يبقي الاسترا كويسه بقي ...
يبقي الاسترا كويسه بقي ...
طب الاسعار دي رخيصه و لا غاليه؟؟؟
فلتر زيت 65
فلتر هواء 79
فلتر تكييف 129
سير موتور 200
سير كاتينه 370
شداد كاتينه 652
شداد دينامو 700
بكره كاتينه 300
طقم بوجيهات 170
تيل فرامل امامي 510
دي أسعار استرا 2012
أيــــــــــــــه ده يا جدعان؟؟؟!!!!!!
دى أسعار قطع غيار فوكس وأسترا..؟؟!!! متأكدين؟؟
هى فعلا أرخص من ماركات تانى (أوروبى برضه) بكتييييييييييييير.. :duh::duh:
أصلا دى أرخص من قطع غيار أوبل وفورد نفسهم.. الموديلات اللى قبل كده,
Say فوكس وفكترا/أسترا موديلات 2007-2010 مثلا..؟؟؟!! أغلى من كده. :rolleyes:
تجربيتى مع الفلونس والفوكس الفوكس تدى الفلونس بالجزمه ولا مواخزه كفايه الملتى لينك والباور التحفه ولو حطتلها ٩٥ مش حتسدق اداءها عامل ايه على الطريق انا مخيط فليونس -جيتا-فانتازيا على المحور لدرجه ان صاحب فليونس بعد نا بهدلتو غرز اديتو انتظار واستنيتو يعدى من وقفنى وقالى العربيه ديه انتا عامل فيها ايه اكيد هيا مش بتنزل كده بصراحه الفوكس لا غبار عليها واهانه انك تقارنها بالفلونس فما بالك بالالنترا
ههههههههههههههههههههههههه هههههههههه
مستمتع بالمناقشه
اسعار الفوكس 2006 الى 2011 ارخص من كدة كمان
كمثال ( اسعار التوكيل )
- فلتر زيت 42 جنية
- كشاف امامى 700 جنية
- فانوس خلفى 300 جنية
- بوجيهات 90 جنية
- تيل امامى 340 جنية
- تيل خلفى (سكاكين) 370 جنية , (طبلة) 620 جنية
- فلتر هوا 96 جنية
- طقم سير كاتينة ( السير ببلية الشداد ) 600 جنية
- طلمبة مياة 614 جنية
- مساعدين امامى 1500 جنية الاتنين
- مساعدين خلفى 1300 جنية الاتنين
- زجاج امامى 1700 جنية
- طنبورة امامى 370 جنية
- طنبورة خلفى ديسك 325 جنية
- رادياتير 1400 جنية
- دينامو 1300 جنية
وقطع الغيار موجودة برة بأسعار اقل
الللى مدايقنى فى فورد انهم لسا بيحطوا موبيل ١ من ساعه مابقا اتعبا فى مصر بقا زفت
معظم التوكيلات بتحط موبيل زفت مش عيب في فورد خالص
بالرغم من كل اللى قلتوا لو معايا 155 الف حشترى النترا فولى لودد طبعا :satelite:
عربية اوسعهم فى الصالون و انعمهم و اجملهم فى التصميم الخارجى و اقواهم فى الماتور و اكثرهم فى الكماليات و اقلهم سعرا و فيها فتيس 6 سرعات و اقلهم فى استهلاك البنزين و افضلهم فى الاعتمادية و قلة الاعطال بحسب jdpower و خمس نجوم فى اختبارات التصادم و اجملهم فى تصميم الكنسول و العدادات التحفة و ارخصهم فى قطع الغيار و اسهلهم فى البيع. :018A1D~146:
كمان الفنيش بتاع الفولى لودد تحفة يبقى ايه اللى يخلينى اجيب فورد اول فئة بسعرها و مفهاش ربع الكماليات اللى فيها!!!
[QUOTE=devil_storm;3874180546]بالرغم من كل اللى قلتوا لو معايا 155 الف حشترى النترا فولى لودد طبعا :satelite:
عربية اوسعهم فى الصالون و انعمهم و اجملهم فى التصميم الخارجى و اقواهم فى الماتور و اكثرهم فى الكماليات و اقلهم سعرا و فيها فتيس 6 سرعات و اقلهم فى استهلاك البنزين و افضلهم فى الاعتمادية و قلة الاعطال بحسب jdpower و خمس نجوم فى اختبارات التصادم و اجملهم فى تصميم الكنسول و العدادات التحفة و ارخصهم فى قطع الغيار و اسهلهم فى البيع. :018A1D~146:
كمان الفنيش بتاع الفولى لودد تحفة يبقى ايه اللى يخلينى اجيب فورد اول فئة بسعرها و مفهاش ربع الكماليات اللى فيها!!
