تقرير-مصور عن تيل فرامل الالتو الامامي الماليزي
بسم الله الرحمن الرحيم
السلام عليكم و رحمة الله و بركاته
انا واخد العربية اليومين دول غسيل و كي :)
و المرة ديه غيرت تيل الفرامل الامامي
و طبعا كنا محتاريين في تيل كويس للعربية و يقعد فترة كبيرة
و جربت كل حاجة صيني تيواني بتنجاني
الي ان وجدت نوع كويس جدااا
ماليزي اسمه fbk
الشركة ديه منزله تيول لكل العربيات تقريبا
و عدي معايا في اخر تغييرة الـ10 الاف و كان يقعد شوية كمان لما فكيته
و المرة ديه هحسب بالظبط فترته لأن المرة اللي فاتت مخدتش بالي كان ع كام لكن خدتها بالبركة لأني كنت مغيره قبل تغيير الزيت قبل الحالي مباشرة
سعر التيل 60 جنيه
مميزاته
بسم الله ما شاء الله بيقعد فترة كويس لحد دلوقتي و لسه هنشوف
حنين ع الطنابير و بيحافظ عليها ( بينزل بودرة )
سعره مش غالي اوي
عيوبه
بينزل بودرة ع الجنط لو انت من محبي تركيب الطاسات يبقي هتتعب شوية و انت بتغسلها و يفضل بفرشة
اما لو جنط عادي يبقي متقلقش هي ضربة مية او ضربة مية و فرشة و هترجع زي الفل بسهولة
صور التيل و علبته
ع فكرة العلبة الرفيعة ديه لنوع موديل عربيتي الالتو موديل 2008
يعني ممكن تلاقي علبة اكبر شوية او مربعة ع حسب و طبعا قبل ما تشتري حاجة من الاتنين
ياما تاخد التيل القديم و تجيب عليه عشان متاخدش واحد غلط يا اما تعمل زي حالاتي
و تفك اللي راكب و تحطه ع ورقة و ترسمه و تجيب عليه
و التيل اللي موجود في الصور ده التيل القديم اللي كان راكب عشان نسيت اصور الجديد قبل ما اركبه http://img638.imageshack.us/img638/8352/dscn5528g.jpg http://img837.imageshack.us/img837/7947/dscn5529v.jpg http://img20.imageshack.us/img20/2294/dscn5530l.jpg بالتوفيق ان شاء الله