السلام عليكم
انا ساكن في المهندسين وعايز اسافر اروح الزقازيق امشي ازاي ؟
علشان عمري ماروحت قبل كدا ياريت تفيدوني :ask::hrm_prv:
السلام عليكم
انا ساكن في المهندسين وعايز اسافر اروح الزقازيق امشي ازاي ؟
علشان عمري ماروحت قبل كدا ياريت تفيدوني :ask::hrm_prv:
خد تاطريق الصحراوي
اطلع الدائري اتجاه م نصر لحد نزلة طريق الاسماعلية الصحراوى وبعد كدة منة طريق بلبيس الصحراوي والزقازيق
انا بمشي من على طريق الاسماعلية كتير اخوش منين على طريق بلبيس الزقازيق ؟
معلش هتعبك معايا
من الاسماعلية الصحراوى هتدخل طريق مدينة العبور الرئيسى وتفضل ماشى فية لاخرة لحد لما تلاقى البوبة (2جنيه)وتكمل لحد بوبة الخروجومن هناك هتلاكى يفط تدلك
الف شكر ليك يا باشا
هو فعلاً الطريق ده يوصل للزقازيق بس بعيد طبعاً لإنك لسه هتعدى على أبو حماد
وطريق الزقازيق الى هو أسكندريه الزاعى وقبل كوبرى بنها هتلاقى مدخل الزقازيق اللى هو طريق منيا القمح
لو حضرتك عايز عنوان معين فى الزقازيق اتفضل وأنا أوصفهولك وتوصل بالسلامه إن شاء الله
اقتباس:
المشاركة الأصلية كتبت بواسطة maruti
اخى الكريم
السلام عليكم ورحمة الله وبركاته
اسهل طريق ان حضرتك تركب الدائرى من المهندسين اتجاه مصر الزراعى وتنزل نفق القناطر الخيريه يمين ثم شمال وتخليك فى اليمن لحد متطلع الزراعى وعندما تصل الى كوبرى الشموت على الطريق الزراعى بالقرب من بنها خلى حضرتك فى يمين الطريق لحد ماترى كوبرى بنها وتخليك فى اليمن اسفل هذا هو اتجاه الزقازيق من طريق منيا القمح وهو افضل وأأمن من الطريق الصحراوى لان الطريق الصحراوى بعيد شويه ولفتو طويله حبتين وغير أمن من عند بلبيس
ارجو ان اكون افدت حضرتك
انا اعتقد ان طريق بلبيس حاليا مؤمن وخالي تماما من اي بلطجة او ماشابه
انا كمان هبدأ من بعد بكرة شغل في الزقازيق لمدة اسبوعين وهمشي انشاء الله صحراوي
الزراعي مليان مطبات وزحمة وبطئ ونزلة الزراعي من علي الدائري بتبقي زحمة جدا وبتضيع وقت طويل
والله المستعان
،
،