قدامى فورد فوكاس 2007 بـ 66000 ... ارجو النصيحة

فى عربية فورد فوكاس موديل 2007 جميع الكماليات ستيبترونيك طاره مالتى سى دى جنوط ... الخ العداد عامل 75000 كم .... مطلوب فيها 66000 جم

انا معنديش خبرة فى الفورد بالذات .. عمرى ما ركبتها قبل كده ... اللى اعرفه عنها معلومات عامة من النت ..... بس معرفش اية اخبار قطع الغيار والاقيها فين ومراكز الصيانة فين .... الخ ...
لكن انا شايف ان السعر ده قليل شوية على العربية دى .. والواحد قلقان فعلاً ..
يا ريت الاخوة اللى عندهم خبرة فى الفورد فوكاس بالذات ينصحونى باية ؟؟
هل العربية كويسة فعلا ؟ هل المبلغ ده مناسب ولا لأ ؟
واية رأيهم فى العربية عموماً ... واستهلاكها للبنزين .. وتوافر قطع الغيار ... واسعار قطع الغيار عادية ولا مولعة ....... الخ

وشكرا جزيلاً

ارجو من ادارة المنتدى حذف التكرار فى هذا الموضوع .. لأن الموقع كان مهنج عند كتابته ... والتكرار حدث نتيجة خلل فنى ....

وشكراً جزيلاً

فين رجالة فورد حد يرد يا جماعة انا كمان قدامى واحدة وعايز معلومات عنها ضرورى

حتلاقى لينكات كتيره هنا موضحه كل حاجه هيا جيا ولا انهى كاتجورى بالظبط

نصيحه من أخ بجد أبعد عنها هى سعرها طبيعى متستغربش بس قطع غيارها لما بسمعها من تجار قطع الغيار بتجنن بجد نااااار وصعبه جداً ,, هى كعربيه مالهاش حل بس لو تقدر على قطع غيارها يا معلم توكل على الله :) ,, نصيحتى ليك أركب حاجه ألمانى موديل أقدم شويه ولا تركب فورد فى مصر بتكنولوجيا عاليه

ما حك جلدك مثل ظفرك يا اخي العزيز اتعب نفسك وانزل الحرفين وشارع دمشق اسئل علي اسعار قطع غيار الموديل دا واقرء اي موضوع علي منتدي فورد بيتكلم علي الفوكس واسئل اي حد تعرفو او حتي ماشي في الشارع معاة نفس العربية وبعد كل دا صلي استخارة واكيد هتوصل للصح.

السلام عليكم العربيه دى سعرها قليل بسبب تشويه سمعتها لغلو قطع الغيار والمشاكل بس هى قطع غيارها زى الالمانى الاصلى عادى جداً وفى استيراد وهى معمره جداً والعربيه دى بالكماليات دى والمانى والكيلو متر القليل ده تعتبر صفقه السعر ده ميجبلكش ايلانترا 2004 اكشف عليها فى التوكيل وعندك قطب شغال فيها بره التوكيل