المشاركة الأصلية كتبت بواسطة zokla
بص يا باشا لو هتجيب فيورا 127 يبقى لازم تاخد بالك من 3 حاجات
اولا الموتور يعنى تكون حالته كويسه و دى ميكانيكى واثق فيه هيحلها لك
ثانيا العفشه لازم تكون مش متبهدله اوى كاساسيات مثلا زى علبتين الشاسيه والمقصات والبيض بتاع المقصات و كده بقى يعنى وبرضه الميكانيكى هيفيدك فى دى
ثالثا و بصراحه دى الاهم بالنسبه ليا من ايام ما كنت معايا العربيه دى الصالون من جوه صدقنى صالونها لو مش عجبك هتكرها اوى
بالنسبه للعربيه over all جميله جدا فى المشى و استهلاك البنزين حاجه ببلاش كده
بالنسبه للعيوب زى اى عربيه كربراتير عادى خليه دايما نضبف فلتر الهوا حاجه مهمه جدا و كل 20 الف غير بوجيهاتك و سير الدينامو و الابراتين و الكوندنسر او كل 4:6 شهور ايهما اقرب ضبط دوره التبريد فى نص الصيف عند واحد بتاع راديتيرات بيفهم و كده ان شاء الله ميبأش فيها مشاكل تانى و ربط عفشتك تمام و زبط الدنيا فى الزوايا
نصيحه من اخ غير الكويتش و هات مقاس اعرض شويه و متوطيش العربيه من العفشه او الكوتش
ده كانت قصه حياتى مع 127 و الله الموفق
و ربنا يباركلنا فى عربيتنا و يكفينا شرها