انا غيرت الفتيس الاتوماتيك للنوبيرا

**scooter_dj** · 10-03-2012 01:27 PM

بعد عذاب ومعاناة اشتريت فتيس جديد بــ 1100 وزيت موبيل 100 جنيه ومصنعية 150
طلعت جربت 10/10 بس انا هابيع العربية لانى زهقت من فتيسها بجد
وانا عارف ان الجديد مش هبستحمل بردوة فالحق ابيعها قبل ما يحصل فيها حاجة
وانا بنصح اى حد بلاش النوبيرا الاتوماتيك خليك فى المنوال عمرك ما هتشتكى منها

**haimaN** · 10-03-2012 04:41 PM

طيب ما كنت تحولها مانيوال وخلاص وتخليها لو انت حاببها

**hessenp** · 10-03-2012 04:43 PM

معاك حق انا برضة اصحابى نصحونى ببلاش اجيب نوبيرا اتو ولا لانوس اتو لان الدايو فشل فى الاتوماتيك ...
ربنا يعينك على بعها وان شاء الله ربنا هيخلف عليك باحسن منها........

**ahmed.zahra** · 11-03-2012 12:36 PM

يا جماعة انتوا ليه محسسني ان النوبيرا الأوتو دي ابتلاء، الموضوع مش كده خلاص و العربية كويسة جدا و الفتيس بس محتاج عنايه يعني كل 10.000 كيلو تغير الزيت و الفلتر بتوع الفتيس و تعمل له تنظيف و تحط فلاش. و طبعا تكون محافظ على دورة التبريد لأنها هي اللي بتبرد زيت الفتيس يعني تكون عندك الميه مش بتنقص و يفضل انك تكون حاطط مياه خضرا ( فيها مبرد مش مجرد مياه) و الفتيس هيعيش معاك بدون مشاكل

**ahm_fa2002** · 11-03-2012 01:41 PM

السلام عليكم انا معايا نوبيرا 1 هيدروماتيك من اربع سنوات ومشاء الله تمام مافيش اي مشكلة في الفتيس

**hamdyy010** · 11-03-2012 06:22 PM

انا معايا نوبيرا 2 مو99 اوتو
ممكن سؤال هو ايه فلاش ده؟
هل الفتيس لما اغير الزيت له بياخد فعلا 3كيلو ولا زى اللانوس بياخد حوالى 9 كيلو؟
والفلتر بيتغير ولا بيتنظف؟
واسف للاطالة

**tarek_2005** · 11-03-2012 08:46 PM

النوبيرا بتاخد 3.7 لتر زيت فتيس اللانوس بتاخد 12 لتر زيت فتيس الاوتو طبعاً المانيول بيختلف في السيارتان

**RZZAAA** · 02-04-2012 12:14 PM

انا معاىنوبيرا 2 اوتواماتيك 2002
الفتيس بيعلق يجيب الاول فقط وبعدين مش بينقل اعمل ايه الميكانيكي قالى على وير راكب فوق الموتور مع وير البنزين هوه ده بيعلق الفتيس اغيره منين و لا اغير الفتيس كله
ويا ريت اعرف الفتيس اجيبه منين
الرجاء الافاده او الاتصال 0125411237