مع احترامى لراى حضرتك واضح التحيز للالنترا هى عربيه جامده صحيح بس مش للدرجه اللى انت متخيلها وبتوصف فيها .لان العربيه اللى بتنزل بره غير اللى بتيجى مصر سواء فى الكماليات او المواصفات الاساسيه والميكانيكيه ....ومينفعش تتقارن بالعربيات الاوروبى وبالذات الفورد
لان لما الواحد بيشكر فى ثبات المازدا 3 التحفه والعفشه الناعمه بيشبها بالفورد فوكاس وكمان العربيه الفوكاس نازله بمواصفات اساسيه وميكانيكيه افضل بمراحل من الالنترا فولى لوود مثل :
1- موتورDuratec فيه VVT على الكامتين (سحب وعادم) Ti-VCT.. بيطلع 125 حصان.(الالنترا 128 حصان )والحصان الاوروبى غيييييييييييير الكورى.
2- الفيتس الـPowerShift مفيش مقارنة فـ الأداء مع أى فتيس أوتو.فيتيس قمه فى الاداء الرياضى والراحه ومتطور جدا جدا والشركه اللى مصنعاه ومطوراه من اكبر شركات المانيا ولا يوجد به عيوب مثل dsg.وده بيدى الفوكاس سحب وعزم جبار
3- العفشه وما ادراك ما العفشه افضل من المازدا 3 بمراحل فما بالك بالالنترا يعنى قمه الراحه والثبات والتحكم.
4- وعن وسائل الامان فى السياره تأتى فورد فوكس باعلى مستويات الامان حيث تم تزويد كل الفئات بنظام منع غلق المكابح ABS ونظام توزيع قوة الكبح اليكترونيا EBD ونظام المكابح المساعده EBA مع اربع وسائد هوائية بصفة اساسية فى كل الفئات وتزيد الى سته فى Highline.
5- 5 نجوم فى الEuroNCAP . وده المهم والعربيه اللى بتنزل بره بتنزل مصر بنفس المواصفات..
(المشاركه من مجهودى الشخص ولكن بعض الاجزاء مقتبسه من الاخformulator والتفاصيل من اعلان الوكيل فى الجرايد الرسميه ) :wink14::8_8_13::openflower3::openflower3::openflo wer3:
مع احترامى لراى حضرتك واضح التحيز للالنترا هى عربيه جامده صحيح بس مش للدرجه اللى انت متخيلها وبتوصف فيها .لان العربيه اللى بتنزل بره غير اللى بتيجى مصر سواء فى الكماليات او المواصفات الاساسيه والميكانيكيه ....ومينفعش تتقارن بالعربيات الاوروبى وبالذات الفورد
باشا انا مختلفتش معاك ان الفوكس افضل, انا معترف ان الفورد افضل لكن لو بنفس سعر الالنترا!!! انا قولت لو معايا 155 الف حشترى النترا فولى لودد افضل بمراحل من فورد اول فئة اللى فى اخ هنا قال ان الزجاج الخلفى فيها بكر (اول فئة)!!!
يعنى انا بجاوب السؤال ماذا تشترى بمبلغ 155 الف؟؟؟ كمان مدام بنتكلم على سعر 155 الف ( النترا فولى لودد ) يبقى عيب نقول مفهاش وسائل امان و مفهاش abs و مفهاش ايرباجز و جودة التقفيل و ... و.... الكلام اللى مش صح
العربيه الفوكاس نازله بمواصفات اساسيه وميكانيكيه افضل بمراحل من الالنترا فولى لوود مثل :
1- موتورDuratec فيه VVT على الكامتين (سحب وعادم) Ti-VCT.. بيطلع 125 حصان.(الالنترا 128 حصان )والحصان الاوروبى غيييييييييييير الكورى.
