خبطه فى اللوجان بعد 1000 كيلو والحمد لله محتاج رايكم

سلام عليكم

انهارده عملت حادث بس الحمد لله عديت على خير ونتج عنه ان طلاء الاكصدام من نحيه اليمين طلع والفيبر بتاع الفوج لايت اليمين برضه اتكسر والطاسه اليمين اتكسرت والرفرف اتجرح

روحت التوكيل هنا فى شرم الشيخ قالى الاكصدام لازم يترش بس انا مأمن قالى ممكن تغير اكصدام والطاسه اليمين ونرودلك الرفرف على البارد وان شاء الله مش هتبان

ايه رايكم هل اغير والا ايه وانا مأمن تبع مصر للتأمين ياريت لو حد عنده خبره يعرفنى الخطوات بتبقى ايه فى الحاله دى علما انى لما كلمت مدير المصريه للسيارات فرع المنصوره قالى الحادث اللى اقل من 5000 مفيش محضر شرطه مطلوب

فى انتظار نصيحتكم والحمد لله على كل شىء

يا ريت لو حد عنده اى خبره ووقت ميبخليش عليا فى النصيحه والرد لانى معنديش اى خبره فى المواضيع دى ومحتاج رايكم ضرورى

شكرا

خيرا يا اخي

طهورا ان شاء الله

معنديش خبرة الصراحة
لكن دخلت اقولك قلبي معاك
بتحصل

اولا حمدلله على سلامتك .. قدر الله وما شاء فعل .. قول الحمدلله انك سليم وبخير ..


ثانيا احب اطمنك ان الموضوع بسيط و مايستاهلش قلق
انت اول حاجه هاتطلع على شركة مصر للتأمين الفرع ال انت تابع له .. تبلغهم ان العربية اتخبطت .. هايطلعوا معاك مهندس يشوف الخبطه و يصورها عشان يشوف حجم الضرر .. بعد كده هايقولك روح التوكيل اعمل مقايسة .. هاتروح التوكيل تعمل مقايسة و هما يشوفوا تتكلف كام و يدولك مقايسة بالمبلغ ترجع بيها لشركه التأمين وتديها للمهندس .. هايقوم المهندس يتفاوض مع التوكيل ف الحاجات اللي تترش والحاجات اللي تتغير والتكاليف (انت مالكش دعوة خالص) لحد مايتفقوا و التوكيل يبتدي يصلح العربية .. بعد انتهاء التصليح هاتروح تحاسب التوكيل وتاخد الفواتير ترجع بيها لشركه التامين يطلعولك بقيمتها شيكات بعد خصم نسبه التحمل الاجباري (يعنى التوكيل هايحملك 10% من تمن التصليح ) .. بس دي كل القصة

ولو انى ليا رأي تانى ف القصة دي .. انت تشوف سمكري شاطر توديله العربية و تشوف ان كان فيه اي حاجه لازم تتغير اشتريها من التوكيل وخليه يركبها وده هايكون اوفر بكتير و فيه ناس كتير كويسة منها ورشه العقيد خالد و ورشة الاخ كريم منير

الحمد لله
فداك يمكن عين المهم خدت الشر وراحت
المهم ان العربية ما تحسش بيها بعد الحادثة
لان كل اللى حصل فيها ما ياثرش على اتزانها وثباتها
كلها حاجات من بره وده كله مقدور عليه
والف سلامة

اقتباس:

---

المشاركة الأصلية كتبت بواسطة wassim_nasser

اولا حمدلله على سلامتك .. قدر الله وما شاء فعل .. قول الحمدلله انك سليم وبخير ..


ثانيا احب اطمنك ان الموضوع بسيط و مايستاهلش قلق
انت اول حاجه هاتطلع على شركة مصر للتأمين الفرع ال انت تابع له .. تبلغهم ان العربية اتخبطت .. هايطلعوا معاك مهندس يشوف الخبطه و يصورها عشان يشوف حجم الضرر .. بعد كده هايقولك روح التوكيل اعمل مقايسة .. هاتروح التوكيل تعمل مقايسة و هما يشوفوا تتكلف كام و يدولك مقايسة بالمبلغ ترجع بيها لشركه التأمين وتديها للمهندس .. هايقوم المهندس يتفاوض مع التوكيل ف الحاجات اللي تترش والحاجات اللي تتغير والتكاليف (انت مالكش دعوة خالص) لحد مايتفقوا و التوكيل يبتدي يصلح العربية .. بعد انتهاء التصليح هاتروح تحاسب التوكيل وتاخد الفواتير ترجع بيها لشركه التامين يطلعولك بقيمتها شيكات بعد خصم نسبه التحمل الاجباري (يعنى التوكيل هايحملك 10% من تمن التصليح ) .. بس دي كل القصة

ولو انى ليا رأي تانى ف القصة دي .. انت تشوف سمكري شاطر توديله العربية و تشوف ان كان فيه اي حاجه لازم تتغير اشتريها من التوكيل وخليه يركبها وده هايكون اوفر بكتير و فيه ناس كتير كويسة منها ورشه العقيد خالد و ورشة الاخ كريم منير

---

المشكله انى مقيم فى شرم وللاسف هنا الطريقه الوحيده لتصليحها هو مركز خدمه معتمد وهو فعلا عمالى مقايسه وبعتها لشركه التأمين بقالى اسبوع ومستنى رد منهم

اقتباس:

---

المشاركة الأصلية كتبت بواسطة wael30003

الحمد لله
فداك يمكن عين المهم خدت الشر وراحت
المهم ان العربية ما تحسش بيها بعد الحادثة
لان كل اللى حصل فيها ما ياثرش على اتزانها وثباتها
كلها حاجات من بره وده كله مقدور عليه
والف سلامة

---

الحمد لله وقدر الله وما شاء فعل

اقتباس:

---

المشاركة الأصلية كتبت بواسطة batmancib

المشكله انى مقيم فى شرم وللاسف هنا الطريقه الوحيده لتصليحها هو مركز خدمه معتمد وهو فعلا عمالى مقايسه وبعتها لشركه التأمين بقالى اسبوع ومستنى رد منهم

---

طالما عملك مقايسة وبعتها شركة التامين
ايه فائدة سؤال المنتدى بالرغم من معرفتك الاجراءات

اقتباس:

---

المشاركة الأصلية كتبت بواسطة wael30003

طالما عملك مقايسة وبعتها شركة التامين
ايه فائدة سؤال المنتدى بالرغم من معرفتك الاجراءات

---

انا عملت المقايسه بعد الحادث ب 5 ايام تقريبا لما الناس تأخرت عليا فى الرد هنا واللى جاوبنى احد الاخوه هنا كلمنى على الاميل وعرفنى الاجراءات ازاى بس مش اكتر لكن انا اكيد مكتش اعرف اجراءات الموضوع ازاى خصوصا ان دى اول عربيه ليا واول مره اامن وشكرا يا باشا على ردك