عرض للطباعة
اثناء فك البوابه لتنظيفها اتكسر الجوان الى كام جزء
فهل هذا الجوان يباع وشكرا
وسؤال اخر حاولت افك طارة الدريكسيون ولم استطيع لاننى عندما احرك الدريكسين يمين اوشمال بسمع صوت رايش مكسور وعايز اشيله وفكيت صامولة الوسط وخبطت علية يمين وشمال ولكن لم يتحرك من مكانه فى العمود برجاء الافاده وشكرا
الجوان مش عارف بيتباع والا لأ بس ممكن تروح لاي واحد بيعمل جوانات وهيعملك زيه بالظبط
بالنسبه للطاره بتتفك بزرجينه مش يدوي وبلاش فكها احسن
صوت الرايش ده او الحكه حله بسيط جدا تفك الجزء البلاستيك الي ورا الدركسيون
عن طريق فك المسمارين والشد لفوق
وتجيب حته شحم بسيطه وتحطها علي النحاسه الي في ضهر الطاره وتلف الطاره
وتركب الفبره تاني وتربط مساميرها ومش هتلاقي الصوت ده تاني
بلاش موضوع تفصيل الجوان ده لان الي بيفصلوا جوانات بستحدموا اما الجنجريت او ورق الفكتوريت ومتهيالي دول مش هيبقوا تمام حاول تجيب واحد جديد حتي لو من التوكيل او استعمال الخارج افضل
حصل معايا نفس الموضوع و انا بنظف البوابة اتكسر الجوان نصين اخدت البوابة معايا والجوان ورحت الحرفيين عند واحد بيفصل جوانات اسمة مارينا عملة ب 5 جنية واحسن من القديم كمان ولو فى حد جنبك بيفصل مفيش داعى تروح الحرفيين الموضوع بسيط وخلية يعملك جوانين عشان الجوان دة مع السخونة بينشف وريح دماغك
معتقدش ان مفيش حاجه فى اللانوس موش بتتباع
اكيد ان شاء الله هتلائيه
للاسف مفيش حل غير انك تفصله
دا انا كنت بغير ترموستات الحراره من يومين دوخت عشان الاقى O Ring نفس المقاس وفى الاخر ملقتش وعملت افتكاسه كدا "جبت جوان ترموستات الحراره ومليته سليكون "