معلش اعذرنى بس الكلام دة مش صحيح... انا سوقت الالنترا كتير و سحبها جبار و ال 130 حصان كورى ذى 130 حصان اوربى طبعا... يعنى والله نزلت من الالنترا سوقت فلوينس حسيت انى راكب بطة و فرق رهيب فى السحب بينها و بين الالنترا!!!
على فكرة عايز اقولك ان الالنترا 2012 تخيط الجيتا 2012 ال 2000 سى سى مش 1600!!! طبعا كلامى عن تجربة الجيتا 2000 سى سى بنفسى لما كنت فى قطر, يبقى ازاى تقول الالنترا ال 130 حصان مش بينين فيها!!! انا عن نفسى لما سوقت فلوينس و كروز حسيت انهم 1600 سى سى و لما سوقت الالنترا حسيت انها 2000 سى سى !!!!
انا سوقت كتير هوندا سيفيك - تيدا - فلوينس - كروز - صنى - سيراتو - النترا 2012 و باكدلك ان الالنترا اسرعهم و امتعهم و ربنا يشهد على كلامى.
2- الفيتس الـPowerShift مفيش مقارنة فـ الأداء مع أى فتيس أوتو.فيتيس قمه فى الاداء الرياضى والراحه ومتطور جدا جدا والشركه اللى مصنعاه ومطوراه من اكبر شركات المانيا ولا يوجد به عيوب مثل dsg.وده بيدى الفوكاس سحب وعزم جبار
ممكن يكون فتيس الفود متطور اكتر بس انا عن نفسى بخاف من كدة بعد ما شوفت مشاكل ال dsg كمان فتيس الالنترا ال 6 سرعات رهيب و استجابته عالية جدا و ذكى جدا جدا, و الله تحس انك سايق مانيوال!!! و ده بالنسبالى كافى جدا
3- العفشه وما ادراك ما العفشه افضل من المازدا 3 بمراحل فما بالك بالالنترا يعنى قمه الراحه والثبات والتحكم.
متفق معاك, بس متنساش ان الالنترا قاعدة العجلات فيها اكبر
5- 5 نجوم فى الEuroNCAP . وده المهم والعربيه اللى بتنزل بره بتنزل مصر بنفس المواصفات..
الالنترا الفولى لودد فيها وسائل امان ممتازة جدا للسوق المصرى و العربى, اما ال esp ملوش اى لازمة فى مصر لانه اساسا للبلدان اللى فيها جليد... ال esp فى مصر ذى سخانات الكراسى فى دول الخليج!!!!
العفو يا فندم انا مقولتش كدا هوا عامه نفعنى مرتين ملف اكتوبر بتاع المهندسين كان فى حاجه على الارض وكنت ماشى بسرعه والعربيه عدلت نفسها باسات ٢٠١٠ والمره التانيه بس فى البانيله clk وكان فى مطره جامده اوى. وكنت عايز الحق مشوار والعربيه ملفتش خالص منى رغم سرعه شديده والملفات الخطره جدا علشان طريق فى الجبل حارتين رايح جاى طولو ١٠٠ كيلو والطبيعى بتاخدو فى ٥ ساعات فلك ان تتخيل الطريق عامل ازاى وكنت بسوق الاكس تريل مفيهاش esp ومع اقل حاجه فى الطريق دا بتروح منى
111111111
اخى العزيز الاستاذ devil_stormانا لو ممعييش تمن الفوكاس هجيب الالنترا برضه لانها عربيه جامده جدا بس الفكره فى العربيات الاوروبى عامه والفورد خاصه انها عربيات بتدور اولا على الامان والراحه ثم بعد كده السرعه ومش معنى كده انها بطه اوى ولكن بالنسبه لوزنها ممتازه فى الجرى العربيات الاوروبى وزنها تقيل سواء الفلونس او الفانتازيا او الفوكاس فهى بتاخد وقتها فى الجرى كلها فرق كام ثانيه وربنا يستر بس بعد ال 100 طياره وكفايه انك تكون جايب 190 وانت مطمن انك هتعرف تقف او تناور اوتتحكم فى العربيه وان عربيتك ثابته وفى رأى ان ده اهم حاجه فى العربيه وعلشان تركب عربيه فيها كل ده فمش خساره فيها 170 الف وده سعر الفئه اللى فيها كماليات ممتازه :Bravo::Bravo:
باشا انا متفق معاك تقريبا فى كل اللى قولته بس انا يهمنى حجات كتير فى العربية اهم من ثباتها على 190
