يا جماعة عايز أعرف لو عربيتك عطلت وهى أتوماتيك ستبترونيك عادى إنك تسحبها ولا دا مش صح
ونفس الكلام لو عربيتك مانيوال هل دا يؤثر على العربية تأثير سلبى ؟
عرض للطباعة
يا جماعة عايز أعرف لو عربيتك عطلت وهى أتوماتيك ستبترونيك عادى إنك تسحبها ولا دا مش صح
ونفس الكلام لو عربيتك مانيوال هل دا يؤثر على العربية تأثير سلبى ؟
لا ينصح بجر العربية مسافة كبيرة سواء اوتوماتيك او مانيوال
في الاوتوماتيك هتخليها على n و تجرها
المشكلة ان قطر عربية في حد ذاته شيء خطر وغلط على العربيتين ..
أنا عارف إنك لازم تجيبها على n لأن غير كدا مينفعش لان التروس معشقة ولكن ليه غلط جر السيارة عامة سواء مانيوال أو أوتوماتيك ؟ بيأثر على إيه ؟
متابع
هات الغيار على ال n
و اياكش تسافر بيها و هى مقطوره
بس هقولك على حاجه ده بيأثر على اسطوانه العربيه اللى بتشدك
و لو انت اتوماتيك لو الدنيا قامت و قعدت متجرش عربيه ابدااااا لانك هتبوظ الفيتيس بتاعك
لكن لو عايز حد يجرك هات ال n و مع نفسك اى مسافه انت عايزها
تحياتى ليك
^_^
باشا طالما العربيه اتعملت فى وضع ال n يبقى الفتيس مفصول عن العجل خااااااالص
و ده هيخليك تجر العربيه براحتك جدااا
لكن فى العربيات المانيوال الجر بيبقى غلط على الاسطوانه
لكن فى الاوتو اوعا تشد بيها عربيه علشان الاربه ممكن متستحملش الشد و تبوظلك الفيتيس كله
الاوتو اوعا تقطر بيه عربيه ولو كان فيها ايه ولا بتاعت مين خليها حلقه فى ودانك
و نصيحه من اخ اصغر ليك
تحياتى ليك
^_^
+111111111111
وطبعا عشان ميبقاش الكلام فيه لبس ، التأثير على الاسطوانة في العربيات المانيوال بيكون للعربية القاطرة مش المقطورة
----------
يعنى من الاخر
لللعربية القاطرة بيأثر على الاسطوانة في المانوال وعلى الموتور كمان لو كان خفيف + بيدمر الفتيس الاوتوماتيك في العربية الاوتوماتيك
للعربية المقطورة مفيش اي مشاكل في المسافات القصيرة اللى مش على طرق سواء مانيوال او اوتوماتيك وفي الحاتين هتكون العربية ممورة او على n مع ملاحظة ان في بعض كتالوجات العربيات بيبقى مكتوب اقصى مسافة مسموح بيها للجر
الخطورة في المسافات والطرق خطورة سواقة ومواقف اكتر ما هى خطورة على اجزاء معينة في العربية :
* اهمها انك صعب تتحكم في الفرامل ( عربيتك مبطلة والسيرفو مش شغال فالفرامل تقيلة جدا ، العربية اللى بتشدك لازقة فيك اصلا ويا اما يقف فجأة ويلبسك فيه يا اما رد فعله يكون بطيء عشان عامل حسابك فالنتيجة تكون انه هو اللى يلبس في اللى قدامه يا اما وانت بتفرمل معاه عربيتك تقف اسرع والحبل يتشد جامد ويتقطع ، وتقفوا في نص الطريق وعد بقى الاخطار اللى انت بقيت فيها .. )
* انت قاعد في عربيتك مرعوب ، العربية اللى قدامك ماشية بسرعة معينة بناءا على اللى هو شايفه قدامه ، انما الظروف عندك بتختلف ، ممكن تلاقى نفسك اتزنقت بين تريلتين مثلا والموقف محتاج منك يا اما تهدى يا اما تقرص وفي الحالتين مش هتعرف تتصرف وهتستنى نصيبك ..
* ما تعرفش ظروف اللى بيشدك ايه ، لأن السواقة في الظروف دى ليها قواعد اضافية وتصرفات تعتبر عادية في السواقة العادية بس ممنوعة في حالة انه بيشد عربية ، فما تضمنش هيكون عامل حساب الحاجات دى ولا لا
مثلا مينفعش يغير حارته لانه عمره ما هيكون شايف العربية اللى وراه والعربية اللى بيشدها والعربية اللى ورا العربية اللى بيشدها في نفس الوقت