بالصور الجيل العاشر من نيسان صني 2012 الجديدة كليا

**lonedoctor** · 11-03-2012 12:39 AM

المشاركة الأصلية كتبت بواسطة maserati

السلام عليكم و رحمة الله و بركاته

التصميم زبااااااااااااااااااالة بشكل لا يصدكه عكل, بعد اذن الست شويكار !!!!!

فى الزمن, اللى فيه عربيات بتوصل السما و عربيات بتوصل لسابع أرض فقط بسبب التصميم, تيجى نيسان و تصمم الهم النااااااااااااااائع ده !!!!!

ماكانوش عارفين يقلدوا الالنترا الجديدة و لا يسرقوا تصميم السيراتو حتى؟؟؟!!!!!

تحسس أن اللى صمم العربية دى كان بيصمم غسالات ايديال الحلة قبل كده, تحس أنه مش فى الدنيا, كأنه قاعد على حرف طبق طحينة و مدلدل رجليه.

والله انت زى العسل

**mohaismail** · 11-03-2012 12:50 AM

العربية بتتجمع دالوقتى فى مصر وهتطرح للسوق المحلى رسميا فى اوتوماك اخبار اليوم القادم ده كلام التوكيل انهاردة وانا بشترى فلتر تكييف
اعتقد هتفشل فشل ذريع

**Dr'AhmZZong** · 11-03-2012 12:57 AM

يعني عربية تفشل عشان شكلها وحش .. ديه حاجة غريبة فعلاااااااااااااااااااا ..

حتى لو شكلها وحش .. كفاية إنها ياباني .. و محققة مبيعات تحفة في امريكا .. مع إن عندهم عربيات من أحلى العربيات في العالم شكلا ..

يا جماعة نفسي نتحرر من موضوع الشكل داااااااااااااااااااا

**crayvor** · 11-03-2012 01:22 AM

المشاركة الأصلية كتبت بواسطة zeznia

ياجماعه كل شيئ بتمنه
استنوا لما نشوف سعرها كام وبعد كده نحكم
واعتقد السعر مش هيزيد عن الحالي

حدد انهي "سعر حالي".. مافيش حاجة ف مصر سعرها ثابت.
الصني ال ex القديمة حاتبقي زي ما هي.. ال super salon حاتنزل بدالها الجديدة.. يعني بالميت أوي الصني الجديدة مانيوال حاتبقي بسعر الصني السوبر صالون الحالية.. يعني تقريبا 105 ألف أو حاجة كدة.

**MaZaGAngeE** · 11-03-2012 02:50 AM

105 سعر معقول مع ان العربية شكلها صيني خالص و ممكن نشيل علامة نيسان و نحط ام جي او جاك و هتبقى لايقة اكتر من نيسان على العربية

**Ahmed_selmy** · 11-03-2012 03:09 AM

شكلها جامد جدى

**CryptonX** · 11-03-2012 10:37 AM

المشاركة الأصلية كتبت بواسطة Ahmazong

يعني عربية تفشل عشان شكلها وحش .. ديه حاجة غريبة فعلاااااااااااااااااااا ..

حتى لو شكلها وحش .. كفاية إنها ياباني .. و محققة مبيعات تحفة في امريكا .. مع إن عندهم عربيات من أحلى العربيات في العالم شكلا ..

يا جماعة نفسي نتحرر من موضوع الشكل داااااااااااااااااااا

ومين قالك اننا متححرناش ؟

امال الصني و الفرنا و الانوس و الاسبرانزا بيبيعوا ازاي ؟ هي دي تصميمات اصلا ؟ (مع احترامي لملاكها انا بتلكم على الشكل الخارجي فقط)
بس بيبيعوا علشان اسعار اقتصادية ! و موديلات قديمة و عتيقة في بعض الحالات !

انما متجيش في 2012 لما كل الشركات بتتباهى بتصميماتها و حتى السيارات الكورية بقت بتصمم احلى من الياباني و الاوروبي في بعض الحالات !

و تيجي شركة عربقية زي نيسان تعمل الباكابورت ده :)

طب انا راضي ذمتك ... انا معجب جدا بالتيدا الجديدة ... هل الي صمم دي ... يقرب لدي ؟
http://www.mundoautomotor.com.ar/web...an-tiida-0.jpg

ازاي اتحرر من موضوع الشكل ؟؟؟
دنت اول حاجة بتلفتك للعربية هي الشكل ! و بعديت تبتدي بمخك تحلل بالمنطق .. انهي اوفر انهي احسن اعتمادية الخ الخ الخ ...

مثال بسيط خارج نيسان ؟ شفت السيفيك الجديدة ؟ شفت بكام ؟ حتبقى عاملة زي موديل 2005 كدة ... حتبيع 10 عربيات في مصر كلها بالكتير مع ان الي قبلها مكانش ارخص اوي (175) بس شوف منتشرة ازاي و دي ازاي ...

**engamoor** · 11-03-2012 09:45 PM

يا جماعة العربية دي فعلا اقل عربية بتنتجها نيسان وفعلا فئة السيتي يعني تقارن بالياريس ومازدا 2 وخش على موقع تويوتا او نيسان واعمل مقارنة هيديك نيسان versa vs yaris
وcorolla vs sentra
يعني دي اقل عربية لنيسان يعني عربية السيتي واحنا اللي بنقارنها بالكورولا والانسر