يعنى انا يهمنى الحجات اللى بستخدمها يوميا فى العربية ذى الاوبشن و الكماليات, يهمنى الاعتمادية و قلة الاعطال, يهمنى وسع الصالون و شكل الكنسول و اضائة العدادات, يهمنى وسائل الامان و شكل السيارة الجذاب, يهمنى هدوء الماتور و نعومة السيارة, يهمنى جودة خامات الصالون و يهمنى خدمة ما بعد البيع و سمعة التوكيل, يهمنى سهولة الصيانة و انتشار مراكز الخدمة و توافر قطع الغيار و رخصها, يهمنى سهولة بيع السيارة و سعر اعادة البيع, يهمنى استهلاك البنزين و يهمنى هدوء الصالون و العزل, يهمنى قوة التكييف
يهمنى تسارع السيارة و ثباتها لحد 140 و بس ... اما اقص سرعة للسيارة 200 ولا 250 فلا يعنينى فى شىء و لا يهمنى ثبات السيارة على 190 او حتى 290!!!! لان ببساطة شوارع المحروسة مينفعش فيها اكتر من 140 و تكون مطمن و انت سايق!!! كمان انت بتمش على السرعة دى كل اد اية!!!
علشان كدة انا قولت لو معايا 155 الف اجيب النترا فولى لودد... لانها ببساطة حتدينى كل اللى عايزة من العربية و باقل سعر و جودة عالية... العيب الوحيد اللى شايفة فى الالنترا هو الصاج الضعيف و الدهان النص كم اللى بيخلي شكلها متبهدل فى سنتين ثلاثة!!!!
انا بداية أحب بس أمسي على devil_storm باشا ... لإني كنت لسه برد عليه حالا في موضوع تاني و لما دخلت هنا لاقيته برضه ... بالراحه علينا يا عم إحنا مش هنعرف نسد معاك كده ...
أنا كنت أبديت رأيي مرة في الموضوع ده و قولت فوكس أولا ، ثم فليوانس ، ثم إلنترا ..
أنا حبيت أضيفلكم تقييمات ممكن تساعد شوية برضه في الاختيار .. دي تقييمات موقع توب جير المشهور و الأول على مستوى بريطانيا و أوروبا في التقييمات ، و أعتقد على مستوى العالم ..
المشكلة إني مالاقيتش عليه أبدا الإلنترا بتاعتنا .. فقولت أجيب الفوليستر من الهيونداي على اعتبار إن موتورها أشد و كمالياتها كمان زي الإلنترا الفولي لودد و ثباتها المفروض أعلى كمان .. و ده تقييم الفوليستر :
Hyundai Veloster expert car review verdict - BBC Top Gear
خلاصة الكلام واخده 5 من 10 في كل الحاجات ( أكيد رقم 6 اللي على الصفحة الرئيسية اتكتب غلط لإن كل التقييمات 5 ) المهم يعني في الثبات و الأداء و الخامات و الراحة و كل حاجة 5 من 10 و التقييم مكتوب بالتفصيل .
نيجي للرينو .. برضه ماعرفتش ألاقي خالص الفليوانس .. فقولت أجيب الميجان على أساس إنها توأمها مع إن فيه ناس كتير بتقول الفليوانس أفضل من الميجان .. لكن خلينا نشوف المتوسط برضه :
Renault Megane expert car review verdict - BBC Top Gear
واخده أعلى من الفوليستر في الأداء خدت 6 ، و كمان في الـ running costs خدت 9 من عشرة ( واو ) ، و كمان في الشكل الخارجي خدت تقييم أعلى 6 من عشرة.
نيجي بقى للوحش .. الفوكس .. و جيبتلكم طبعا أقل فئة في الفوكس على الموقع :
Ford Focus expert car review verdict - BBC Top Gear
مكتوب كده بالبنط العريييييييييض هي أعلى العربيات مبيعات في بريطانيا ( ركزوا على النقطة دي علشان كان فيه حد بيقول إنهم في لندن كلهم راكبين كوري ) و في التقييمات طبعا واخده أفضل من الفليوانس و الفوليستر في كل حاجة تقريبا من الأداء و الثبات و الخامات و الراحة و الاعتمادية .. ماعدا طبعا الـ running costs الفليوانس تتفوق برضه.
