المشاركة الأصلية كتبت بواسطة crayvor
انتشار الفلوينس أعلي من المازدا..
والمازدا نازلة بتاني أضعف موتور ليها هنا ف مصر.. مش حياكل عيش مع جسم العربية دا كله..
كان نفسي أقولك يتوكل علي الله في الفلوينس.. بس للأسف لو أنا مكانه مش حاشتري عربية وأفضل طول ال 5 ولا 6 سنين اللي راكبهم فيها خايف منها.. طالما انه خاف منها في البداية يبعد ويريح دماغو..
ترشيحاتي؟؟
هيونداي: عنده مليون حاجة يختار منها:
أكسنت أعلي فئة ويوفر 11 ألف
النترا أول فئة ف الهاي لاين ب 133
i30 هاي لاين برضه أول فئة
ix20 الرائعة بس مش البانوراما
نسيان تيدا أعلي فئة هاتش
كورسا أعلي فئة بس يسأل علي نظام التوكيل
فكك من الكروز ماعرفش ليه بس بتدي طابع قديم شوية
آدي حبة حاجات السوق واثق فيها واعتمادية عالية..
الالنترا والأكسنت كا برستيج
ال i30 و ix20 و الكورسا حاجة شبابية وف نفس الوقت فيها كاريزما البرستيج كويسة
التيدا قاعدتها من جوة تخلي الواحد بيزعل لما يخلص المشوار.