***هيونداي الانترا - احسن ما في فئتها - تفوق كوريا علي اليابان اخير ! ***

**tutankhamoun** · 06-06-2008 03:02 PM

اليابان و الياباني كانوا في نفس الموقف من 30 سنة
سيارات جديدة في السوق العالمي و محدش يعرف عنها حاجة و أثبتت نفسها
و كوريا ما شاء الله عليها أثبتت نفسها و بتنتج منتجات كويسة جدا و منافسة لليابان ( اليابان مش قديسة القديسيين ) و مش لوحدهم في السوق و مش هايفضلوا الأفضل إلى الأبد
دي سنة الحياة .......... نا تجتهد تلاقي مقابل لمجهودها زي ما اليابان عملت بعد ما أنهزمت في الحرب العالمية التانية شر هزيمة و أفاقوا و أصبحوا من أفضل الشعوب في العالم في كل شئ
بس مش لوحدهم ...
زي المصريين الفراعنة لما بدأو حضارتهم و كانوا هما المتحضرين بس في العالم و جاء بعدهم الآخرين
هل ده يقلل من حضارة الرومان ........... أو الأغريق ؟؟؟؟؟؟؟
بالطبع لا
أقدم ........... أه
متساوية ............. ممكن ..............
أفضل ............... ممكن حسب المقايسس للمقارنة

يعني لولا إن هيونداي بالذات طورت من نفسها مكنش بقى ليها حجم المبيعات ده في أمريكا
و اليابانيين بيخشوا الكوريين جدا و خايفين لأحسن يزيحوهم من على عرش أكبر المبيعات

و هي دي سنة الحياة
و شكرا يا كريم باشا على موضوعاتك المميزة

بالمناسبة
فيه مواتير هوندا ظهرت في أمريكا بعيوب تصنيعية و أستخدام خامات سيئة في الصناعة مما يؤدي لتشقق في أجزاء الموتور
و أيضا ماركة سوباورا .........
بس عيوب اليابان على قلب الشعب المصري زي العسل
و زي ما بيقولوا ............... مراية الحب عامية

**Chicco** · 06-06-2008 06:04 PM

^^^^^^^^^^
كلامك كله صح يا توت باشا ...كالعادة ...ربنا يبارك لك يا صديقي الفاضل انما ما فيش ناس كتير فكرها متحرر من الأفكار و القوالب المسبقة
بس إنت يعني عايز الكوريين يخدوها بالساهل ...ده لحد النهارده ناس بتقولك الياباني ده أي كلام ....العربيات الياباني كانت هدف للنقد و السخرية لمدة طويلة حتى اثبتت نفسها .....و الكوري في الطريق دلوقت .....و الماليزي بعديه .....لكل مجتهد نصيب ....