد ما اتسرقوا العربية مشيت .
اتسرق منهم اللاب توب . والمحفظتين (فلوس ورخص وكارنيهات ) كانوا علي الكنبة .
حبيت احذركم .
اللهم استر طريقنا جميها .
-
-
-
شكرا لك وربنا يعوض عاليهم وربنا يسترها معانا كلنا
-
-
انا بقيت بخاف اقف بالعربيه في اي حته
ربنا يحفظ مصر و شعبها
-
امين . ربنا يحفظ الجميع .
اهم حاجة ان الواحد يحاول مايقفش خالص بالعربية في اماكن زي دي .
والاهم لو مضطر تقف . تاخد حذرك كويس اوي
-
والله الواحد بقى يخاف يمشى بالعربيه اصلا يارب الفتره دى تعدى على خير
-
شكرا جدا على اهتمامك و نصيحتك وربنا يسترها فى طريقنا جميعا .
-
-
شكرا للتنيه ياباشا ... ربنا يجعله في ميزان حسناتك ان شاء الله
-
ربنا يعوض عليهم ويحفظنا
بس أنا أحب أضيف حاجة وهي إن مش حكايت دائري أو غيره دي مكن تحصل في أي مكان
والحل إن أي حاجه ممكن يبقى فيها الطمع تتحط في شنطة العربية حتى لو كانت شنطة فيها ورق أو فاضية وبكده محدش هيتشد لحاجه يسرقها من العربية
Content Relevant URLs by
vBSEO 3.6.0 PL2