رمسيس

**Mzeid** · 04-06-2008 05:10 PM

شكراَ يا بشمهندس سبعاوي ..
:):)

**mo3tazelgamal** · 04-06-2008 08:52 PM

أنا كنت قريت عن العربيه الرمسيس أن الأبواب بتاعتها بيتم تصنيعها يدويا على أيد السمكرى يعنى مش أسطمبه ومكبس هيدروليك ويتم التشكيل
وبالتالى كان صعب إنك تلاقى بابين شبه بعض تماما لابد مكن وجود إختلاف
الله يرحمها كانت على قد فلوسها

**aif** · 17-08-2008 02:50 PM

دي الرمسيس على الطبيعة .... بتركن قدام بيتنا لغاية دلوقت ..... وعروسة مافيهاش اي خبطات ...... وبتمشي .... وفيها كلاكس كمان ..... وبتنور بالليل .....وصوت الموتور بتاعها شبه صوت الفولكس بيتل ..... ولو ما فيش مكان يركن .... ممكن ينزل السبت .... ويربطها ويطلعها تركن في اوضة الصالون.....وبالمرة.... يغسلها في الحمام غسلة تمام

**ahmed_su** · 17-08-2008 04:14 PM

يااااه الرمسيس ..... فكرتنى بايام جميلة بالصدفة شوفت الموضوع النهاردة فى شريط الاخبار ولما دخلت قراتيه افتكرت اول موقف تعرضت فيه لعربية عموما سنة 89 حوشت 500 جنيه (بحالهم ) وكان نفسى اشترى عربية وكل الاصحاب رشحولى الرمسيس كان ممكن تشتتريها ب 400 جنيه واتفرجنا على كذا عربية فى الجيزة وكانت حالتهم وحشة ورشحولنا متخصص الرمسيس فؤاد المكانيكى فى السيدة عائشة ورحناله هناك وبالفعل كان عنده غابة من الرمسيس ورشحلنا عربية واشتريناها كانت بيضاء موديل 74 اخر موديل فى مصر .... وبعد الفصال خدنها بـ450 بحالهم بعقد ابتدائى ومعرفيتش اسوقها لان المرشدير بتعها كان مكان الاول فى الفتيسات العادية وقام احد اصحابى بقيادتها حتى البيت واحنا مشيين الزجاج الخلفى وقع بس ماتكسرش وجبناه وركبناه وقعدنا نضحك ...

ولما ولدى الله يرحمه شفها اعطانى درس فى كيفية تضيع الفلوس فيما لايفيد وفى عربية رديئة هتقرفنى اكتر ما هتفدنى واصر انى ارجعها او اخلص منها ... وطبعا قعدت اسبوع اتحييل عليه انه يغير رأيه ومافيش فايدة الا ان جاء الفرج وعرض على احد جيرنا ان يشتريها فبعتها له على الفور ب500 جنيه يعنى كسبت فيه 50 جنيه فى 6 ايام تقريبا .....

اسف طولت عليكم بس الموضوع فكرنى بالحكاية دى

شكرا لسبعاوى على موضوعه :)

**momoneer** · 17-08-2008 04:32 PM

يا جماعه عبد الناصر كان عاوز يعمل نهضه وفعلا لو كانت الامور استمرت كان زمان مصر حاجه تانيه كان عاوز مصر تعمل عربيات وصورايخ ويبقى ليها كلمه
لولا انه كان نافش ريشه واسرائيل وقعته صح فى 67 وعلى فكره اسرائيل كانت مسميه العمليه دى ( اصتياد الديك ) وقد كان ...

**Adham** · 17-08-2008 04:37 PM

المشاركة الأصلية كتبت بواسطة hamedo0

لا يا باشا احنا عملنا طائرات تدريب كان اسمها سسنا او حاجه زاي كده كانت البوضي فايبر المحرك اربع سلندر كان شبيه محرك العربيه بس كان اقوي
مصدر المعلومه والدى الله يرحمه
كان فني هيكل ومحرك طائرات

لا ياباشا مصر معملتش السسنا
السسنا دي برازيلي او ارجنتيني

اللي اتعملت مصري كان اسمها "جمهورية" و هيه برضة شبيههة بالسسنا و دي طيارة تدريب
بيستعملوها لتدريب الهواة
و كانت موجودة لغاية قريب في مطار امبابة للإيجار للهواة و المتدربين قبل الغاء مطار امبابة

بس مش زي ما قال الأستاذ / أحمد علاوي

مصر عمرها ما عملت طيارة نفاثة

هيه الجمهورية تجميع السسنا
و صاروخين فاشلين بدون اجهزة توجية اصلا اسمهم "القاهر" و "الظافر"

معلش اصل والدي طيار حربي سابق من ايام ما كانت الميج 21 احسن طيارة في المنطقة

**momoneer** · 17-08-2008 04:47 PM

على الاقل مصر حاولت تعمل حاجه والصاروخ اللى من غير توجيه اكيد بعد كام سنه حيكون بتوجيه ولا ايه؟؟

**ENG\AHMED** · 17-08-2008 06:19 PM

المشاركة الأصلية كتبت بواسطة Adham

لا ياباشا مصر معملتش السسنا
السسنا دي برازيلي او ارجنتيني

اللي اتعملت مصري كان اسمها "جمهورية" و هيه برضة شبيههة بالسسنا و دي طيارة تدريب
بيستعملوها لتدريب الهواة
و كانت موجودة لغاية قريب في مطار امبابة للإيجار للهواة و المتدربين قبل الغاء مطار امبابة

بس مش زي ما قال الأستاذ / أحمد علاوي

مصر عمرها ما عملت طيارة نفاثة

هيه الجمهورية تجميع السسنا
و صاروخين فاشلين بدون اجهزة توجية اصلا اسمهم "القاهر" و "الظافر"

معلش اصل والدي طيار حربي سابق من ايام ما كانت الميج 21 احسن طيارة في المنطقة

هى فعلا مصر معملتش طيارة نفاثة (jet engine) بس هو كان المفروض الطبيعى لدولة عملت reciprocating engine (زى موتور العربية) فى الستينات انها تبقى بتعمل jet النهاردة مش لبان وشيبسى !!!
هى كان اسمها القاهرة 300 او حاجة كدة مش فاكر يالضبط

وحتى لو كانوا الصاروخين فاشلين اهو اسمنا حاولنا وعملنا حاجة وخصوصا ظروف البلد كانت زفت ايامها , مش احسن لما النهاردة بنستورد صواريخ العيد من الصين !!!

-

-

الموضوع: رمسيس

LinkBack

أدوات الموضوع

عرض

-

-

-

-

-

-

المواضيع المتشابهه

رمسيس vs فيات

رمسيس vs مينى

من رمسيس الى المعادى

من رمسيس الى برج العرب

المهندسين من رمسيس

الكلمات الدلالية لهذا الموضوع

المفضلات

المفضلات

ضوابط المشاركة