العربيه عطلانه في اكتوبر وانا من اسكندرية .. ساعدوني :s

**hmghamry** · 08-03-2012 12:45 PM

السلام عليكم اخواني الكرام \انا معايا مونديو ٩٨
امبارح وانا باخد يوترن سمعت صوت عالي مع لفة الدركسيون ،، بصيت على قربة زيت الباور لقيتها فاضيه خالص .. جبت زيت باور وفضيت العبوة ومشيت شويه وعملت كده تاني برضو ..

المشكلة اني من اسكندرية وشغال في اكتوبر والميكانيكي بتاعي في اسكندرية وماعرفش حد خالص في اكتوبر رحت لواحد ميكانيكي ورا "علي الدين" اللي بعد فودافون ده اسمه محمد الشرقاوي قالي هات الدركسيون يمين شمال سم ع الصوت قالي علبة الدركسيون بتجيب زيت غيرها او روح اعملها في شمبليون بس هتبوظ تاني ..

رحت لواحد تاني في الحي ال١٢ قالي دي طلمبة الدركسيون بتجيب زيت ! مش عارف ايه طلمبة الدركسيون دي وهل هي علبة الدركسيون ولا لأ ،، المهم قالولي الاتنين دي عفشه وروح عند واحد اسمع دنجل تقريبا وورا مرور اكتوبر ..

رحتله مالقتهوش ولقيت شاب صغير بص عالعربيه وقالي لف الدركسون يمين شمال سمع الصوت دي علبة دركسيون روح هاتلي واحده اركبهالك ،، واحد صاحبي معاه دايو قالي حصلتلي وكانت المشكلة اورسيل حتة جلده كده هي اللي بتجيب زيت وبتتغير ..

دلوقتي انا عايز اعرف الاتي :
١- حد في اكتوبر متخصص في الفورد يشخصلي المشلكة بشكل دقيق ونهائي لاني ما ينفعش اطلع بالعربيه بره اكتوبر لاني بارود زيت باور كل ٥ كيلو تقريبا واحيانا اقل فخراب بيوت

٢- اقدر الاقي فين قطع غيار مونديو في اكتوبر وايه رأيكم في التوكيل وهل اروحله ولا لأ ولو هيكشف بس هياخ فلوس ؟

انا اعصابي بايظه وحاسس اني محتاس ،مش عارف عفشحي كويس ولا عارف ادور فين حته على القطع ومش قادر اصلا اتحرك بالعربيه كتير ولو خدتها على كساحه اسكنديه مش اقل من ٧٠٠ جنيه.. ساعدوني الله يكرمكم

**mohamedkordy** · 08-03-2012 01:38 PM

روح للتوكيل صنايعيه اكتوبر زفت

**hmghamry** · 08-03-2012 07:26 PM

التوكيل اللي في اكتوبر فين ؟

**hmghamry** · 08-03-2012 07:28 PM

انا متفق معك جدا ان صنايعية اكتوبر زفت , وبيحبوا يستكشفوا لو مش عارفين حاجه وكله على حساب عربيتك اجمالا همه شوية صبيان صنايعية لقوا ايجار المحلات رخيص في اكتوبر ومعظمهم من الاقاليم وخبرتهم محدوده جدا

**Ahmed Selim** · 08-03-2012 07:58 PM

المشكلة ممكن يكون ليها أكتر من سبب
1- طرمبة الباور
2- علبة الدركسيون
3- بلف فى الطرمبة
و الأخيرة دى حصلت معايا فى عربية أوبل فيكترا........و غيرت بسببها 5 علب دركسيون منهم واحدة جديدة....و كلهم ضربو تانى...........اللى جابلى الخلاصة كان مركز أوبل معتمد......قصدى بس أفهمك أن التشخيص أهم حاجة عندك.

أنا لو مكانك......هروح التوكيل يكشفو عليها و ياخدو فلوس.........و بعد ما تعرف أيه المشكلة قولهم أنك هترجع يوم تانى تعملها و بعد كده أعملها برة.

**Karim_Monir** · 08-03-2012 08:49 PM

امشي بالعربية من غير زيت باور كانها عادة
وروح مركز تكنو بوش في الحرفيين متخصصين فورد وعندهم قطع غيارها اكتر من التوكيل
وكلم مدير المركز احمد الشحات تليفونة 01001400940
ولو في مشكلة كلمني فورا
01001263030
كريم منير
وكان الله في عونك

**hmghamry** · 08-03-2012 11:39 PM

أستاذ احمد مسعود كلامك ريحني كتير جزاك الله خيرا

**hmghamry** · 08-03-2012 11:41 PM

استاذ احمد كردي, كلاامك مضبوط جدا وانصح عن تجربه ان محدش يتعامل معاهم خالص دول عالم اخرهم يشتغلوا في العربيان النص نقل فضلا عن الملاكي

-

الموضوع: العربيه عطلانه في اكتوبر وانا من اسكندرية .. ساعدوني :s

LinkBack

أدوات الموضوع

عرض

-

-

المواضيع المتشابهه

وانا برفع العربيه بالكرويك وشلت العجل لقيت العربيه وقعت على الارض

على طريق الفيوم وانا رايح اكتوبر

عاجل عاوز اروح العنوان دة في مدينة العبور وانا من اسكندرية

الرجاء المساعده العربيه بطلت ومش عايزه تدور؟!!!!العربيه وانا ماشى بيها لاقيتها مره وا

حاجة حصلت في التمبرا وانا في اسكندرية

الكلمات الدلالية لهذا الموضوع

المفضلات

المفضلات

ضوابط المشاركة