-
خشوا جاوبونى عن اللوجان
:grin54:معلشي يا شباب شوية اسئلة
اللوجان فيها طبعا ايمو بلايزر متشفرة على مفتحها يعنى وفيها سنتر ريموت بس فى واحد هيجننى فى منتدى تانى ويقولى مفيهاش انذار فهل ده صحيح تانى حاجه عايز اعرف امكانيااااات اللوجان يعنى كل واحد يخش يقول جاااااب بيها سرعة كام :36_1_1[1]: وكانت ثابته ولا لا وربنا يكرمكوا يا وحوش اللوجان
-
اللى اعرفة انها مافيهاش انذار بس فيها ريموت سنتر ..
-
-
بص ياسيدى العربيه فيها اموبلايزر ولكن مفيهاش فعلا انذار فيها سنتر لوك للابواب والشنطه مع بعض
زجاج الابواب مفيهوش وحدات رفع يعنى الريموت اللى فى المفتاح بتاع العربيه مش بيقفل غير قفل الابواب والشنطه معا مالهوش دعوه بالزجاج
اقصى سرعه جبت فيها العربيه كانت 160 كيلو العربيه ماشاء الله ثابته جدا
بس تخلى بالك فى الملفات والمناورات العربيه مش ثابته للاسف
معدل تسارع العربيه الحمد لله تمام يعنى لما تيجى تعدى من عربيه على الطريق السريع هتنجز معاك
صوت الماتور هادى نسبيا بس لما تقفل الزجاج مش هتسمع له صوت خالص
العفشه بتاعتها ممتازه وشديده العربيه بتبهدل معايا فى المطبات وما تقولش لا
الاكسيلتير والفرامل والدبرياج دوستهم ناعمه جدا يعنى مش هتحس بتعب خالص وانت بدوس عليهم حتى مع الدوس المتكرر
غيارات الفتيس بتتاخد بسلاسه ونعومه جدا يعنى مش بعصبيه ولا حاجه حتى وانت دايس دوسه صغيره على الدبرياج مش لازم تدوس على الاخر
العربيه واسعه من جوه ما شاء الله مريحه فى القاعده حتى وانت سايق على مسافات طويله
مش هتحس باى تعب خالص
العربيه عاليه عن الارض يعنى خد اعلى مطب تلاقيه فى وشك وانت مرتاح حتى لو العربيه محمله ولا يهمك
اهم حاجه فى الموضوع ده كله البنزين اقتصاديه جدا فى البنزين تانك العربيه 60 لتر يعنى كل فين وفين هتحط بنزين لو انت مش بتسافر بيها
وفى النهايه الكلام ده من واقع عربيتى لوجان 2012 هاف اوبشن
من الاخر العربيه انا الحمد لله راضى عن ادائها انا بسافر بيها مسافات كبيره جدا مشيت بيها خط القاهره اسوان
ما تقولش لا
المشكله الوحيده اللى فى العربيه السخونه اللى طالعه من عند الدواسات لسه ما شفتش حل ليها
ولو انت ناوى تشترى اللوجان اشترى الفل اوبشن ............
وشكرا وتقبلوا مرورى
-
الف شكر بلاك هورس ربنا يكرمك انتا جبتلى من الاخر
-
اى خدمه ياباشا ولو اى سؤال انا تحت امرك
-
180 على الدائري ما سافرتش لسه بيها
-
السلام عليكم
أنا كنت قرأت من قبل أن اللوجان الأوتو فيها عزل ما بين الكابينه والموتور دا غير عازل الكبوت
ياريت يتم الأهتمام بتوريد المانيوال بنفس التجهيزات
Content Relevant URLs by
vBSEO 3.6.0 PL2