------------------------------------------
ده مش كلامي يا جماعة .. أنا بس كنت لاقيت الحاجات دي بالصدفة و حبيت أشارككم بيها ..
الإلنترا على راسي من فوق ... بس مافيش ولا تقييم أوروبي لاقيته بيخليها تبقى أعلى من الفوكس أو الشارك أو المازدا أو الفليوانس أو الهوندا .....
مش معنى كده إنها ماينفعش حد يشتريها ..لا .. أنا أشهد إن سحبها مفتري .. و كماليات جميلة جدا و شكلها جميل .. و كمان قطع غيارها رخيصة و منتشرة و سعر إعادة بيع كويس ... لكن كل واحد و ليه عربيته ... و اللي ممكن يستغنى عن سعر إعادة البيع و قطع الغيار و الانتشار ماعتقدش إن الإلنترا هتكون اختيار مناسب ليه .. و ده رأيي الشخصي بكل حيادية.
ايه اللي حط الفوكس مع العربيات ال local دي :)
انا بقى لى فترة أقرأ التقييمات الخاصة بكل الأنواع اللى عندنا ولقيت ان لازم أشارك باللى قراته
اولا علشان نقيم تقييم مطلق يبقى بنضحك على نفسنا لأننا بنسوق السيارات دى فى شوارع مصر الحبيبه وعلشان كده فيه عناصر لازم تؤخذ فى الأعتبار مش موجودة فى التقييمات مثل خلوص السيارة على الأرض ونوع البنزين المستخدم وأيضا عملانية السيارة لأن فى اوروبا كل واحد معاه سيارته الخاصه لكن عندنا بتجيب سيارة عاوزها عائليه وشبابيه ونصف نقل كمان فى نفس الوقت كمان مهم قوى الوكيل عندنا غير عندهم بالطبع , وسعر اعادة البيع أيضا مهم وغير عندهم خالص وعلشان كده لازم نقييم السيارة بالنقاط المهمة عندنا احنا بالأضافة للنقاط اللى عندهم هما وبالتالى النتيجة كالأتى:
نقاط المقارنة
1- الأرتفاع عن الأرض الفلوينس تكسب ثم الفوكس وأخيرا الألنترا
2- البنزين ونوعه الألنترا الوكيل ثم الفلوينس وأخيرا الفوكس لأنها 95 بس
3- الوكيل الفلوينس ثم الفوكس وأخيرا الألنترا
4- أعادة البيع الأنترا ثم الفوكس والفلوينس واحد
5- العملانيه الفلوينس تكسب ثم الفوكس ثم الألنترا وده راجع لشكل الشنطه فتحتها ضيقه
6- الثبات الفوكس ثم الفلوينس ثم الألنترا وده بتجربة السنين اللى فاتت
7- الخامات الفوكس الألنترا ثم الفلوينس
8- الموتور كقوه الفوكس ثم الألنترا ثم الفلوينس
9- استهلاك البنزين الفوكس ثم الألنترا وبعدين الفلوينس قريبه جدا منها
10- الوسع الداخلى الفلوينس ثم الألنترا ثم الفوكس وبتكلم عن ورا وقدام
11 - التقفيل الثلاثه قريبين من بعض لكن تقفيل الفوكس اقل مما كنت اتوقع
12 - الأعتمادية الألنترا خدت نمره واحد فى امريكا ثم الفوكس ثم الفلوينس
13- النعومة فى القيادة والعزل الفوكس ثم الفلوينس ثم الألنترا وبفوارق بسيطه
14- الصاج الفوكس اقوى ثم الفلوينس ثم الالنترا
أرجو منكم الان التفاعل معى وأضافة نقاط أخرى تكون فاتتنى وانا ارد عليكم فيها ومصادرى فى كل اللى قلته مواقع مثل whatcar ,Jdpower , Topgear وغيرهم وانا شايف ان كل واحد ممكن يأخد عريبيه حسب دماغه يعنى لو بتفكر فى سعر البيع يبقى ألنترا ولو بتحب الشكل الداخلى الفخم يبقى الفوكس ولو عاوز اوبشنز بسعر معقول يبقى الفلوينس وكلهم عربيات حلوة و معمول فيها شغل جميل
مضطرر اتركم للصلاه
أنت عايز رأي الناس هنا في مصر و لا عالميا ..
