الموضوع: اتفرج على اوبل ازاى

هجاوبك علي تاني سؤال
اهم حاجه اللي بتشتري منه تكون العربيه بأسمه ومافهاش توكيلات
او زي مابيقولو فيها ورقه او ورقتين يعني توكيلين .. دا هيبقي يا تاجر يأما نصاب
انما لو الرخصه بأسم صاحبها اللي بتشتري منه مافيش اي قلق خالص طبعا انت بتتعامل مع المالك مباشرة
ولو مغيرة موتور قبل كدا حاول تتأكد ان الموتور مثبوت في الرخصه
بس كدا

طيب رقم الموتور فين ورقم الشاسيه فى العربيه

رقم الموتور امام وش السلندر تحت البوجيهات عاليمين
رقم الشاسيه مابين الكرسي اليمين و الباب هتلاقي حته موكيت ارفعها هتلاقي الرقم
و ربنا يوفقك لما لك فيه من خير

سيد باشا كدة تقفشنى و انا بسرق دا انا كنت عايز اعملهالك مفاجاة يا راجل و منتا عارف انى مونون على الاوبل من اول ما بعت الابيزا ... و بصراحه الاوبل ركوبه ركوبه ركوبه انا مش عارف الناس ظالماها ليه و الله شعب غريب جدا جدا ..... العربيه واقفه فى السوق و جنبها عربيات تانيه ماركات اقل منها بكتييييييييييييير و نفس السعر تقريبا طيب ليه كدا انا مش عارف و مش عاوز اقول ماركات عشان قلت قبل كدا و الناس زعلت منى و اللى كان معاة قردة كان بيزعل انى بقارنها بالالمانى