اه انا معاك ان يمكن العربية المره ديه ممكن تكون احسن بس بفرض جدلي طلع فيها مشاكل تقوم تسيب الناس يولعوا وتقفل التوكيل وتروح فاتح واحد باسم جديد وعربية جديدة
وسلام كبير قوي لحماية المستهلك
عرض للطباعة
مما لا شك فيه خصوصا في هذه الفترة أهمية التحقق من مدي مصداقية وجدية الوكيل في صيانة السيارة وتوفير قطع الغيار لها وذلك نصف التفاحة المكمل لجودة السيارة التي يقوم هذا الوكيل ببيعها فما فائدة سيارة بإمكانيات ممتازة وجودة عالية ولا أستطيع صيانتها ؟
لذا لا نري وجود للكثير من السيارت التي أغرقت السوق في بداية دخولها مثل بعض السيارات الصيني ولكن دون دعم من الوكيل لها فآل حالها إلي الزوال ولكن تبقي معاناة كل من إشتراها
تحياتي
بص يا سيدى, أنا بقالى فترة بدور ورا العربية (MG عموماً)
MG-Rover شركة بريطانية فى الأصل اللى كانت زمان بتعمل العربية ال Mini Morris وعربيات تانية أنجليزى عريقة
المهم الشركة واجتها مشاكل واتباعت Rover راحت ل BMW و MG راحت ل SAIC ودى تقريباً أكبر مصنع للسيارات فى الصين وعندهم مصانع فى الصين ومصنع فى إنجلترا
ال MG3 وال MG 350 بيتصنعوا فالصين وال MG 6 بتتصنع فى إنجلترا
وعلى فكرة SAIC تمتلك مصنع فولكس فاجن فى الصين (بيقفلوا الباسات والاوكتافيا) ومصنع جنرال موتورز
القصد, العربية مش من العربيات اللى هيبيعوا كام واحد ويخلعوا من وجهة نظرى دى شركة وأسم عريق سوأ فى إنجلترا أو فى الصين
الحاجة التانية التوكيل هنا تعاقد مع مصنع مرسيدس لمدة ثلاث سنوات عشان يخدوا منهم خط أنتاج يقفلوا عليه ال MG 750
على فكرة أنا مش باشتغل معاهم ولا ليا اى علاقة بيهم, أنا كل الحكاية أنى لسه بايع عربيتى (Suzuki SX4) وبدور على عربية