لو رأي الناس هنا في مصر .... هاتكون الالنترا طبعا لأن المعيار هايكون نسبة المبيعات و ليس التقييم الفني
لو عايز تقييم مظبوط و علي أساس .... برضه هاتكون الألنترا لأنها بالفعل الاولي في التصنيف في امريكا و أوروبا متقدمة علي الفورد و فولكس فاجن
معاك بس مش لدرجة التفوق على فورد وفولكس
بص دي جوايز الجولف الجيل الحالي
2009 World Car of the Year [25]
2009 Euro NCAP Safest Car of the Year [26]
2009 Best performance car under $60,000 (GTI) (Australia)[27]
2009 Yellow Angel (Germany)
2009 Auto Motor and Sport Readers’ Best Car (Germany)
2009 Wheels Car of the Year (Australia)
2009 What Car? - Best Small Family Car (Great Britain)
2009 International Engine of the Year (1.4 TSI) [28]
2009 Green Engine of the Year (1.4 TSI) [29]
2009-10 Japan's Import Car of the Year
2010 Continental Irish Car of the Year - Best family car.
2010 Automobile Magazine - Car of the Year (GTI) [30]
2010 Canadian Car of the Year
2010 What Car? - Best Small Family Car (Great Britain)
2010 South African Car of the Year [31]
2010 Fleet News - Company Car of the Year [32]
2010 World Green Car (BlueMotion) [33]
Kelley Blue Book included the VW Golf TDI (clean diesel) among its Top 10 Green Cars for 2010.[34][35]
2010 Top Gear magazine-Hot Hatch of the year (Golf R)
2011 What Car? - Best Small Family Car (Great Britain)
2012 What Car? - Best Small Family Car (Great Britain)
تقييم موضوعي جدا و عملي و لو أني معترض فقط علي نقطة الثبات لن معايا الألنترا و مش حاسس بأي مشاكل في الموضوع ده و حكمي عليها قائم علي تجربتي و خبرتي السابقة بتويوتا (ياريس - كورولا جنوب افريقي - كورولا ياباني) لمدة تقارب ال 4 اعوام
أقدر أقول لك أن الالنترا تكاد تكون مقاربة للكورولا مع فروق فنية بسيطة لكن فرق سعر كبير و ده اللي خلاني أختار الالنترا و حضرتك حكمت من خلال الموديلات السابقة مع أنها مختلفة
بالاضافة الي ماسبق أود أن أضيف النقاط التالية :
- قطع الغيار (من حيث توافرها و سعرها) : ألنترا - فلوينس - فوكس
- سعر أعادة بيع : ألنترا - فلوينس - فوكس
متابع
بسم الله الرحمن الرحيم
بالنسبة لل فورد فوكاس (وذلك عن تجربتى ) هى من افضل السيارات الموجودة فى السوق المصرى. وهى كانت معايا من ٢٠٠٩ الى ٢٠١٣ مشيت بيها ١٣٠ الف كم السيارة بسم الله ما شاء الله
بالنسبة للثبات رهيب من الممكن ان يكون مثل او افضل من الجيتا
بالنسبة لقطع الغيار. متوفرة داخل و خارج التوكيل و أسعارها مثل باقى السيارات الالماني
بالنسبة للتسارع انا كنت بجرى مع اوكتافيا مثبتين طول الطريق وبعدين الفوكاس طلعت بعد ال ١٨٠
بالنسبة للعفشة هى ناشفة شوية بس دا عادى لانها عفشة رياضية وكمان وانت سايقها هتحس انها بتمتص اي حفرة او نؤرة بشكل ممتاز لدرجت انك ما تحسش بيها
بالنسبة لعزل الصوت. جيد جداً
بالنسبة لارتفاعها عن الارض. مثل ال أوكتافيا
بالنسبة للوكيل محترم جداً و نظيف
بالنسبة لسعر اعادة البيع. انا بيعتها ب٩٠ الف و هى ماشية ١٣٠ الف كم. يعنى سعر اعادة البيع جيد جدا
العربية دى متتقارنش الا ب اوكتافيا و جيتا و تتفوق عليهم فى بعض الاشياء و ذلك عن تجربة
أسف على الإطالة