لو سمحتم هوة الماروتى موديل 2006 ملهاش فلتر بنزين اصلى جبت واحد والمكنيكى قلى الموديل دة مش بينزل بفلتر
فالو ممكن حد يقلى مكانة او يصورة يبقى افضل
عرض للطباعة
لو سمحتم هوة الماروتى موديل 2006 ملهاش فلتر بنزين اصلى جبت واحد والمكنيكى قلى الموديل دة مش بينزل بفلتر
فالو ممكن حد يقلى مكانة او يصورة يبقى افضل
هههه مين الميكانيكي ده يا باشا هو فيه عربية بتنزل من غير فلتر بنزين
بص يا ريس فلتر البنزين موجود قدام العجلة الشمال اللي ورا ناحية السواق هتلاقيه و داخل في خرطومين
تعمل ايه عشان تغير هيحصل الآتي:
تنك البنزين ميزدش عن النص
تجيب الكوريك و ترفع العربية من قدام شوية عشان البنزين مينزلش لما تفك الفلتر
يكون معاك العدة تفك الافيسات اللي رابطة الخراطيم بالفلتر بس خليك حافظ مكان in و out عشان لما تركب تاني
بعد ما تفك هتركب الفلتر الجديد مع مراعاة طبعا زي مقولت in و out و تربط الافيسات كويس و مبروك عليك الفلتر الجديد
بس انا بالنسبة لي شايف ان الفلتر الفبريكة لن يعوض و مش هتلاقيه تاني
فيه ناس بتقول لو اتنضف يبقي و لا كأنك عملت حاجة
و ناس بتقول عادي لما تنضفه بيشتغل تاني
انا عن نفسي بتبع الرأي الثاني لأني زي مقولت مش هلاقي زي الفبريكة
و نفس الموضوع بالنسبة فلتر الهوا الفبريكة
لو هتشتري فلتر بنزين يبقي الافضل تفكه و تاخده معاك تجيب واحد عليه عشان متاخدش واحد يطلع مش هو و ممكن تشوف اكرم حمدي في شارع دمشق اعرف ان حاجته كويسة و نضيفة بس غالي الي حدا ما
و اي استفسار اتفضل :)
شكرا كتير لحضرتك ولسرعة الرد
مفيش كلام اكتر من اللي اكسيل قاله غير حاجه وتحده
ومترجعش للميكانيكي ده لانه حافظ مش فاهم
هههههههههههههههههههه
بالنسبة لاكرم حمدي بقا الاسعار عنده غاليه بجنون لكن حاجته هي الاقرب للفبريكا
تحياتي